بفكر جديا في تركيب تكييف للباليووو

بعد5 ايام في القاهرة والطريق من دمياط للقاهرة والشمس الحااااارقة وانا في الباليو والناس كلها حوليا مشغلة التكيييف :( فكرت اني ابيع العربية ونظرا لأن السيولة مش هتسمح الا بعربية كوووري الجميع اجمع اني ما ابعش ففكرت اني اركب تكييف وخصوصا بعد لما شوفت موضوع في قسم السوزوكي عن تركيب تكييف للماروتي ال 800 سي سي !! وطبعا سامع ناس تقولك الموتور ال 1000 ماينفعش عليه تكييف وبتاع وهيدمر الماتور ارجع افكر وااقول طب الماتيز والسبارك والاتوس والبكانتو شغالين بالتكيف زي الفل .. انا ان شاء الله هكلم التوكيل اشوف امكانية التركيب والتكلفة وعاوز اسمع ارائكم ولو في مراكز برة او لو حد رايح التوكيل قريب يسألي العربية باليو 2006 1000 سي سي ............

في التوكيل مهندس طارق جبريل قاللي في حدود 6000 جنيه ... برة التوكيل في ساندن ده و كنت كلمتهم كذا مرة و محدش رد و كده و بيني و بينك أنا أقلق من أي لعب في كهربة العربية برة ( المصنع ) و خاصة لو كانت كلها حساسات... أنا مؤمن انها مستحيل حتبقى زي الأول و حتواجه عيوب و errors كتير من ناحية الكهربة خاصة لو كانت عربية ايطالي.....
ما فكرتش في كلاسيك أو جراند used يا ميدو؟ ولا مش عايز فيات؟

بصراحة ياكيمووو استعماااال لأ لأن انتا عارف دي حظوووظ .... يعني اتوكل على الله واشوف التوكيل طب ده هيبقى نظاامه ايه وهيزودو ايه في العربية مش التابلوه نفس الزرارير وال 6 دووول من غيرر الممصنعية والضرائب

الله أعلم.... و الله أعلم برده أداء العربية حيبقى عامل ازاي و من لسانهم قالوا انه مهما كان مش حيبقى زي بتاع الفبريكة في كفائة تبريده و كده...حاجة تانية , انت ممكن تجيب مستعمل كسر زيرو و تكشف عليها في التوكيل كمان و تريح دماغك بدل ما تلاقي كل شوية مشكلة في الكهربة بتاعت العربية بسبب التكييف... الخواجة اللي عملها غير....و طبعا القرار يرجعلك....عربية كشفت عليها كويس و طلع مافيهاش عيوب تبقى كويسة....لو لا قدر الله في حاجة باظت قدام يبقى ده عمر افتراضي و كلنا معرضين ليه سواء راكبين زيرو أو استعمال....