السلام عليكم
بصراحة ياجماعة انا لقيت ان الأختيارات محدودة في المبلغ دة واي حد معاة المبلغ دة بيحتار جدا
فعايز رئيكم تقولولي مبلغ من 200 الف لغاية 300 الف
يجيب اية جديد ومستعمل ؟؟؟؟؟
وكمان في وجهة نظرك بسبب الجمارك علي العربيات اللي في الفئة السعرية دي تستاهل تتدفع فيهاالمبلغ دة ؟؟؟؟؟؟
راى المتواضع c 180
لا شيء يعلو فوق المرسيدس
الا الاودي ممكن بس دي فوق ال 300
على حسب انت عايز عربيه مواصفاتها ايه
معلش السعر ده يجيب سي وبي ام 3 واودي اي فوق وايه ثري وفولكس باسات وشيروكو
وفولفو س اس 60 تحفه برضو وعربيات كتير
انت المفروض دماغك تبقى رايحه لعربيه معينه وبرستيج معيين تشتريه بيه اللي في دماغك
بس انا لو مكانك هجيب باسات 1.4 تربو عربيه فيها كل حاجه وعموما العربيه دي برا معلمه على البي ام والمرسيدس السي كلاس ف كل حاجه بس هنا متحجمه شويه عشان متورها بس هي افضل من البي ام وموازيه في الغالب للسي كلاس وان كانت افضل من السي 180 وفي مستوى السي 200
ولو دماغك فيها هاتش باك ممكن سبور تبقى شيروكو طبعا مشكله كبيره العربيه دي مالهاش حل
وممكن اودي a3 لو في دماغك هاتش باك بس مش سبور تنفع تبقى عائليه شويه
وكله على حسب انت اولوياتك ايه لو صعب 300 الف ممكن جيتا او اوكتافيا ب 200 الف اخرها زيرو وتحفه
بس انا لو مكانك ومتوفره الفلوس كلها هخلص في باسات هاي لاين تربو
BMW e60 523 used
الصراحة لو أنا حجيب ياإما 525 موديل 2007 مثلا أو إكس 3 موديل 2008
انا لو هشتري بصراحه بالمبلغ دا هدور علي مرسيدس e320 موديل 2008 او s320 موديل 2004
المبلغ ده مافيهوش كلام كتير
يا مرسيدس يا بي إم
حسب إحتياجاتك و شخصيتك و سنك نقي بقى ما بين E Class و C Class و فئة تالتة و خامسة
أودي و فولفو و جاجوار عربيات تحفة بس هاتخسر فيهم جامد لو حبيت تبدل ، مع العلم إنك هاتخسر في البي إم و بنسبة أقل في المرسيدس .. بس نسبة الخسارة متفاوتة
فولكس شيروكو وقتي !
دودج رام لو بتحب الحاجة الضخمة اللي تخوف اللي قدامك ومتقلقش عليها من الخبطات
لازم حضرتك توضح انتا عايز عربية مواصفتها اية وبتميل لاي ماركة وصناعة وممكن جيب ولا سيدان عادية وجديد ولا مستعمل.