إلقاء ماء نار علي سيارة عمرو أديب في عز الظهر وسط المهندسين!

.
إلقاء «ماء نار» علي سيارة عمرو أديب في «عز الظهر» وسط المهندسين

تعرضت السيارة الخاصة بالزميل عمرو أديب الإعلامي البارز مذيع برنامج «القاهرة اليوم» علي شاشة محطة «الأوربت» ـ لاعتداء من مجهول ظهر أمس في وسط ميدان أسوان بحي المهندسين بالجيزة.

ألقي مجهول علي السيارة كمية كبيرة من «ماء النار» أثناء إجراء عمرو أديب حواراً تليفزيونياً مع محمد دحلان مستشار الرئيس أبومازن للأمن القومي الفلسطيني مما أحدث تلفيات فادحة في السيارة «BMW ٧٤٠ موديل ٢٠٠٧».

قال «منادي السيارات» الذي يعمل في الموقع إن السيارة كانت تقف بجوار حديقة ميدان أسوان، وأنه توجه إلي المسجد لأداء صلاة الظهر، وعاد ليجدها شبه محترقة بسبب إلقاء كمية كبيرة من «مادة كاوية» عليها.

وأوضح عمرو أديب لـ «المصري اليوم» أنه رفض تحرير محضر بالواقعة، وأنه لا يوجه الاتهام لأي طرف. مضيفا «دم السيارة سوف يفرق علي كل القبائل». ولكنه أبدي دهشته من وقوع مثل هذا الاعتداء في «عز الظهر» ووسط ميدان أسوان بالمهندسين دون أن يعترض أحد الجاني أو حتي يدلي بأي أوصاف تقود إليه.

الخبــر // المصدر: المصري اليــوم

فيديـو حلقة القاهرة اليوم:

إضغط هنـــا لمشاهدة الفيديــو ـ الجزء الأول

الجــــــــزء الثـــاني

الفيديو // المصدر: منتدى القاهرة اليـوم

.

740!!

Easy come, easy go

يركب 740 على ايه هذا الكائن!

ممكن سؤال لو سمحتم ماهى اتجاهات عمرو اديب؟ هل هو لسان من الدوله لتخفيف الضغوط فى الكلام أم انه مستقل و كل هذه أراءه فعلا ؟

اقتباس:

---

المشاركة الأصلية كتبت بواسطة ehabbadr

ممكن سؤال لو سمحتم ماهى اتجاهات عمرو اديب؟ هل هو لسان من الدوله لتخفيف الضغوط فى الكلام أم انه مستقل و كل هذه أراءه فعلا ؟

---

عمرو مذيع ناجح جدا ، جرئ ، فنان في إدارة الحوار على درجة كبيرة جدا من الموضوعية دي غير إن له كاريزما خاصة ، إستطاع أن يصل إلى قلوب الناس وينال حبهم ، لو حضرتك تابعت حواراته ستجد إنه دائما محايد وموضوعي ، لم أراه يوما متحيز لطرف دون الأخر. الكثير من المشتركين في الأوربيت إشتركوا خصيصا من أجل برنامج القاهرة اليوم إللى بقى حديث الشارع المصري والعربي. تقريبا مافيش قضية شغلت بال الناس ولم يناقشها عمرو في برنامجة.

والله يا استاذ ايهاب ممكن تقول الأتنين يعني متقدرشي تحكم لأننا أقل بكثير من أننا نفهم هو ايه اللي بيحصل اصلا وده مش تقليل لفهمنا ولكن احنا مش عايشين مع الناس دي ولا عارفين الاعبهم ولا عارفين سياستهم ولا أهدافهم ...............

وربنا يسترها علينا كلنا

ولكن طبعا بما ان الموضوع كان فيه محمد دحلان يبقى اكيد فلسطنيين بيغيروا على بلدهم او اي شئ أخر لن محمد دحلان معروف باتباعه لأسرائيل ومعروف هناك انه متامر درجه اولى ........................ حد شاف حاجه :mrgreen: :mrgreen: :mrgreen:

لا ماحدش قال حاجه و لا شاف حاجه :lol: :lol:

أجري يا استاذ ايهاااااااااااااااااااااا اااااااااااااااااب
إظاهر كده انهم شافوناااااااااااااااااااا ااااااااااااااااااااااااا ااااااااا

ايييييييييييييييييييييييي ييييييييييييي

الحقونييييييييييييييييييي ييييييييييييييييييييييييي يييييييييييييييييييي :oops: :oops: :oops:

واللة انا الراجل دة مش برتاحلة ... وساعات بحس انة انتهازى .... والعلم عند للة .... ياريت لو فى صور للعربية ... انا عندى فضول اعرف اية الى حصل فيها بالظبط

السوال :mrgreen:
هو بيشتغل اية بالظبط علاشان يركب 740 ... هو المزيع بيبقى غنى اوى كدة .... يعنى علاشان يجيب 740 "لو قولنا ان ال740 تقريبا ب مليون ونص"اعتقد ان ثروتة المفروض " منطقيا " ماتقلش عن 12 مليون جنية ولا 20 او اكتر.... وعلى فكرة انا مش بحقد علية ولا حاجة ربنا يديلة ... ويعوض علية كمان ... انا بس بسأل هو المزيع يعنى بيكسب للدرجة دية ؟؟؟؟؟؟؟؟؟؟؟؟؟؟؟؟؟؟

ده مذيع فى اوربت و مرتبه الشهرى لايقل عن 40000 دولار (الحلقه ميتها 2000 دولار) و شريك فى جريده العالم اليوم مع اخوه و زوجته و شريك فى شركه جودنيوز للانتاج السينمائى مع أخوه عماد غير تعاملاته فى البورصه و حاجات كمان انا مش عارفها يبقى ال 740 دى قليله عليه كمان

هو مهما كان غني او احنا مش بنحبة
فحرام برضة يعني
دة حتي دليل علي انعدام الامان في مصر
وكمان في عز الضهر لا حول ولا قوة الا باللة
احنا بقينا بلد غريبة

عمرو اديب برده يملك نجوم fm

بطلوا قر على الراجل كفاية الى حصل فى عربيتة

قلبي!!! :shock: :shock:

وتلاقيه يا عيني لسسة راششها بالشيء الفلاني عند الاسطى خليفة السمكري....و مدفعه دم قلبه :cry: :cry:

اقتباس:

---

المشاركة الأصلية كتبت بواسطة MohabSaeed

واللة انا الراجل دة مش برتاحلة ... وساعات بحس انة انتهازى .... والعلم عند للة .... ياريت لو فى صور للعربية ... انا عندى فضول اعرف اية الى حصل فيها بالظبط

السوال :mrgreen:
هو بيشتغل اية بالظبط علاشان يركب 740 ... هو المزيع بيبقى غنى اوى كدة .... يعنى علاشان يجيب 740 "لو قولنا ان ال740 تقريبا ب مليون ونص"اعتقد ان ثروتة المفروض " منطقيا " ماتقلش عن 12 مليون جنية ولا 20 او اكتر.... وعلى فكرة انا مش بحقد علية ولا حاجة ربنا يديلة ... ويعوض علية كمان ... انا بس بسأل هو المزيع يعنى بيكسب للدرجة دية ؟؟؟؟؟؟؟؟؟؟؟؟؟؟؟؟؟؟

---

للعلم بس ال 740 ب 3 مليون ونص (تلاته) منهم 2 ونص جمارك

اقتباس:

---

ممكن تقول الأتنين يعني متقدرشي تحكم لأننا أقل بكثير من أننا نفهم هو ايه اللي بيحصل اصلا وده مش تقليل لفهمنا ولكن احنا مش عايشين مع الناس دي ولا عارفين الاعبهم ولا عارفين سياستهم ولا أهدافهم ...............

---

كلامك صحيح جدا يا استاذ أبو عبد الله يعني انا مثلا كنت مخدوع في عادل إمام و كنت بقول دا الراجل ده حاسس بالناس جدا و بمعاناتهم

خصوصا في فيلمه الإرهاب و الكباب و يا سلام عليه في عمارة يعقوبيان زودها اووووووي لدرجة اني قلت

أكيد مش هيسيبوه في حاله

لحد ما عرفت انه بيأكلنا الاوانطة و بينفس عن الناس و خلاص و ده هو الدور الي بيأديه عادل إمام و ببراعة و عرفت الكلام ده لما شفت حواره مع عمرو أديب

http://www.youtube.com/watch?v=JnjXwOnD2xY

أدي حقيقة عادل إمام بعد سقوط القناع عن خداعه للناس الي احبوه و عملوا منه فنان كبير و رفعوه على أكتافهم

على فكرة اللينك بتاع تنزيل فيديو حلقة القاهرة اليوم اللي بيتكلم فيه عمرو عن عربيته مفيهوش صوت وهو صورة بس.
يا ترى دي مشكله عامة ولا عندي بس؟؟

شكرا

على فكره يا جماعه تمن ال740 فى كونتكت ب مليون و ميه الف

يا جماعه في مصري اللي هيا بمليون واللماني هيا اللي بثلاثه مليون دي

الله يرحم والده . البقاء لله

لبقاء لله و ربنا يرحمنا جميعا

وهو راكب المصري ولا االألمـــاني؟؟؟؟؟؟؟؟؟؟!!!!!! !!!!!

والله حرااااااااااااام

بس هوة بيقول انو مأمن عليها

اعتقد ان ما فعلة هذا الاعلامى الهلامى بعد مبارة كرة القدم بين الاهلىوالاسماعيلى-الاولى التى فاز بها الاسماعيلى بثلاث اهداف وما قام بة هذا المذيع من اعلان شماتتة بشكل مبالغ فية جدا -كافية لان تجعل احد المتعصبين يفعل بة هذا--والله اعلم