عند استلام اللوجان فوجئت بأن التوكيل بيقولى خد الورق ده وروح مرور الجيزة علشان تصدق عليه وتطلع شهادة بيانات علشان احنا مبقناش بنعمله ... فايه رأيكم فى الكلام ده
عرض للطباعة
عند استلام اللوجان فوجئت بأن التوكيل بيقولى خد الورق ده وروح مرور الجيزة علشان تصدق عليه وتطلع شهادة بيانات علشان احنا مبقناش بنعمله ... فايه رأيكم فى الكلام ده
هى اية اصلا شهادة البيانات ؟
انا فاكر ان التوكيل بيدى صورة لورق الافراج الجمركى وورقة مكتوب فيها رقم الشاسية والماتور واسم المالك
فى حاجة تانية ؟
طيب ماهو انت اللى بتروح تعملها
كلنا حصل معانا كده
اللوجان عليها طلب شديد فأول العربيات ما بتيجي القاهرة بتتسلم على طول مبتقعدش في المعرض
وبالتالي الورق بتاعها بيكون لسه رايح المرور
وبما ان المقر الرئيسي لرينو في الجيزة الورق بيروح على مرور الدقي (لو كان المقر الرئيسي في القاهرة حتروح على مرور مدينة نصر)
المعارض العادية العربية بتكون مركونة عندهم وبالتالي الورق بتاعها بيكون خلص خلاص فبتاخده على طول
ثمن شهادة البيانات 5 جنيه والمعارض بتستهبل وتقولك 100 و150 جنيه
انا رحت مرور الدقي 8:30 طلعتها 8:40 دقيقة الموظف يادوبك بياخد منك الورقة ويقولك اتفضل استريح ودقيقتين وينده عليك يديك شهادة البيانات
الكلام ده كان قبل الثورة لدرجة ان من نظافة وذوق الموظف اديته 5 جنيه كمان والف شكر يا فندم وربنا يخليك والذي منه
المشكلة ان البيانات دي بتقعد حوالي اسبوع عشان تروح المرور وده عيب بتوع المرور مش عيب بتوع رينو
خلي عربيتك تحت بيتك معززة مكرمة الكام يوم دول بدل ما كانت تتحط في المعرض وكل اللي رايح واللي جاي عايز يتفرج على اللوجان يقعد يقلب فيها
والف مبروك على العربية
شهادة البيانات من المرور