هو فيه ايه؟

**OlaOsman** · 11-05-2008 06:07 AM

جزاكم الله جميعا خير الجزاء على المساندة النفسية :)

بالنسبة للكورنيش انا طبعا مش باتعمد امشي منه عشان هو أصلا طريقي في جميع الأحوال، الشارع اللي فيه بيتنا موازي لشارع الكورنيش يعني لا مناص من اتخاذ الكورنيش طريقا و بعدين أروخ بعد كده مطرح ما انا عايزة :)

بالنسبة لليافطة بتاعة عفوا تعليم فأنا فعلا فكرت فيها، بس مش عارفة ليه مش متخيلة نفسي سايقة العربية و حاطة يافطة.. يمكن اتجرأ على الفكرة لو لقيت الدنيا اتعقدت اكتر من كده.. لا قدر الله :o

أما عن اليمين و الشمال فأنا فعلا باخد اليمين.. و برضه مش بامشي سلحفاة يعني.. بس الناس هي اللي مافيش صبر

جزاكم الله خيرا مرة أخرى على نصايحكم :)

**sokasoon** · 11-05-2008 07:28 AM

لما تكونى ماشية على اليمين يا علا ووراكى حد بيديكى كلاكس علشان ماشية بطىء

شغلى الانتظار وخليكى زى ما انتى لو فضل يدى كلاكس يبقا سبيه وركزى فى الطريق

ولو جه كلمك ماترديش عليه .... بـس عموما 40 على الكورنيش قليل اوى

بس طالما انتى ملتزمة بالحارة اليمين يبقا خلاص اى حد مستعجل هينقل الحارة التانية

**Karim_Monir** · 11-05-2008 10:24 AM

قانون المرور الجديد هايسحبو رخص اللي بيمشي بالرحة في مطالع الكباري ومنازل الانفاق

**aif** · 12-05-2008 07:50 AM

المشاركة الأصلية كتبت بواسطة tutankhamoun

و البشوات بلطجية الميكروباصات اللي
بيقفوا في أي مكان لشفط زبون
و بيقفوا على الكباري و تعطيلها
و بيقفوا ينزلوا أو يشفوطوا زبون في مطالع الكباري و مداخل الشوارع أو مخارجها
و السواقين اللي نازلة غرز و أكنها في لعبة أتاري

يارب أحرقهم .......

دول بقي ح يحكمو عليهم بالاعدام رميا بالبلغ القديمة ..مع سبق الإذلال والتقشف

**aif** · 12-05-2008 08:43 AM

انا عندي ليكي حل كويس وجديد يا علا :
انا شايف انك لازم تكتبي ورقة كبيرة علي الزجاج الخلفي وعلي الشباك كذلك " عفوا .... تعليم "
لأن اللي وراكي ده مش عارف انتي ماشية ببطئ شديد ليه ؟؟؟ فطبعا له العذر انه يبقي متضايق

...................ايه رأيك في الاقتراح ده .... مبتكر وجديد ;) :p

**MMamdouh** · 12-05-2008 12:57 PM

معلش انا عايز اقول حاجة...

مينفعش حد يسوق على الطريق و هو لسة محتاج "يتعلم" او حد "يعدلة الدركسيون" او يكتب "تعليم"... اما تتعلم فى مدرسة سواقة و تبقى سواق يا تركب تاكسى

السواقة حاجة خطر و مش سهلة و مينعش حد يمارسها الا اذا كان متمكن... و بكرر متمكن... مش القصد انة مايكل شوماخر لكن على الاقل فاهم هو بيعمل ايه و عارف يتحكم فى العربية و فاهم يعنى ايه طريق

اللى لسة بيتعلم دة بيبقى ماشى بظرية التمشية فى شارع الشواربى... يقف امام المحل اللى يعجبة و يحود وقت ما يحب و يطلع و ينزل من على الرصيف بمزاجة و الحياه منجة... على الطريق اى خطاء من دول ممكن يكلف ارواح.... حرام عليكم

لو متعرفش تسوق متسوقش... لو قلبك خفيف و بتتخض من اقل حاجة متسوقش... لو مش عارف لسه تتحكم فى العربية صح متسوقش... اصلا مش فتونة ولا فهلوة... الغلطة بجون يا جماعة

ادخل مدرسة قيادة... اهى دى حيخلوك تسوق عربية وسط الناس و تضبش زى ما انت عايز بس العربية مكتوب عليها "تعليم" فى كل سنتى و الناس بتبقى عارفاها وواخدة بالها منها و عاملة حسابها لاى العاب خطرة من اللى بيتعلم... دا غير ان جنبك معلم (بضم الميم) بيرشدك و يدلك على اللى المفروض تعملة

اما السيطرة على العربية فا دى عايزة مكان فاضى و تدريب على تحريك العربية فى مساحات ضيقة و دى اقرب لاختبار الرخصة بتاع المرور... لو واحد بيعرف يسوق بجد مش حيسقط فى الامتحان لكن للاسف كل واحد داس بنزين و فرامل و لف الدركسيون فاكر انه بيسوق و لو عندة واسطة حيطلع رخصة و يبلى الناس فى الشارع

و الاستطلاع اللى كنت عملتة زمان بين ان ناس كتييييييير معاها رخص بالواسطة و ما امتحنتش اساسا.. انا ممتحنتش و انا بطلع الرخصة بي انا و الحمد لله بسوق... و المدام معاها رخصة بالواسطة بس متعرفش الفرق بين الدركسيون و فرامل اليد و طبعا عمرى ما حخليها تسوق كدة

معلش انا مختلف معاكم... مفيش حاجة اسمها "لسه بيتعلم"... فيه "لسه مش خبرة"... و دى مقبولة لان محدش بيتولد سواق ولا السواقة ليها كبير و الكل بيزداد خبرة كل يوم بيسوق فيه... انما لسه بيتعلم دى مصيبة

MMamdouh

**aif** · 12-05-2008 06:34 PM

المشاركة الأصلية كتبت بواسطة MMamdouh

معلش انا عايز اقول حاجة...

مينفعش حد يسوق على الطريق و هو لسة محتاج "يتعلم" او حد "يعدلة الدركسيون" او يكتب "تعليم"... اما تتعلم فى مدرسة سواقة و تبقى سواق يا تركب تاكسى

السواقة حاجة خطر و مش سهلة و مينعش حد يمارسها الا اذا كان متمكن... و بكرر متمكن... مش القصد انة مايكل شوماخر لكن على الاقل فاهم هو بيعمل ايه و عارف يتحكم فى العربية و فاهم يعنى ايه طريق

اللى لسة بيتعلم دة بيبقى ماشى بظرية التمشية فى شارع الشواربى... يقف امام المحل اللى يعجبة و يحود وقت ما يحب و يطلع و ينزل من على الرصيف بمزاجة و الحياه منجة... على الطريق اى خطاء من دول ممكن يكلف ارواح.... حرام عليكم

لو متعرفش تسوق متسوقش... لو قلبك خفيف و بتتخض من اقل حاجة متسوقش... لو مش عارف لسه تتحكم فى العربية صح متسوقش... اصلا مش فتونة ولا فهلوة... الغلطة بجون يا جماعة

ادخل مدرسة قيادة... اهى دى حيخلوك تسوق عربية وسط الناس و تضبش زى ما انت عايز بس العربية مكتوب عليها "تعليم" فى كل سنتى و الناس بتبقى عارفاها وواخدة بالها منها و عاملة حسابها لاى العاب خطرة من اللى بيتعلم... دا غير ان جنبك معلم (بضم الميم) بيرشدك و يدلك على اللى المفروض تعملة

اما السيطرة على العربية فا دى عايزة مكان فاضى و تدريب على تحريك العربية فى مساحات ضيقة و دى اقرب لاختبار الرخصة بتاع المرور... لو واحد بيعرف يسوق بجد مش حيسقط فى الامتحان لكن للاسف كل واحد داس بنزين و فرامل و لف الدركسيون فاكر انه بيسوق و لو عندة واسطة حيطلع رخصة و يبلى الناس فى الشارع

و الاستطلاع اللى كنت عملتة زمان بين ان ناس كتييييييير معاها رخص بالواسطة و ما امتحنتش اساسا.. انا ممتحنتش و انا بطلع الرخصة بي انا و الحمد لله بسوق... و المدام معاها رخصة بالواسطة بس متعرفش الفرق بين الدركسيون و فرامل اليد و طبعا عمرى ما حخليها تسوق كدة

معلش انا مختلف معاكم... مفيش حاجة اسمها "لسه بيتعلم"... فيه "لسه مش خبرة"... و دى مقبولة لان محدش بيتولد سواق ولا السواقة ليها كبير و الكل بيزداد خبرة كل يوم بيسوق فيه... انما لسه بيتعلم دى مصيبة

MMamdouh

كلامك مظبوط يا باشا ...
لكن مش المقصود بتعليم انها لسة بتتعلم ......
يعني زوجتي مثلا اتعلمت خلاص ... وبتتحكم في العربية كويس ...لكن في الغابة بتاعة الشوارع بتاعة مصر لازم تاخدلها اسبوعين تلاتة لحد ما تتأقلم علي الهمجية الموجودة في الشارع ....

-

-

-

الموضوع: هو فيه ايه؟

LinkBack

أدوات الموضوع

عرض

-

-

-

-

-

-

الكلمات الدلالية لهذا الموضوع

المفضلات

المفضلات

ضوابط المشاركة