يا جماعة انا بدور على اكسيل و ياريت لو هاتش باك عشان السعر , انا بصراحة بسمع اسعار عجيبة الايام دى !!!! . على العموم لو فى حد من الهيونداوية قدامه اكسيل نضيفة و ياريت لو كاملة طبعا يقولى و أبقى شاكر له جدا .
عرض للطباعة
يا جماعة انا بدور على اكسيل و ياريت لو هاتش باك عشان السعر , انا بصراحة بسمع اسعار عجيبة الايام دى !!!! . على العموم لو فى حد من الهيونداوية قدامه اكسيل نضيفة و ياريت لو كاملة طبعا يقولى و أبقى شاكر له جدا .
اعمل الموضوع ده في قسم طلبات الشراء و بالتوفيق ان شاء الله
شكرا لحضرتك و ده اللى هعمله ان شاء الله . بس انا كان عندى سؤال مش عارف انت ممكن تفيدنى فيه ولا لا , انا معروض عليا بولو موديل 95 كوبيه(2 باب) 1300 سى سى , تكييف و ازاز كهرباء و محتاجة سمكره و دوكو (هى فابريكه ) و موتورها تعبان يا قلبى (كل ده على كلامه بس انا لسه مشفتهاش).. تفتكر حضرتك لو دى فى مقارنة مع الهيونداى مين يكسب , ( انا الناس اللى معاها بولو و عايزه تبيع بتحلفلى ميت يمين ان قطع غيارها مش غالية و ان تيل فرامل ما بين 80 - 120 أخرو و حاجات كده و الناس الباقية تقولى ابعد دى هتخرب بيتك و مش هتعرف تصلحها ده التيل الاصلى بتاعها ب 380 جنيه (كمثال يعنى) ,,, تفتكر أعمل ايه ؟؟ أه صحيح هى معروضه عليا ب 27500 و أعتقد ممكن أنزل معاه جاجة بسيطة و التكييف بيقولى عايز شحن كعادة أى واحد تكييفه بايظ و عايز يبيع .
العربيه محتاجه شغل كتير و هتغير المكنه خالص فالمفروض السعر ينزل كتير و ده غير ان قطع غيارها مش منتشره اوي بغض النظر عن سعرها فاعتقد ان بلاش تشتريها
ولا يستاهل يتبصلها اطلاقا..هى بعد اللى قلته ده هى كده عربية؟؟؟اقتباس:
بس انا كان عندى سؤال مش عارف انت ممكن تفيدنى فيه ولا لا , انا معروض عليا بولو موديل 95 كوبيه(2 باب) 1300 سى سى , تكييف و ازاز كهرباء و محتاجة سمكره و دوكو (هى فابريكه ) و موتورها تعبان يا قلبى (كل ده على كلامه بس انا لسه مشفتهاش).. تفتكر حضرتك لو دى فى مقارنة مع الهيونداى مين يكسب , ( انا الناس اللى معاها بولو و عايزه تبيع بتحلفلى ميت يمين ان قطع غيارها مش غالية و ان تيل فرامل ما بين 80 - 120 أخرو و حاجات كده و الناس الباقية تقولى ابعد دى هتخرب بيتك و مش هتعرف تصلحها ده التيل الاصلى بتاعها ب 380 جنيه (كمثال يعنى) ,,, تفتكر أعمل ايه ؟؟ أه صحيح هى معروضه عليا ب 27500 و أعتقد ممكن أنزل معاه جاجة بسيطة و التكييف بيقولى عايز شحن كعادة أى واحد تكييفه بايظ و عايز يبيع .
الاكسيل محترمة جدا وفعلا ممتازة اوى للى على قد حالتهم زينا ولما تجبها هتعرف انها نعمة وحاول تجيب السيدان منها
ربنا يوفقك فى اللى بتدور عليه.ونسيبى معاه اكسيل سيدان بس مش فاكر الموديل وفيها تكييف ولكن اللى اعرفه انها محتاجة شغل فى الموتور ومش عارف ايه هو الشغل بالظبط ولكن بالتقريب نص عمرة من كلامه اخر مرة معايا.
كان طالب فيها 32 او 34 مش قادر افتكر برده.لو حابب اكلمهولك بكرة بامر الله واساله عن التفاصيل.
شكرا ليكم على ردودكم يا جماعة و ده مش شىء غريب على رجالة نايل موتورز , انا قدامى الان اكسيل موديل 94 1300 سى سى تكييف بس و عايزه فرش عشان فرشها متقطع و عايزه دهان و الراجل قافش على 28 ألف , قولتله 25 مرضاش . الاسعار ليه غليت كده؟؟؟ ناس بتقولى استنى بعد العيد , بس مش عارف ايه الظروف هل فعلا الاسعار هتهدى بعد العيد!!؟
الناس بتهيس بصراحه في الاسعار و انا عندي اقتراح ان حضرتك تشتري زيرو قسط و خلاص