اسوأ قيادة للسيارات فى الاسكندريه قلة ادب . استخفاف بالبشر . فاكرين انهم وبس على الارض على فكره انا من دمياط
اسوأ قيادة للسيارات فى الاسكندريه قلة ادب . استخفاف بالبشر . فاكرين انهم وبس على الارض على فكره انا من دمياط
عمى و عم اولادى من بعدى
والله الكلام ده لسه حاصل عند قناة السويس واحد ملاكى محافظة تانية بيجرى مع واحد ملاكى الاسكندرية و النتيجة انه لبس فى الرصيف بتاع مفترق الطرق الى بيطلع على النادى الاوليمبى و الشبان المسلمين
وبعدين فى الشتا الدنيا بتبقى رايقة على الاخر انما فى الصيف كل من هب و دب بيجى عندنا لا ومش بيعجبه كمان
انا عن نفسى السواقة ف اليكس راحة و السواقين الاسكندرنية اللى بحق تشوفهم ف الشتا بجد اخلاق اخلاق اخلاق
ف الصيف السكة بتبقى واقفة ف حتت معينة و مش كل واحد راكب عربية اولها س يبقى اسكندرانى و بيبقى غالبا ماجرها و بيتعامل بقلة ذووق .
المشاريع عندنا بيحترمو الاشارات اللى ع الطريق و اجدع مشروع بيحمل ركاب بيبقى ماشى اول او تانى حارة من اليمين بالكتير يعنى بيبقى ماشى يا ف الحارة اللى ف النص يا اما يمين عمرى م شوفت مشروع بيحمل بيمشى شمال ابدااااااااااااااا.
ف القاهرة بصراحة موووووووووووووووووووووولد العربيات الترامكو بتخش ف اى حتة و المشروع بيمشى ع الشمال حاجة همجية ع الاخر سواق التاكس بيبقى ماشى شمال و واحد مشاوروله قاام كاسر ع طول دون تفكير .
نيجى للبحر طبعا عندنا ده طريق حلو اوى ى ى و اللى بيشد فية معروف من اول سيدى جابر لحد الشاطبى بالكتير و الشد باصول مش غشامة يعنى مش ف اى حتة .
بتوع القاهرة ف الزحمة ف اليكس فاكرين ان اللى بيعملوه فهلوة و بيوقفو السكة و الله و الله واحد غشيم غشيم غشيم عاوز يشد معايا قبل استانلى مرضيتش سخنت علية مسك شمال و بيجرى و انا ع يمينو فضلت قافل علية لحد اليوتيرن اللى ف اخر الكوبرى كنت حخلية يركبو بس قولت بلاش مهداش و كمل لحد اسبورتنج و طبعا م اتعظش فى يو تيرن محترم هناك كنت حركبو تانى ف الاخر مشى محترم ع الاخررررر
من راى السواقة ف اليكس متعة ف الشتا و انت ماشى تشم هوا البحر و تستمتع بالهدوء و كانك ملك زمانك ولا زحمة ولا يحزنون واطول مشوار تاخده ف 3 ساعات باكتير اوى ى وتكون اخدت اسكندرية من ابوقير للمنشية مش اقعد نص ساعة ف 200 متر
طريق البحر ده مش عايز غير عربيه موستنج وتمشي فيه بعد الفجر وتستمتع بالملفات
القاهره فعلا موضوع المشاريع والتكسيات اللي بتمشي في اي مكان ده صعب جدا ده غير الملاكي اللي تلاقيه ماشي في اليمين ونايم او يمشي في اليمين عشان ياخد ملف من الشمال عشان هو اذكي خواته
انتوا عمالين تهروا في اية و تحكوا في اية و هتتخانقوا على اية ؟
هو فيه حد بيعرف يسوق في البلد دي؟؟