عايزين نعرف او نشوف ازاى كل واحد مدلع عربيته ....... يعنى جنوط ...كاسيت ....Any Tunning
بالنسبه لى انا لسه مدلعتش العربيه خالص اوعدكم اول لما ادلعها هأولكم
عرض للطباعة
عايزين نعرف او نشوف ازاى كل واحد مدلع عربيته ....... يعنى جنوط ...كاسيت ....Any Tunning
بالنسبه لى انا لسه مدلعتش العربيه خالص اوعدكم اول لما ادلعها هأولكم
انا نفسى اركب الفوج لايت والسنسور باركينج
واختمها بجنوط 16 سلفر بس مش عارفه ابداء منين وفين
و الله انا حاسس انها كامله من كل حاجه الياريس الفول اوبشن
انا بقي بادلع عربيتي جدا .... جدا
باحطلها بنزين 92 :eek:
فيه دلع اكتر من كدة ....
وكل كام شهر باغسلها في المحطة ... ياللا ان شالا ما حد حوش :rolleyes:
انت كده ممكن تبوظ اخلاقها و تتعود على كده
للأسف انا بعمل زيك و مش عاجبنى برضه
الظاهر ان دى التربيه الحديثة
---------
انا اول ما شفت الموضوع جه فى داغى اغنية
دلع النونه
هشتك النونه
---------
العربيه اللى تلاقى الدلع و ما تتدلعش يبقى تستاهل اللى يجرالها
هو فى فرق بين تحسين خواص و صفات معينه وزيادتها للاحسن "من وجهة نظر صاحب العربيه"
و بين تدليع العربيه
انا عن نفسى مابحبش الدلع علشان لو دلعتها يجى شاب عضنفر "قصدى تاكسى" و يقوم شددلها ضفايرها و لا مديها بوكس فى مناخيرها
و تبقى تستاهل
ما هى اللى ماشية بتتدلع و لمالى تكاتك و تاكسيات المنطقة
-------
عموما نا لا احبذ ان ازيد اى شئ عن اللى العربيه نزلت بيه
ما حبش العب فيها يعنى
الدلع بالنسبالى
موتور تمام و عفشه زى الفل و ساوند سيستم محترم و بس
و بعد كده مش مشكله بقى الشكل الخارجى اهم حاجه العربيه بتجرى و محدش بيقدر يجيبنى
هى بقت كده يا حازم باشا ماشى
على العموم عربيتى فى التوكيل سلمتها عشان الخبطه اللى فى الرفرف ان شاء الله تتظبط
بس ادعولى متتخبطش فى التوكيل منهم خبطه جديده احسن دول كفتجيه على راى ناس :D:D
بس الظاهر كفتتهم كلابى المهندس معرفش يجرب فرامل العربيه معايا :o
ماعلينا برضوه هركب فوج لايت بمشيئه الله وسنسور والجنوط فى الاخر اخلى الخبطه الكبيره فى الاخر عشان اكون حوشت مهرها:D:D:D واخطبها باربع جنوط
انا عارف يا جماعه ان مفيش احسن من ال Default بتاع العربيه، انا مأصدش انى اغير فى العربيه انا بتكلم عن الحاجات العاديه زى الساوند سيستم ، الجنوط ، الفرش بانواعه ........
يعنى انا مثلا شايف ان انا مدلع العربيه انى بعد ما بغسلها بمسح التابلوه و الابواب ب Armor All Wipes ده نوع نظيف اوى يا جماعه ومش بيخلى التابلوه يلمع ولا يشقق فى الشمس بس بيحافظ عليه نضيف لفترات طويله
ايه الفوج لايت ده ؟
كشافات الشبورة يعني (بالعنجليزي)...فوج يعني ضباب..ولايت يعني اضاءة...
من ناحية الدلع فانا مدلعها ع الاخر
كاسيت بايونير + جوز سماعات كينوود + صبووفر بايونير + 2 سماعة صينى + ام بى ثرى :p
زينون كشافات وشبورة :p:p
باركينج سينسور مراية :p:p:p
بلوتوث مراية :p:p:p:p
جنوط سبور :p:p:p:p:p
فرش جلد + عراقات قطيفة :p:p:p:p:p:p
عتب + كساحات + سبويلر مع رشة نضافة من شهرين :p:p:p:p:p:p:p
غطا ووتر بروف :p:p:p:p:p:p:p:p
يوم نضافة كامل فى الاسبوع على ايدى ;););););)
1- فرش جلد
2- كونصول محترم
3- طقم عقدة فى الجون
4- فامية 00
5- فوجات
6- جنوط
7- زينون عالى
8- واطى وفوجات أبيض تلجى
9- سبويلر
10- غطاء طنبورة بلون العربية
11- دخان امامى وخلفى
12- ديل شكمان سبور
13- نيتروجين
14- ستائر خلفية كبس (قريبا)
15- كام أستيكر شيك على خفيف
يارب ما أكون نسيت حاجة
انت اكيد بتغيظينى ومش عامل كده فى عربيتك قول الحق صح...........:o
انت مركب زينون فى الشبوره بجد ..........؟
طب اخبار الباركينج سينسور ممعاك ايه قولى التفاصيل لانى ابتديت اتغاظ :p:p:p وبفكر ااقلدك فى الحال
بس عتب وكساحات مفيش امل اركب مع مطبات المحروسه الشهيره
انا عايز اجيب كونصول حلو بس كل ما اروح محل او ابص في كارفور او هايبر وان احس انه كونصول بتاع مكروباص .. محدش يعرف اجيبه منين ؟
الحق انى فعلا دة اللى فى عربيتى وبدون غيظ :p:p:p
وانا فعلا مركب زينون فى الشبورة :p:p والكاشفات :p:p
بخصوص الباركينج سينسور هو بصراحة انا بعتبرة حاجة مهمة جدا فى العربية وهو عبارة عن مراية بتركب فى الصالون فوق المراية بتاعة العربية واول ماتدى العربية مارشدين فى مؤشر بيظهر فى المراية ببين اذا كان فى حاجة ورا العربية و كمان بيدى مسافة رقمية وصوت انذار علشان يعرفك امتة توقف قبل ماتخبط فى حاجة وطبعا انا كنت بعانى علشان اجى اركن واقعد اخبط فى عربيات وارصفة بس من ساعة ماركبتة وانا حاسس بفرق رهيييييييييييييييييييب دة انا حتى دلوقت ساعات ماببصش فى المراية اصلا كفاية اتابع صوت الانذار لانى كل ماقرب من حاجة الصفارة تزيد ولما اوصل لمرحلة الخطر الصفارة تكون مستمرة وهنا لازم اقف :p:p:p
هو عبارة عن مراية صالون بتشتغل مع الموبايل عن طريق البلوتوث وهى لما حد بيتصل بيظهر رقمة على المراية وكمان بينطق الرقم هى بيكون فيها زراير للرد او انى اكنسل او اعلى ووطى الصوت منها وهى فيها سماعة فى المراية نفسها علشان اسمع المكالمة عن طريقها وكمان مايك يعنى بتخلى الواحد مايطلعش الموبايل من جيبة خالص ويسوق وهو مركز فى طريقة وبيتكلم فى الموبايل عادى
من ناحية الدلع فانا مدلعها ع الاخر
كاسيت بايونير + جوز سماعات كينوود + صبووفر بايونير + 2 سماعة صينى + ام بى ثرى :p
زينون كشافات وشبورة :p:p
باركينج سينسور مراية :p:p:p
بلوتوث مراية :p:p:p:p
جنوط سبور :p:p:p:p:p
فرش جلد + عراقات قطيفة :p:p:p:p:p:p
عتب + كساحات + سبويلر مع رشة نضافة من شهرين :p:p:p:p:p:p:p
غطا ووتر بروف :p:p:p:p:p:p:p:p
يوم نضافة كامل فى الاسبوع على ايدى ;););););)
ممكن نقولى حضرتك جبت الحاجات ديه منين عشان اجبها ؟ و شكرا مقدما
ممكن اسعار الباريكنج سينسور و بلوتوث المرايا اللي ركبتهم في البونتو ؟
كاسيت بايونير + جوز سماعات كينوود + صبووفر بايونير + 2 سماعة صينى + ام بى ثرى ] دول جايين مع العربية لما اشتريتها
زينون كشافات وشبورة شاريهم من كوريا
باركينج سينسور مراية شاريه من الصين
بلوتوث مراية شارية من كوريا بس هو موجود فى ش دمشق
جنوط سبور كانو فى العربية
فرش جلد + عراقات قطيفة من ش دمشق محل حسام غالى الفرش 300 و العراقات 250
عتب + كساحات + سبويلر عاملهم فى الحرفين عند واحد اسمة سيد حواجب
غطا ووتر بروف من ش دمشق محل حسام غالى ب 125
يوم نضافة كامل فى الاسبوع على ايدى دة ببلاش
الكونصول دة هو مسند الأيد فوق الهاند بريك ودة فى منة نوعين نوع بلاستيك فضى (بيئة) ونوع جلد أسود وهو دة غللى أنا قصدى علية وبيكون ب 45 جنية
طقم العدة يعنى كاسيت وسماعات وجى أم وصب ويعملوا من 1500 إلى 2000 جنية
غطاء الطنبورة دة يبقى فى الطنابير إللى ورا بعد الجنك عالطول وبيدى شكل رياضى بحت للعربية - بس لازم جنوط رياضية وتمنهم الأتنين ب 25 جنية
الدخان دة بيكون فامية على الفوانيس الأمامية والخلفية وبيتعمل ب 50 جنية
والمحكمة منورة بالقاضى بتاعها :)
طب ممكن تقولي علي مكان اجيب منه كونصول نضيف ؟
الكونصول أو المساند بأشكالها موجودة فى التوفيقية بسعر يترواح من 35 إلى 45 جنية
بالنسبة لغطاء الطنبورة أنا هصورة النهاردة وأبقى أحطة ليك أن شاء الله
طب معلش سؤال غبي .. التوفيقية دي تطلع فين !؟
أنا جيبت غطا الطنبورة أهة
http://i214.photobucket.com/albums/c...alaf/wheel.jpg
لأ مش الطاسة بالظبط..
الطاسة بتبقي وش بلاستيك او صاج بيركب علي الجنط الحديد عشان بيبقي شكله وحش..
اما الغطا ده اللي الباشمهندس مركبه بيبقي غطا صاج او صفيح بيركب ورا الجنط الاسبور الللي بيبقي مفتح كده و لاين الاجزاء الميكانيكية اللي وراه..
(حتة معقدة متشغليش بالك بيها..
ده بيتركب في العربيات اللي الطنابير الخلفية بتاعتها درامز او طبلة او قبقاب زي ما الصنايعية بيسموها.. :) :) :) و يا خارجة من باب الحمام.. )
اما رأيي بقي لصاحبة الموضوع بقي..
شوفي يا ستي.. اولا الباركينج سنسورز و الفوجات..
ودول مش هيزيودا عن 1000 جنيه لو الفوجات بتاعتك مش غالية قوي..
اما موضوع الجنوط ده في رأيي يبقي في الاخر عشان الفلوس..
هياكل علي الاقل 6 الاف جنيه..
الجنوط ال16 غالية.. و مينفعش تجيبي حنوط تعبانة.. هتبهدل العربية و تكرهك فيها..
يعني جنوط نضيفة مش اي كلام.. و الكاوتش بقي وده كمان هيبقي غالي..
يعني عندك الكاوتش لوحده لو نوع نضيف برضه, مش اقل من 3 الاف جنيه..
شوفي بقي ظروفك المادية ايه نظامها..