عاوز مساعدتكم عملت حادثة

**motoxp** · 22-08-2011 01:32 AM

الحمد لله على كل شىء اولا
انا زعلان اوى عشان العربية بقالها شهرين معايا وعشان هيا فبريكة بالكامل كمان

المهم ماشى فى امان الله فى مصر الجديدة وفجأة سواق تاكسى ابيض لادا وقف يركب واحدة فى نصف الشارع وكان وراه اوبترا و وثانية بتاع الاوبترا فرمل جامد وانا وراه انا حاولت افرمل بس فرامل الالنترا 2006 تعبانة وكمان المسافة كانت قصيرة المهم رميت شمال على قد معرف والحمد لله جت فى الفانوس اليمين والكابوت و الرفرف اليمين ارجوكم عاوز مشورة اسمكر على البارد و ايه
رحت لواحد سمكرى قالى هتترد على الشخن و ترش الكابوت والرفرف و الاكصدام
بس انا مش عايز ارشها خالص حتى لو فيه بويه هتبان متكحته

لو حد يعرف سمكرى ممتاز ياريت يدلنى وجزاه الله خيرا
انا كنت حزين اوى الصبح ساعة الحادثة بس انا دلوقتى هديت خالص
الصور مرفقة
ورمضان كريم علينا

**motoxp** · 22-08-2011 01:35 AM

الصور بوضوح

ImageShack® - Online Photo and Video Hosting

**M.FOUAD** · 22-08-2011 01:50 AM

قدر اللة و ما شاء فعل
الحمد للة انها جت على قد كدة
المهم الشنب ميكونش اتاثر في الدواخل
الكبوت و الرفرف لازم يتسخنوا مش هينفع على البارد ممكن تروح تشتريهم استيراد نفس اللون لو انت عايز تخليها فابريقة برة زي ما هي حتى لو اشتريت كبوت بس و الرفرف يتلم و خلاص

**motoxp** · 22-08-2011 01:58 AM

الشنب سليم بس فيه حتت كده على البارد بس السمكرى قالى مش هتبان خالص

بالنسبة للرد على البارد قالى ممكن بس هيبقى باين اوى قالى يستحسن ترش الكبوت عشان شكله

**Ashraf_Ibrahim** · 22-08-2011 02:08 AM

انا فيه جنبي سمكري كويس عملي رفرف العربية على البارد وظبطه
لو تحب نروح ليه سوا ونشوف ايه اللي ممكن يتعمل ليها بالظبط
لو كدة كلمني
01113014761

**MohssenRashed** · 22-08-2011 02:15 AM

معلش الحمد لله.

نصحتي شوف سمكري شاطر و رش فرن و ظبط صح عشان مهما الصنيعي شاطر عمر الرد على البترد هيبقى كويس. اعتقد ملهاش لازمه تمشي بالعربيه شكلها و حش عشان تبقى فابريقه.

كلامي عن تجربه عملت الكابوت ع البارد و طلع وحش جداااا