الموضوع: الحمد لله على كل حل و قدر الله و ما شاء فعل (حادث كبير)

حمد لله على سلامتك .. وقدر الله ماشاء فعل .. وان شاء الله العربية ترجع افضل من الاول باذن الله
واى مساعدة احنا حاضرين

المشاركة الأصلية كتبت بواسطة sava

لالاسف محدش اخد رقم عربيته لان الناس كلها قالت لي احنا اهتمينا بأننا نخرجك من العربيه اهم من كل حاجه .. العربيه كانت بتطلع دخان كثيف من فتحات التكييف .. الايرباجات كانت مفتوحه .. الناس اعتقدت ان العربيه فيها حريقه فمحدش فكر يجري ورا العربيه و لا ياخد رقمه .. و هو اساسا احتمال يكون بدون ارقام لانها ربع نقل موديل قديم و غالب السيارات دي عندنا في المنطقه بدون ترخيص

حمد لله على سلامتك مرة تانية
وربنا يسترها علينا من البهايم اللى راكبة عربيات
انا باشوف بلاوى ع الطريق وخاصة باليل ربك اللى بيسترها
تلاقى واحد زى اللى ربنا ينتقم منه ده ماشى لا نور ولا اى حاجة ويغير اتجاهه فى ثانية ويضيعك بغباءه :b4_556:

المشاركة الأصلية كتبت بواسطة sava

انا عربيتي عامله اقل من 25 الف ..و التأمين رفض يصلحها في التوكيل .. لان تصليحها هيتكلف فوق ال 40 الف جنيه .. فهيدخلها توتال لوس .. و حاليا هما بيتفاوضوا معايا عشان ادفع اي حاجه ..( هحكيلكم كل التفاصيل و التكاليف في التوكيل يعد يومين لما اكون خلصت مع التأمين)
و الف الف سلامه سلامه على جوز خالتك .. يا رب يقوم بالسلامه

حسبى الله ونعم الوكيل
امال تأمين على ايه بقى لما هايختار يدفع كام
واساسا ما تستاهلش توتال لوس بس هما عشان بيحسبوها فلوس وتصليح التوكيل غالى يقولك تغيير تابلوه بقطمة دركسيون 10 الاف مثلا عشان الاير باج
بس الحمد لله شكل العربية من الصور الضرر ع الموتور قليل الحمد لله والشاسيه كمان
المهم طمنا عملت ايه وربنا يقدملك الخير ويعوضك عنها بكل خير