للمدخنين فى المنصورة هام جدا قبل يوم 26 اغسطس

بسم الله الرحمن الرحيم


فيه كمين عند كوبرى طلخا بيقبض على المدخنين



انا طبعا بهزر




لكن فيه سيمينار مجانى انا اللى باعمله يوم 26/8/2011 لأى حد عايز يبطل السجاير فى اى تى داتا عند استاد الجامعة من 8 - 1 مساء ... و اللى مش هيبطل السجاير وهو خارج من السيمينار هياخد 100 جنيه !


انا مش عارف المفروض نعمل ايه تانى للمدخنين عشان يبطلوا !

و فيه امكانية لاعضاء المنتدى لحد 3 اعضاء كحد اقصى لان العدد محدود و طبعا بعد ما تحضر تيجي هنا و تكتب قصة نجاحك من اول ماقريت الاعلان لحد ما بطلت عشان نتشهر

موقع الحملة على الفيس
‫ظˆط§ظ†طھ ظƒظ…ط§ظ† ظ…ظ…ظƒظ† طھط¨ط·ظ„ ط§ظ„ط³ط¬ط§ظٹط± | Facebook‬

يعنى ايه سيمينار

محاضرة

انا هبقى فى المنصوره فى الوقت ده بس انا كده ممكن اجى علشان اخد ال 100 جنيه هههههههههه
والله نفسى ابطلها بس كل الفكره انى ابعد عن اى حد بيشرب سجاير علشان كذا مره حاولت ابطلها بس لما بشم ريحة السجاير مش بقدر بصراحه وفى الاول وفى الاخر الموضوع عايز اراده وعزيمه

وتحياتى ليك يا باشا على الفكره :)

طب أنا من القاهرة وبطلت سجاير بس ممكن آجي برده :M_yes[1]:


بهزر بهزر

اقتباس:

---

المشاركة الأصلية كتبت بواسطة waelemam2008

انا هبقى فى المنصوره فى الوقت ده بس انا كده ممكن اجى علشان اخد ال 100 جنيه هههههههههه
والله نفسى ابطلها بس كل الفكره انى ابعد عن اى حد بيشرب سجاير علشان كذا مره حاولت ابطلها بس لما بشم ريحة السجاير مش بقدر بصراحه وفى الاول وفى الاخر الموضوع عايز اراده وعزيمه

وتحياتى ليك يا باشا على الفكره :)

---

بانتظارك و كده كده هتكتب قصة نجاحك يوم السبت الجاى حتى لو اخدت الميت جنيه :)

اقتباس:

---

المشاركة الأصلية كتبت بواسطة رزق

طب أنا من القاهرة وبطلت سجاير بس ممكن آجي برده http://www.nilemotors.net/nile/image...yes%5b1%5d.gif


بهزر بهزر

---

طبعا ممكن تيجي لانه مش معنى انك بطلت السجاير انك خلاص مش ممكن ترجعلها تانى

و ممكن تعرف ده لو سالت نفسك لما بتشوف مدخن هل بتحسده و بتتمنى انك تكون مكانه و لا بتشفق عليه عشان بيضيع حياته وصحته عشان اوهام زرعتها فى دماغه شركات السجاير ؟

اقتباس:

---

طبعا ممكن تيجي لانه مش معنى انك بطلت السجاير انك خلاص مش ممكن ترجعلها تانى

و ممكن تعرف ده لو سالت نفسك لما بتشوف مدخن هل بتحسده و بتتمنى انك تكون مكانه و لا بتشفق عليه عشان بيضيع حياته وصحته عشان اوهام زرعتها فى دماغه شركات السجاير ؟

---

ههه لا أنا لو حاجي حاجي عشان الكاش :>
متصورش أرجع للسجاير تاني

ممكن في الاخر ياباشا ترفع المحاضره على اليوتيوب

انا ممكن احضر بس معتقدش ان هيبقا من السهل اني ابطل
انا شخص بطلت 6 شهور مشربتش فيهم ازيد من قروصه مثلا في خلاص ال6 شهور بعد ما كنت بشرب قروصه كل 10 ايام او اكتر كمان وبرده بعد ما بطلت رجعت تاني تقولي ليه اقولك زي ما الاخوة قالوا شميت ريحتها كنت رايح اعمل فيش وعلشان مفيش احترام للناس الي مش بتشرب او مبطله وكله بيشرب ف نفس المكان قعدت 3 ساعات في مكان كله مدخنين وفضلت مبطل بعدها اسبوعين وف الاخر رجعت وزي الاول عادي جدا
فكرت كل التفكيرات وقعدت مع نفسي واخدت خطووة وبطلت وبرده رجعت ممكن ابقا احضر معاكم ومعتقدش اني هبطل برده ياريت لو تفاصيل عن مكان المركز لاني مش اعرف هو فين
وباذن الله اشارك معاكم ف السيمينار واهي فرصه نشوف اخوان لينا فالمنتدي ونتعرف بيهم

كده معانا اتنين و لسه مكان لواحد كمان

اقتباس:

---

المشاركة الأصلية كتبت بواسطة sheno0o

انا ممكن احضر بس معتقدش ان هيبقا من السهل اني ابطل
انا شخص بطلت 6 شهور مشربتش فيهم ازيد من قروصه مثلا في خلاص ال6 شهور بعد ما كنت بشرب قروصه كل 10 ايام او اكتر كمان وبرده بعد ما بطلت رجعت تاني تقولي ليه اقولك زي ما الاخوة قالوا شميت ريحتها كنت رايح اعمل فيش وعلشان مفيش احترام للناس الي مش بتشرب او مبطله وكله بيشرب ف نفس المكان قعدت 3 ساعات في مكان كله مدخنين وفضلت مبطل بعدها اسبوعين وف الاخر رجعت وزي الاول عادي جدا
فكرت كل التفكيرات وقعدت مع نفسي واخدت خطووة وبطلت وبرده رجعت ممكن ابقا احضر معاكم ومعتقدش اني هبطل برده ياريت لو تفاصيل عن مكان المركز لاني مش اعرف هو فين
وباذن الله اشارك معاكم ف السيمينار واهي فرصه نشوف اخوان لينا فالمنتدي ونتعرف بيهم

---

كل المطلوب منك هو حضور السيمينار مسالة ان التبطيل يبقى سهل دى مهمتى انا و هنعرف اكثر هو كان سهل ليه وانت بتحكى قصة نجاحك يوم السبت ان شاء الله ........ و اكيد هتبقى فرصة كويسة كمان نتعرف بيك

تم تأجيل السيمينار ليوم 28 فى نفس الميعاد و المكان عشان ليلة 27 هى اكثر يوم بنتعبد فيه ربنا فى السنة