ياتري ايه الكاميرا الديجيتال اللي ممكن تنصحوني اشتريها في حدود 2000 جنيه ؟
كانون - سوني - باناسونيك - سامسونج ؟؟؟؟؟ وايه الموديل الأفضل
وشكرا
عرض للطباعة
ياتري ايه الكاميرا الديجيتال اللي ممكن تنصحوني اشتريها في حدود 2000 جنيه ؟
كانون - سوني - باناسونيك - سامسونج ؟؟؟؟؟ وايه الموديل الأفضل
وشكرا
انا لسا شاريه Sony
من اسبووع تحفه بصراحه معاها كارت ميمورى 4 جيجا ووصلات كثير وSonyوجراب للحفظ
شوف الويب ده اتفرج على موديلات السونى
http://www.elshennawy.com/prices/v/C...sc-t2.jpg.html
دى الكاميرا اللى اشتريته
Sony CyberShot T2
لونها روز
وسعرها كان 2600
دموع معلش هاقول بس من غير زعل
افضل الكاميرات على الاطلاق في العالم هيا النيكون
وهيا المعتمدة في عالم الصحافة
يليها الياشكا
والمينولتا
والريكو
والكانون
والفوجي
اوليمبوس
واخيرا السوني
من غير مادخل في جدل كالعادة من ناس غاوية سفسطة للركب
الكاميرات بتتقيم طبقا للعدسة
لدرجة انهم عاملين حملة لاستعادة الكاميرات الغالية من المستهلكين الكاميراتالقديمة اللي بفيلم وتحميض
ويعيدو استخدام المجموعات العدسية تاني
لو لقيتي الترتيب ده في الكاميرات هات منها
السوني حلوة بس ليها كذا عيب
الميكانزم بتاع الشتر ضعيف دايما
كروت ميموري غلسة جدا مش استندارد اللي هيا ميموري ستيك ديو من سوني وما بتنفعش غير لاجهزة سوني ودايما غالية
الصيانة غالية جدا جدا
اقولك حاجة في الحنين وعدسة روعة
خليك في كانون واوليمبوس
وعاملين عوض جامد جدا
الماركات المذكورة كلها حلوة و لكن أفضلهم و أغلاهم هي الكانون
فهي كاميرا المحترفين
و لكن غالية شوية ......... بس لو قدرت عليها .... هي أحسنهم
و السوني ممتازة و بعدين الباناسونيك و اخرهم السامسونج
+10000000
انا فعلا عندي كاميرا SLR (عاديه) نيكون للمحترفين. قمه المتعه لما باستخدمها... فعلا ممكن تطلع صور متصدقش انك انت اللي مصورها.
و الكاميرا اليجيتال اللي عندي اوليمبس. حاجه مهمه لما تيجي تشتري.. متهتمش اول الكاميرا كام ميجا بيكسل لأن ده مش هيفرق معاك في حاجه.. اهم حاجه الـ OPTICAL ZOOM اد ايه خلي بالك... اوبتيكال زووم مش ديجيتال زوم
1- Nikon
2- Cannon
3- Sony
For myself I bought Sony H7 it's not the best choice but I just took into consideration the fact that Sony has a reliable Agent here in Egypt and a good after sales service in addition to variety of models when compared to Nikon & Cannon
Anyway, you have to set your budget & criteria ( like what's more important to you size or options )
I gave up size in favor of options for example my camera has 15X optical zoom which is ( optical zoom i mean ) more effective than Digital Zoom
I suggest you take a good look at this site
http://www.dpreview.com/
good luck
انا مع كريم في كل كلمة
وعن نفسي شاري Canon Powershot A516
زميل اشتراهالي من الامارات مع كل الاضافات بتاعتها شاملة جهاز اعادة شحن بطاريات وبطاريتين صالحين لاعادة الشحن كمان
وكان تمنها روعة 600 درهم إماراتي يعني حوالي 900 جنيه مصري
وعلى فكرة على الرابط ده دليل حلو أوي لمجموعة من الصور اللي اتلقطت بكل كاميرا
ضروري قبل ما تقرر الشراء انك تشوف الصور اللي طلعها الموديل اللي اخترته
ده رابط ساعدني جداً في الاختيار
عندي نيكون بس قديمه شويه هي 3 ميجابكسل
و كارت الميموري بتاعها عجيب
فيها عيب وحش قوي
بتستهلك بطاريات بغبااااااااااااااااااء
و البطاريه بتطلع منها متنفعش تشتغل في ساعه حتي :@
في الحجات الصغيره مش حتفرق كتير بين الشركات بس سوني مش وحشه ابدا زي ما بتقوالوا كدا :eek:
واحد صاحبي عنده واحده جديده و جباره :eek:
عندك في الحجات الرخيصه اوليمبوس او كانون او سيبرشوت شوف الفرق في الامكانيات حسب السعر
اللي تحتاجه و حاول لو تقدر تصور بيهم لايف و تشوف الفرق بين الصور
علي فكره كنت من فتره شفت كاميرا كانون Eos ب70 الف جنيه :)
علي ما افتكر برضه كانت 21 ميجا بكسل او 24 ميجا بكسل
Nikon and only Nikion
انا بأشكركم كلكم جدا على مشاركاتكم ... انا فعلا شوفت على النت ترتيب لأحسن شركات الكاميرات الديجيتال كان الترتيب
كانون ثم نيكون على المقدمه ...
وده الرابط
http://digital-photography-school.co...urers-a-graph/
بس انا امكانياتي في حدود 2000 جنيه ققط وبرضه مش عارف ادا كان توكيل الكانون والنيكون كويسبن في مصر ...
وبرضه انا مبال للاوليمبوس بس مش عارف ممكن القيها فين وتوكيلها كويس ؟
منين تنزل تشترى كاميرات النيكون والكانون ؟
بص يا باشا ...
انا كنت عامل زيك كدة بالظبط يجي من 5 سنين....وكنت ساعتها في انجلترا....وواحد انجليزي ابن حلال....دلني علي الموقع دة ..علشان اعرف اشتري اية علي حسب احتياجاتي....
الموقع دة مختص فقط بالتصوير الرقمي...والناس ايلي علية من هواة ومحترفي التصوير في العالم ...وكل نوع كاميرا لية المنتدي بتاعه ...وفي ناس رافعة صور من صورها الشخصية بكاميراتها وكاتبين كمان الاوضاع بتاعه الكاميرا اثناء لقط الصور....
غير كدة هاتلاقيهم عاملين كل شهر ريفيووو عن احدث الكاميرات ومواصفاتها ونقط القوة والضعف فيها....غير انهم بيرتبوا الكاميرات ...الاحسن في الاسؤ وهكذا....
http://www.dpreview.com/
اللينكات كلها جامدة الصراحة - مشكورين جدا كلكم
طالما 2000 هاتجيب حاجة كانون محترمة
انزل الشو روم بتاعهم في سوق العصر
اول ماتدخل من سوق العصر اللي في الخليفة المامون قدام هارديز
ادخل من الباب اليمين هاتلاقيهم اول محل على شمالك
العدسة الكانون لا تقاوم
وهات اوبيتيكال زوم ما يقلش عن 3 اكس او اكتر
ويكون فيها مضاد اهتزاز لو مابتعرفش تصور وشوف البطارية ما تقلش عن 900 ملي امبير عشان تقعد معاك شوية
بناء على تجربتي الشخصية حاول تشتريها من برة مصر
فرق السعر بجد شاسع جداً
شكرا ع الموضوع وع الردود
مفيدة جدا جدا جدا
الف شكر ليكم كلكم ياجماعة على الردود ... وشكر خاص للأستاذ / كريم منير على المعلومات المفيده
الشكر لله
بس لو موديل رخيص فرق السعر قريب
لو موديل غاللي بيبقي برة احسن
بس انصحك بالضمان لان توكيل كانون في الصيانة بتاعتهم غاليين جدا ومجرهم قبل كدة
السلام عليكم،
طبعا مش هقول أكتر من اللي الأعضاء قالوه،
وأتفق مع كريم تماما، فى تصنيف الكاميرات، وأنا كمان بأشتري كاميرا رقمية دلوقتي وواحد صاحبي هيجيبهالي من أمريكا معاه وهوا نازل آخر الشهر ان شاء الله،
وعن تجربه سابقة فى مجال كاميرات الديجيتال لازم تحط كام حاجه فى الحسبان،
أولا ابتعد عن شركات الإلكترونيات التي تقوم بشراء عدسات من شركات أخري كالسوني مثلا، وده مش معناه انها كاميرا سيئه لكن زي ما بيقولوا ادي العيش لخبازة وشركات زي نيكون وكانون واوليمبس لهم باع طويل جدا فى تصنيع العدسات ولهم تاريخ عريق أيضا فى كاميرات التصوير،
أما الشركات الأخري فقد تأتي إحدي كاميراتها فلته وقد تنافس وتتفوق علي بعض كاميرات صانعي العدسات لكن ده علي نطاق المنتجات المنزلية الموجهه للهواه، أما منتجات المحترفين فغالبا تتنازع الصدراة شركتي نيكون وكانون،
علشان كده خليك فى المضمون وشوف حاجه نيكون أو كانون أو اوليمبس،
لكن بالنسبة للوضع فى مصر، الكانون موجوده أكثر وعلي الرغم ان فيه منافسين زي فوجي وكوداك لكن كانون غالبا تتفوق عليهم.
نقطة اخري مهمه، اذا كنت تريد شراء كاميرا رقمية لتصوير الصور فقط ولا تهتم بالفيديو، يبقي ركز علي الكاميرات اللي بتهتم بالصور أكتر، لكن لو بتفكر فى كاميرا للصور والفيديو، غالبا هتلاقيها فى كانون لأنها أقرب للمستهلك العادي من نيكون،
وعن نفسي نويت بإذن الله أشتري Canon S5 IS سعرها فى مصر حوالي 3500 جنية لكن بره سعره أقل بكتير جدا من كده وهيا كاميرا متوازنه فى امكانياتها وواخده تقيم كويس من أكتر من مصدر.
وربنا يوفقك.
مبروك مقدما أستاذ فردي وأختيار موفق أن شاء الله
اقتباس:
وعن نفسي نويت بإذن الله أشتري Canon S5 IS سعرها فى مصر حوالي 3500 جنية لكن بره سعره أقل بكتير جدا من كده وهيا كاميرا متوازنه فى امكانياتها وواخده تقيم كويس من أكتر من مصدر
سلسله الكانون is محترمه جدا جدا جدا عن تجربه
انا معايا Canon S2 IS من حوالي سنتين و فعلا كاميرا ممتازه بكل المقاييس
عايزه بس 2 طقم بطاريات ريتشارجبل وميموري كبيره 2 او 4 جيجا وعيش يا باشا
واحلى حاجه في الزوووم وتصوير الفيديو فوق الممتاز
كان عندى (وما زالت موجودة) كاميرا نيكون coolpix و هى كاميرا صورها معقولة (مش وهمية لكن مقبولة) لكن بتستهلك بطاريات بسرعة جداً لكن دى كنت جايبها من حوالى 7 سنين فأكيد تكنولوجيتها اتطورت جداً دلوقت ...
حالياً معايا سونى T5 بقالها سنتين و صورها رائعة جداً سواء ثابتة أو فيديو ... و عدستها كارل زايس (من أفضل العدسات فى العالم و بتدخل فى صناعة الميكروسكوبات و أجهزة القياس عالية الجودة) وشاشة LCD كبيرة و بتبقى واضحة جداً فى ضوء الشمس أو فى الأماكن المغلقة و الكاميرا durable و حجمها صغير جداً و ميكانيزم الزوم فيها داخلية يعنى مبتشوفش telescopic head طالعة من الكاميرا ... و أسعاها حالياً فى مصر مناسبة جداً أعتقد ممكن تلاقيها بأقل من 2000 جنيه بسهولة بس أهم حاجة تجيبلها كارت ميمورى كبير (1 جيجا على الأقل و يفضل 4 جيجا) ... عيبها الوحيد هو ان الزوم 3x فقط و انه ماينفعش تغيير الزوم أثناء تصوير فيديو (يعنى لازم ضبط الزوم قبل التصوير فقط) .. لكن العيب دة فى أغلب الأحيان غير مؤثر.
الكانون بتطلع منها فعلاً صور خرافية و ألوانها ممتازة و أسعارها حلوة لكن كانت مع واحد قريبى غاوى تصوير و قعدت معاه حوالى سنتين و بعدين توقفت عن العمل بدون أى مقدمات و من غير ما يحصلها أى حاجة (ما وقعتش و ما اتخبطتش و ما جاش عليها مياة ... الخ) و لما وداها التوكيل قالوله حتتكلف 700 جنيه!!! حالياً هو معاه سونى فيها 15x زوم (أوبتيكال طبعاً) و امكانياتها جبارة و صورها فعلاً professional
الكاميرا اللى بأنصحك تبعد عنها تماماً الـ benq و الgenius حتلاقيهم كتير عند محلات الكمبيوتر و أسعارهم رخيصة جداً لكن أردأ صور ممكن تشوفها. نصيحة كمان أهم حاجة فى الكاميرا الزوم الأوبتيكال كام و مقاس السنسور CCD (كل ما كان أكبر كل ما حتلاقى الصور أحلى بكتييير لكن رغم أهميته محدش بيركز عليه خالص) انما بالنسبة للميجابيكسل أى رقم فوق 4 أو 5 شغال.
+111111111111111111111111111111
I bought olympous three years ago from Germany it is the best value for the price the only problem was the battery
I bought sony H3 from the usa this year it is the best semi profesional 10x optical zoom rechargable battery. by the way I saw it in the mall 300$ but I bought from Amazon 250$ only it has the best prices
ربنا يكرمك يا كريم،
وهيا فعلا وزنها تقيل، لكن فى المقابل مجموعة عدسات زووم محترمة شغالة على موتور الترا سونيك هادئ،
وأربع بطاريات علشان قوة الفلاش،
لأني كنت بعاني قبل كده ان مدي الفلاش بيبقي قليل، لكن ده معقول جدا (لحد 5 متر علي ما أذكر).
طبعا حكاية ان غطاء العدسات تقليدي ومانيوال غلسه حبتين لكن مش قضيه يعني ..
ربنا ييسر بس وتوصل علي خير وألحق أجيبها معايا المقابلة الجايه بإذن الله.
انا عجبتني كاميرا كانون Canon PowerShot SX100 IS وده شكلها ومواصفاتها
http://www.dpreview.com/reviews/canonsx100is/
سعرها 2350 جنيه بالضمان في التوكيل ... ممكن اضغط على نفسي في البادجت اللي انا حاططها للكاميرا (2000) واجيبها ... بس عايز رأيكم فيها وهل بالسعر ده ممكن اجيب حاجة احسن ؟
غطاء عدسة تقليدي عشان الوايد انجل يا اسلام
والوزن بسبب جودة العدسات والجسم الميتال
الف ملبروك وربنا يباركلك فيها
---------
شريف سعرها على الموقع 300 دولار يعني هامش ربح كتير شوية
بعيب عليها عيب قاتل ماقبلش فيه بكاميرا بالتمن ده
انها مافيهاش فيو فايندر
يعني لو البطارية خلصت وبتصور بالنهار انسي انك عندك عدسة تشوف فيها
لازم على الشاشة
وانا ماقبلش بيه ابدا بكاميرا ديجتال رخيصة مش غالية كدة
وبطاريتها 2 قلم بس
مهما كان الامبير عاللي هايخلص من الفلاش وال LCD
شكرا للمعلومات القيمة يا استاذ كريم ... واضح اني هدور على موديل تاني
الشكر لله ودور ولو محتاج استفسار ما تتاخرش
أنا حاقول تجربتي الشخصية
في الشغل سوني سايبر شوت 7.2
في البيت سوني W55 بقالها سنة
ممتازة جدا، عدسات السوني كارل زيس خاصة بسوني فقط و هي عدسات محترمة
الماركات الحديثة من سوني (الصغيرة الحجم) تعتبر ضعيفة شوية
الفلاش ممتاز ، البطارية معقولة جدا
الميموري كارت في منه صيني (ميموري برو ديو) سان ديسك و خلافه
الموجود في مصر صيني الصنع و الموجود في الخليج ياباني
التوكيل أسعار الصيانة فيه غالية و بيغير علي طول
أنا جبت الكاميرا W55 من السعودية بكارت ميموري سوني ياباني (2g) ميموري برو ديو إجمالا بـ 1500 ج
نفس الكاميرا و سوني صيني المنشأ و بكارت الميموري من مصر الآن تعمل 3500
مع إن المفروض ترخص
هامش ربح و ضرائب مبالغ فيها
خلاصة ما أعرف إشتريها من الخليج لو قدرت أيا كان نوعها و لإستخدام البيت كفاية الآتي
3ْx أوبتيكال زووم و أي ديجيتال زوم معاها (الديجيتال زوم مربوط بالأوبتيكال زوم و الأوبتيكال زوم هو الزوم الحقيقي أما الديجيتال زوم بيقي علي حساب نقاء الصورة مثل التكبير علي برامج الصور)
الميجا بيكسل 5m فيما فوق
حجم الشاشة مع مراعاة السعر
بعض كاميرات سوني لا يوجد بها زوم أثناء الفيديو و ليس كلها
ملحوظة أخيرة أنا لي خبرة مع كاميرا كاسيو عملية جدا و سهلة جدا للشغل و للمناظر العامة فقط لأن الوجوه البشرية في صورها عجيبة جدا بالإضافة إنها (الموديل اللي جربته) لا يسجل صوت!!
+100000000اقتباس:
أولا ابتعد عن شركات الإلكترونيات التي تقوم بشراء عدسات من شركات أخري كالسوني مثلا، وده مش معناه انها كاميرا سيئه لكن زي ما بيقولوا ادي العيش لخبازة وشركات زي نيكون وكانون واوليمبس لهم باع طويل جدا فى تصنيع العدسات ولهم تاريخ عريق أيضا فى كاميرات التصوير،
أحب أقول حاجة الكاميرات الرخيصة زى benq كويسة على قد تمنها يعنى ب 500 جنية ممكن تجيب c640 وفيها 3أكس أوبتيكال زووم وعدسة بنتكس وكمان بتصور فيديو بالصوت والزوم أوبتيكال (خاصية مش موجودة فى السونى وغيرها) وببتوصل بالتلفزيون وفيها مانع أهتزارز زكمان 6 ميجا وخصائص كتير مش فاكرها
أنا شايفها لواحد هاوى فلة خالص
أنا ممكن ادفع 1500 -2000 -2500 -3000 فى هاندى كام محترمة لكن فى كاميرا ديجيتال يبقى حرام عليا الموضوع مش مستاهل خالص فى حاجات تانية أهم يا رجالة دة يعتبر رفاهية عالية قوووووووى
إلهم أنى قد بلغت إلهم فأشهد
دي رغبات شخصية
زي ليه تجيب عربيه بـ 160000 1600 Cc و ممكن تجيب واحدة اختها بـ 80000
كل واحد أدري باحتياجاته و كل واحد حيتحاسب لوحده مش كلنا بنفس النسب
أوضح الحته دي عشان ماتعملش مشكلة المليونير لما يجيب عربيه بـ 100000 أكيد مش سفه
الموظف الغلبان اللي يبيع كل حاجة و يقسط عربية بـ 100000 أكيد سفيه
بالنسبه للماركات اللى صاحب الموضوع عرضهم كترتيب : الكانون - سونى - باناسونيك - سامسونج وبالمناسبه كاميرات سونى عدستها كارل زيس وهى شركه متخصصه فى العدسات للكاميرات والميكروسكوبات وهى تقريبا مملوكه لسونى وتورد عدسات كاميرات الموبايلات لنوكيا ومع ذلك الموبايلات السونى لا تزود بعدسه كارل زيس وبالنسبه للكاميرات المدمره للبطاريات وعن تجربه احسن بطاريات استعملتها كانت energizer lithium وده تحفه فى العمر ولا يعاد شحنها و البطاريتين ب 28 جنيه ممكن تعمل 600 صوره ولونهم فضى مع خطين زرق وصلاحيه حتى 2022 وطبعا صناعه امريكى ووزنهم ثلث اى بطاريه اخرى ، وبعد كده بطاريات radioshack digital plus لونهم احمر وسعرهم معقول جدا 4 بطاريات ب 18 جنيه وصناعه امريكى ايضا .بس عيبهم انهم غير متوافرين الا فى فروع radioshack فقط
لو على الشحن
انا بفضل انر جايزر ليثيوم 2500 ملي امبير
ثمن ال 4 بطاريات مع الشاحن الاصلي 165 جنية
وعمرهم طويل
تشحنهم تستعمل 2 وتخللي 2 احتياطي
ولو خلصو ال 4 اثاء رحلة
بطاريتين الكالين يظبطو الباقي