هم حرفين من حروف اللغة العربية ما عدا حرف ى و حرف ش
الميكروباصات دول في كل مكان و احنا هنا مش بنجري على اليمين .. انما باقي الطريق عادي
و الكورنيش عايز تجري معاك زي ما انت عايز لحد 170 بس تجمد قلبك
وعندنا طرق كتير خلي بالك و كلها طرق جري و قريبة جدا زي ما قال شنوري مش لازم نسوق ساعة الا ربع عشان نطلع على طريق .. عايز تجري اجري
و خلي بالك مفيش حد هنا بيقفل على التاني .. يعني لو ماشي بتجري و بتغرز هتلاقي اللي يوسعلك مش اللي يلبسك
انا مش فاهم بصراحه ازاي تروح لواحد بيته وتطلع تتكلم عليه وتنتقضه
الي يدخل بيت حد يا جماعه يا يمشي بقوانين صاحب البيت حتي لو عشوائيه
يا ميروحلهوش
دي خلاصه الكلام
مشوفناش اسكندراني راح القاهره وعمل نفس الموضوع
لو سواقتنا مضايقه حضراتكم
ممكن تركبوا موصلات وتسيبوا عربياتكم مركونه
الي خايف علي عربيته مينزلش بيها
احنا اللي بيرميلنا بوزه بنفرك عليه
واللي بيعمينا بالعالي بنقلبله المرايه
واللي مش عارف يسوق عندنا ميجيش
الموضوع ده بيتعمل زيه كل صيف
ما بين الاسكندرانيه اللي مبيعرفوش يسوقوا وسط معاليكم
والاسكندرانيه اللي بيعدوا الكورنيش بغباء وهما اصلا مصيفين مش اسكندرانيه
لسه فيه واحد في دوران سبورتينج باكسنت الجديده هاي لاين
عامل حادثه ومات فيها والايرباج مفتحش
رايكم كان بيشد واسكندراني غشيم ؟
ولا قاهراوي معلم ؟
ولا مش فارقه والله يرحمه ويصبر اهله
انا من القاهرة وسقت في أسكندرية كتير جدا
وملحوظة مهمة جدا جدا
أسكندريا في الصيف غير الشتا خالص
في الصيف وحشة جدا وزحمة ومحدش طايق حد
في الشتا أستمتاع بالمشي الهادي والجري والطرق النضيفة والجو اللي مافيهوش ريحة التراب
في القاهرة واسكندرية زي بعضه بس بتحس انك لما بتضايق أسكندراني زي مثلا كسرت عليه مش بالوضع اللي بيحصل في القاهرة
القاهرة ... بوز العربية والحتة اللي قدامة ببتاع متر ونص ويمينه وشماله ده شرفه
تعديت عليه هينفخك
مش بتفرق طريقة السواقه لسواقين المحافظتين بس اهم شىء رد فعلك انت وسواقتك مع كل واحد -- بس من وجهة نظرى اللى بيسوق فى القاهره عنده خبره فى التعامل مع كافة انواع السائقين