الاخوه اعضاء المنتدي .. سمعت ان في واحد في الزاويا اسمه اميل بيعمل صيانة العربية ال بي واي دي وبس يا ريت لو حد يعرف عنوانة بالتفصيل او تليفونة اكون شاكر ليه الفضل وشكرا
عرض للطباعة
الاخوه اعضاء المنتدي .. سمعت ان في واحد في الزاويا اسمه اميل بيعمل صيانة العربية ال بي واي دي وبس يا ريت لو حد يعرف عنوانة بالتفصيل او تليفونة اكون شاكر ليه الفضل وشكرا
فيه واحد عند انبي انا بروحلوا اسمه الفيومي
وعندك حق في حوار التوكيل ده انا اتصلت بالمخزن عشان اشوف فيه فانوس للفلاير الراجل بيزعق فية و قلة ادب رهيبة . اومال لو روحتلهم بئا هيبئا التعامل ازاي
موش المهندس ايميل ده كان شغال فى التوكيل قبل كدة لغاية وقت قريب؟
ايميل كان شغال فى التوكيل
يعنى ايميل ده كان فى ناس كتير بتقول عنه كلام موش كويس لما كان شغال فى التوكيل واشمعنى دلوقت اصبح ممتاز وفاهم كل حاجة فى السيارة؟
الاخوه الافاضل برجاء لو حد يعرف عنوان المهندس اميل او تليفونة لو سمحتم مش اكتر من كده انا مش بدافع عن حد او بتهم حد ده مجرد خدمة مش اكتر وشكرا
تليفون اميل ------------
وابقى طمنا يا عم وادعيلى
الف شكر بس الرقم ده---------- مرفوع من الخدمة طلبته كتير يا ريت لو تعرف رقم تاني او العنوان بالتفصيل
egypt123456
أنصحك بلاش
على رأى المثل ما أسخم من ستى إلا سيدى
ولا تكون كالمستجير من الرمضاء بالنار
يعنى سايب مركز القطامية بكل كوارثه ورايح لواحد كان من أحد كوارثه
توكل على الله وروح مركز إسكندرية وإستحمل التعب والبهدلة بدل ما تروح تدفع فلوس على الفاضى وفى الأخر برضه مفيش حاجة هتتعمل فى العربية
مساء الخير انا المهندس اميل رافت
------------------------
ما تفعله يعتبر دعاية وهو غير مسموح الا بعد الاتفاق مع ادارة المنتدى
يرجى مراجعة قوانين المنتدى ...تم الاكتفاء بالتنبة
مشرف 3ب
8/11/2011
4.15pm
الاستاذ mostafa 123 شكرا علي رأيك فيا انا المهندس اميل علي اني احد كوارث التوكيل مع اني اعتقد انك متعرفنيش علي فكرة انا اللي بنيت ال بي واي دي علي كتفي لمدة 5 سنوات وكملت معاها مشوراها لغايت ماجمعت في المصنع من 2006 الي 2011 انا اللي علمت مبادئ صيانة واصلاح العربية لبتوع مركز الاسكندرية وطبعا هم ناس قمة الاحترام انا اللي اتحملت مشاكلها وقلت قطع غيارها في البداية ياما انضربت من العملاء بسبب فقر قطع الغيار في 2006 واستحملت كل دة علشان المسيرة تكمل لكن نهاية الكلام اتمني انك تشرفني في مكاني ونتعرف علي بعض اكتر وشكرا لرأيك فيا
---------
صح يا فندم .. على يدى الكلام ده كله
بأمارة إنى رحت المركز الهباب ده وسعادتك كنت فيه والعربية تدخل وتخرج زى ماهى وتنصبوا علينا وتاخدوا فلوسنا من غير ما تهببوا أى حاجة فى العربية وأبسطها تغيير مروحة التكييف البايظة واللى مبلغ عليها من أول ألف وكل ما أروح سعادتكم تعملوا ودن من طين وودن من عجين وتقولوا لا مفيش حاجة والمروحة مظبوطة.. ومعرفتش أغيرها إلا لما رحت مركز إسكندرية.. يعنى قمة الإستهبال والإستحمار بالعميل فى نفس الوقت.. ياريت يكون عند سعادتك وقت وتدور على تقريرين لصيانة العربية فى المركز الزفت ده وسعادتك كنت هناك فى المرتين دول واخر مرة منهم سعادتك أطربت أذاننا جميعا بسباب وشتيمة ولا أحط لما شفت عامل صغير طلع من تحت للمكاتب فوق وقلت له إيه اللى طلعك من تحت يا "معر........" وكمل إنت .. اكيد سعادتك فاكر
الصراحة المركز ده مشفتش فيه من الفنيين والإداريين حد محترم ولا شايف شغله ولا عنده ضمير بدءا من وكيل العزبة محمد بك رمضان إلى صبحى أفندى ..
ده رأيى وأنا حر فيه وبنيته على أساس الفلوس إللى كنت بادفعها فى الصيانة وما أخدتش قدامها أى خدمة بل بالعكس كانت العربية تدخل بعيب تخرج بيه إن ماكنش أسوء أو عيب اخر فوقه.. يعنى نصب علنى من المركز اللى إدارة الشركة مطنشة على البلاوى اللى فيه وفالحين بس كل ما عميل يشتكى فى المنتدى هنا يسجدوه ويثبتوه بمكالمة من السيد المحترم عماد حبيب أو حسن بك سليمان صاحب الشركة علشان صورتهم أمام باقى العملاء.. ولايحدث أى تغيير على أرض الواقع...
ده رايى اللى بقوله بحق ربنا وليس بينى وبين الشركة أو أى أحد من العاملين فى مركز نصب القطامية أى مشاكل شخصية ولا أنا بانافسهم فى السوق ولا حد فيهم مارضيش يجوزنى بنته..
فإذا كنت أنت شايف إن المركز اصبح فى صورته البهية اللى أنا نقلتها فوق دى بسببك إنت فأنصحك تكفى على الخبر ماجور لإن ده يدينك ومش فى صالحك وكل واحد هنا راح مركز الخيبة والندامة بتاع القطامية عارف اللى فيه وعارف مستواه .. وعارف إن كل اللى شغالين فيه أو كانوا شغالين فيه مسؤولين عن الحالة المتردية لهذا المركز..
فى الأخر أقدم كل إحترامى وتقديرى للناس المحترمة جدا والمؤدبة جدا واللى عندها ضمير جدا فى مركز إسكندرية وعلى رأسهم الأستاذ أحمد محسن اللى يوزن إستاد مليان من عينة محمد رمضان والمهندس أسامة مبروك اللى يوزن إستادين من عينة صبحى افندى.. وتحية لكل عامل هناك باخد العربية من تحت إيده مظبوطة وبيحربها معايا من غير ما يترازل عليا ويقرفنى فى عيشتى عشان عشرة جنيه
--------------
لقد تمت مخالفة القاعدة رقم 10 الخاصة بتعدد العضويات لذا فتم ايقاف
العضوية نهائيا
مشرف 3ب
10/11/2011
4.42am
رقم ايميل --------------- لو زي ما انت بتقولوبتاع التوكيل واعرف انه ساكن في شبر قريب من شارع الترعه محطة العطارلأسبحانك اللهم وبحمدك ، أشهد أن لا إله إلا أنت أستغفرك وأتوب إليك ني قابلته هناك مره صدفها
ممنوع كتابة الاقام التلفون حتى لا يندرج تحت بند الاعلان
مشرف 3ب
4/1/2012
1.00am
:و ايميل اتصدم ولا ايه ؟؟؟