حاجة غريبة حصلتلي امبارح

**ahmed31031** · 21-08-2011 02:07 PM

السلام عليكم ورحمة الله وبركاته
امبارح وانا خارج بالعربية حصلتلي حاجة غريبة العربية ماشية عادي خالص واول ما اعدي سرعة 60 كم اسمع صوت غريب جي من ادام مش عارف احدد جي من العجل ولا الكبوت (الصوت عامل تقريبا (فوووووووووووو) واحد صحبي قالي احتمال بلي العجل الامامي مش عارف اعمل ايه واروح فين والنهاردة الاحد واغلب الميكانيكية اجازة وخايف اخرج بالعربية

**tarek_2005** · 21-08-2011 02:41 PM

احتمال كارتيرة العجل اتفك منها مسمار وبتعبي هواء واحتمال بلية عجل وهناك احتمالات كثيرة
انزل وارفع العجل الامامي كل علي حدي بالكوريك ولف العجلة بايدك واسمع الصوت لو وجدته في عجلة اثناء دورانها والعجلة لا تحتك بشئ يبقي بلي عجل علاطول اما لو لم تجده يبقلنا كلام تاني

**ahmed31031** · 22-08-2011 01:45 PM

متشكر علي اهتمامك يا استاذ طارق
انا رفعت العربية العجلة اليمين والعجلة الشمال كلا علي حدي وجبت بيها لغاية الرابع 120 كان فيه صوت جي من العجلة الشمال بس مش زي الي بسمعه وانا سايق بالظبط ,وكان معايا واحد صحبي وقالي دي احتمال تكون كبالن لان بلي العجلة الفروض يعمل صفارة من العجلة وانا معنديش صوت صفارة.
انا متش فاهم حاجة