الموضوع: كيا سبورتاج 2012 وصلت خلاص

المشاركة الأصلية كتبت بواسطة hossam_zaky

الأسعار التقريبية من معرض محمد زكي تتراوح بين 165000 و 195000 و الدفعات القادمة كلها محجوزة لحد شهر 3 / 2012
و العربية اتأخرت في النزول للسوق بسبب ظروف البلد الحالية

بس ده التوكيل لسه مافتحش باب الحجز, وكلام التوكيل ان الاستلام فى نص 10

ياجماعة دة كلام معارض ملناش دعوة بيه يقولوا اللي يقولوه يعني عربية لسة التوكيل لم يعلن عنها رسمياً ومعرض يقولك محجوزة لحد 7 شهور قدام طبعاً كذاب وبيعمل كده علشان اللي يبقى مستعجل وعاوز يشتري دلوقتي يدفعوه دم قلبه زيادة عن سعر العربية عضو تاني في موضوع عن السبورتاج بيقولك معرض قال له أوفر برايس على ال200 ألف 40 ألف ده كلام بردوا كل واحد بتاع معرض هيعمل البحر طحينة علشان يكسب أكبر مكسب فأحنا مفروض نهدأ شوية لحد مالتوكيل ينزل الأسعار الرسمية ويفتح باب الحجز ونخلي أصحاب المعارض يهوا مع نفسيهم اليومين دول لحد ما يظبطوا أسعارهم .