الموضوع: استطلاع: ايهما افضل فى السواقه..(القاهرويه-الاسكندرنيه) واذكر السبب.

المشاركة الأصلية كتبت بواسطة ahmedesmat1987

فكرة الموضوع بسيطه....بس جت على بالى فجاءة بعد ما رجعت من اسكندريه من يومين ولاقيت فى اختلاف شاسع بين الاسلوبين فى السواقه مش هقول ايه هو هسيبكو انتو تقولوه بناءا على كونكم قاهرويه زورتو اسكندريه ولا اسكندرنيه جيتو القاهره....والاستطلاع هيكون نعم فى اختلاف ام لا مفيش اى اختلاف....واللى هيصوت يقول ايه هو الاختلاف من وجه نظرة ومن الاصيع فى السواقه وليه............[fot1]يالا مستنى ارائكم[/fot1]

باشا عرف اصيع

يعنى مثلا القاهراويه بيمشو على الكورنيش يجو يشدو لازم يرشقو اول مره اشوف ناس بتشد من غير ما يعرف الطريق

يجى من وراك تحرق و تزعلو و تهدى على الملف يقوم معديك و يفكر انو بطل و هوب فى الجزيره عدل

السواقه فى اسكندريه اصعب و لازم تكون حافظها علشان تمشى فيها ( اقصد الكورنيش مش اى حته تانيه )
لانه كطريق سريع فيه ملفات غريبه و صعبه جدا غير الناس اللى هوب تلاقيهم بيعدوا و انت طاير اصلا
انما فى القاهره معظم الطرق السريعه مفيش منها قلق لانها طوالى ( ما عدا صلاح سالم ) يقلق فى بعض الاحيان
انما غير الطرق السريعه فى القاهره و الطرق السريعه فى اسكندريه كله زى بعضه ( مفيش اى اهتمام بالطريق و لا حساب للناس اللى بتعدى ولا ذوق و لا فن الكل عايز يعدى بلطجه دا طبعا غير الطريق المدغدغ اللى لازم تربط العفشه كل اسبوع )