المشاركة الأصلية كتبت بواسطة eng.octooo
لو انت رايح الحسين سائح كارة البلد اكيييد هاتكرة المكان ومستحيل ترجعلة تانى
لو رايح بصفتك مستمتع بمكانك هاتحس بطعم تانى خاللللللللللللص فية مطاعم كتيير هناك مستخبية فى الشوارع الداخلية زى شارع المعز (الصاغة) مع انة شكلة مايديش مطاعم بس فية كمية مطاعم كتيير مش باينة
ولو حاجة زى الدهان او الدهان الجديد ولا اولاد الفيشاوى المطاعم دة اول ماتقعد وتشوف المنيو تجيب الجرسون وتفهمة انك جاى تاكل مش تدفع اتفق معاة على الاكل الى عايزة باسعار معقولة (ايوة فاصل فى المنيو انا اول مرة قلت اية شغل الشحاتة دة بس بعدين الموضوع طلع عادى جدااا) وقول الجرسون انك هاتظبطة فى الاخر وبيجيبلك احلى اكل وارخص سعر ممكن يديهولك
لو موضوع الاكل من هناك مضايقك هات اكلك من برة وكلة على اى كافية موجود هناك مفيش مشاكل ونفس موضوع المنيو والفصال فى القهاوى وخصوصا الى على ساحة الحسين اتفق معاهم وخصوصا لو مجموعة كبيرة قولهم انك هاتاخد الحاجات بس مش منيمم لا بالسعر العادى وهاتظبطم ف بيحسبلك كل فردين او 3 شخص واحد بس فى المنيمم يعنى لو انتو 5 وهاتدفعو منيمم للفرد 50 (مجرد مثال) يبقى 250 ج لما بيحسبكم 3 افرد بس بيحاسبكم على 150 كدة يعنى
الموضوع بقى انك مش رايح ملك وكلة هايعملك احلى سيرفيس المكان مش حلو بخدمة الكافية ولا المطعم (طبعا مهمين بس مش زى ما احنا بنديهم قيمتهم) حس بالمكان والناس حواليك وشوف بياع الشيشة وعازف العود ومغنى على الربابة ماشى جنبك وبتبص لمبنى ومسجد وبيت بقالهم عصوووووووور وملوك ووزراء وامراء وغفراااء وشحاتين طبقات كتيييييير على عصور كتيير اوى كانت هنا
حاول تتخيل انك قاعد فى المكان دة من 500 سنة وتخيل الناس بجمالها ,,, يعنى تأقلم مع المكان مش المكان الى هايتأقلم معاك
بس فى الاخر انا بالنسبة ليا احلى مكان سهر وخروجات وسحور فى رمضان او غيرة هو الحسييييييييييييين بلا منازع