الموضوع: اتنصب علينا في الحسين

من أربع أو خمس سنين أنا وواحد صاحبي قلنا نروح الحسين نسهر شوية
بعد الصلاة قعدنا على قهوة في قلب الحسين
طلبنا ٢ كوكتيل فواكه و٢ شاي بعدها
وقعدنا بتاع ساعتين
وإحنا قايمين بقى: الحساب كام يا عم؟
...: انتو طلبتو إيه؟
إحنا: ٢ كوكتيل واتنين شاي
...: أخدتو من المكسرات اللي عالترابيزة؟
إحنا: أبدا والله ما حصلش ماحصلش!
...: ماشي. الحساب ٧٠ جنيه
إحنا: ليه؟
...: أصل وفصل ومصل
إحنا: اتفضل

ومن ساعتها ما بقعدش على أي قهوة أو كافيه أو هبابة هناك :)

بس في حاتي هناك اسمه يوسف أو آبو يوسف في مبني كدة في الدور التاني وجمبه مكنة atm وجمب بتاع عصير قصب الحقيقة حاجته ممتازة كلنا أنا وصاحبي هناك مرة تانية وكانت أكلة تمام ومدفعناش أكتر من ١٣٠ جنيه بس الكلام ده من أربع سنين برضه هههههه ومكانشي رمضان

مش ملاحظين يا جماعة إن معظمنا متفقين الحسين مبقاش له بريقه؟
وكمان اللي بيروح مرة قليل لما بيتنيها

ايه دا دا طلع كل الناس اتنصب عليها زيي ...طب يا جماعه ما حد يقول من الاول بدل ما الواحد راح كده عمايني و ادبس

المشاركة الأصلية كتبت بواسطة yoko

والدهان مع صحابي كان نفس الكلام من سنتين
عايز تاكل هناك تكون عارف حد هناك يظبطلك محل رخيص وبيبقى اكلهم أحلى من المشهورين بمراااااحل

الدهان كمان

دا احنا كنا بنقول ياريتنا كلنا فيه

ماهو انا اول مره اروح هناك و معرفش حد هناك لو تعرف اسماء محلات كويسه قولنا عليها

المشاركة الأصلية كتبت بواسطة aminibrahim

يا عم انا مرشد سياحي وكل يوم راشق ليم لو مش عارف حد بينفخوك

المشاركة الأصلية كتبت بواسطة aminibrahim

وبعدين هما حراميه اصلا :: وخلي بالك اليومين دول ناشفه فلازم يعملو كده

لكن انت منين في القليوبيه:: اصل من شبين وحاليا بقالي 15 سنه في اسوان

طب ما دا غباء يعني المحل دا انا ولا هدخلو تاني بعد كده انا و اصحابي و كل ال اعرفهم
بنها

المشاركة الأصلية كتبت بواسطة DreAmO

صراحة الحسين دة خدعه كبيره .. وخاصة في رمضان

انا مش عارف على ايه السيط اللي واخداه منطقه الحسين

المشاركة الأصلية كتبت بواسطة DreAmO

دة انا روحت مره اتسحر هناك اتبهدلت اخر بهدله .. والاكل زي مايكون جي من الزباله .. والسعر فووووق .. وماشي جعان كمان .. ومالحقتش اشرب ميه .. بسبب ان الاكل جه متأخر ويادوب لحقت اخطف لقمه قبل الفجر

ومفيش اي حاجة تفرحك هناك ولا حاجة تسليك في الحسين .. والقهاوي اقل من العاديه وغير مريحه

بصراحة الحسين مكان زي اي مكان في مصر ملوش اي علاقه بالسياحة ولا الفسح

لا هيا المنطقه جميله و مختلفه بس عاوزه كل شويه النصابين دي تتنسف و يجي بدلهم ناس بتفهم في السياحه و التعامل مع الناس

المشاركة الأصلية كتبت بواسطة fepsceasar

كلام حضرتك جميل بس اللى بيحصل هناك نصب علنى بيفسد لي أى استمتاع،

انا حاسس ان لازم تدخل يظبط السياحة فى المنطقة

+111111111

المشاركة الأصلية كتبت بواسطة نور القمر

فعلا الحسين مقلب كبير ده اسوأ من اي مكان شعبي وبلطجية وحرامية معرفش الشهرة دي على ايه
هي مرة زمان ومكررتهاش

المكان حلو بس النصابين ال فيه بيشوهو جمالو
انا هكررها بس ان شاء الله مش هيتنصب علينا تاني

المشاركة الأصلية كتبت بواسطة eng.octooo

لا حرام عليكو بجد كلكم مش حابين منطقة الحسين !!!!

طبيعي لو اتنصب عليك في اول مره تروح هناك
بس ان شاء الله نروح تاني من غير نصب المره دي

المشاركة الأصلية كتبت بواسطة hobiko

أنا بقى اسكندرانى و زمان كنت بحلم باليوم اللى أروح أسهر و أتعشى فى الحسين

لغاية ما حصلى زى صاحب الموضوع :)))

welcome to the club

............................................

تنبيه للعضو بمراجعة قواعد المنتدى وانتقاء الالفاظ وعدم التعميم لتفادي تطبيق العقوبات

مشرف الاجتماعي

ب2

تصدق انا كنتا منشافر يوم التلات وناوى افطر فى الحسين انا ووالدى
كويس انك نصحتنى نشوف مكان تانى قريب
انا نازل التوفيقيه افطر فين ياجماعه وبعدين ممكن ارؤوح الحسين اسهر بلليل

................................

صح صدق احنا مسلمين علي البطاقه

صدق انا تحت البيت 2 سوبر ماركت والاسعار مختلفه وهيهي نفس البضاعه