انا عندى العربية لما اكون راجع من مشوار واجى ادور تانى بتعتل وبعد كدة تدور علطول البطارية بصيت عليها موشر البيان يدل انها جيدة .....بسانا شاكك ممكن تكون بطارية بس عاوز اتاكد لو حد حصل معاة قبل كدة يا ريت يفيدنى وكل سنة وانتوا طيبين
عرض للطباعة
انا عندى العربية لما اكون راجع من مشوار واجى ادور تانى بتعتل وبعد كدة تدور علطول البطارية بصيت عليها موشر البيان يدل انها جيدة .....بسانا شاكك ممكن تكون بطارية بس عاوز اتاكد لو حد حصل معاة قبل كدة يا ريت يفيدنى وكل سنة وانتوا طيبين
قيس خرج الدينامو و طمنا
في رعاية الله
شكرا gazzar هجرب واقولك الله المستعان
ممكن يكون حساس كامه
حساس كرنك
طيب انا كدة اتلخبطت :)
طيب ممكن اعرف اية اعرض تلف حساس الكامة واعراض تلف حساس الكرنك ومكانهم فين علشان العربية الصبح ادور مفيش مشكلة بس لما بروح مشوار طويل واجى ادور تانى تحس انها بدور بالعافية وتقوم دايرة
حضرتك هى موديل كام وماشية كام الف ؟
el 3eeb da 3la fekra f el marsh beta3 l 3rbya lama bes5n be3teel kda 3lshan l marsh wara l matoor w lma el 3rbya bets5an gamed aw mashet meshwar tewel bet3ml kda da 3eeb mawgood f mo3zam l megane sawa2 megane 1 aw 2 w haloo aneek ta3'er ters l marsh w orboot el ardy betaa3 el 3rbya kowayes
كل سنة وانتوا طيبين عيد سعيد عليكم كلكم يا احلى شباب
خرج الدينامو تمام الموضوع طلع البطارية و وانا غيرتها بواحد جديدة والحمد للة تمام الان
سؤال تانى عندى من يومين صوت خبط فى الناحية اليمين عاوز اعرف دة يبقى مقص ولا بطاحات ويا ريت حد يقولى البطاحة مكانها فين ةاعراض تلفها اية
البطاحة بتبقى فوق المساعد و بتشوفها لما تفتح الكبوت من فوق المساعد.
البطاحة جزئين.....جزء عبارة عن كاوتش و جزء عبارة عن رلمان بلى......
الكاوتش بيبوظ لو نشف و المفروض يبقى حواليه شحم
الرلمان بلى بيبوظ لو فرط او على وشك أنه يفرط
البطاحة بتتباع برة التوكيل كاملة أو رلمان بلى بس.
دى صورة بطاحة بس مش بتاعة ميجان.
http://www.aepdirect.com/components/...duct/25150.jpg
احمد بية ازى حضرتك وكل سنة وانت طيب
فعلا الكاوتش طلع مشقق يا ترى بغير الكاوتش ولا اغيرها كلها برلمان البلى وفى ماركة محددة كويسة وهل سهلة فى التركيب ولا صعبة
وشكرا للمساعدة
كل سنة و حضرتك طيب يا باشا
أعتقد أنك محتاج حد يكشف على الرلمان بلى كمان علشان تعرف حالته أيه..........بدل ما تشترى واحدة من غير رلمان بلى و يطلع برضه فيه مشكلة.
و بالنسبة للتركيب هو سهل بس محتاج شوية وقت.....يعنى أعتقد نص ساعة أو ساعة إلا ربع للناحية الواحدة.
الماركات الكويسة مش فاكرها بصراحة بس فيه شركة مشهورة قوى فى موضوع الرلمان البلى ده على مستوى العالم أسمها skf مش عارف منزلة للميجان و لا لأ.
و عموماً موضوع أن الكاوتش مشقق ده ممكن يكون مش هو العيب.....يعنى ممكن يكون فى أول تشققه و لسه شوية عليه.
أنا مرة كنت عامل حسابى على التغيير و طلع الموضوع كله أن البطاحة محتاجة تشحيم علشان الشحم اللى فيها نشف و بالتالى و هى بتتحرك كانت بتعمل صوت.
بإختصار خللى حد يكشف لك على البطاحة بالكامل و شوف رأيه أيه......بس يكون حد أمين علشان ميعملش شغل عليك.
شكرا يا باشا على الشرح الوافى هى البطاحة مقطوعة عندى. بس انا كنت عاوز اعرف فين مكان البلى والميكانيكى لازم يطلع المساعد ولا لا
ويا ترى البلية بتبقى منفردة ولا بتيجى مع البطاحة ....skf وfac معروفين بس دة فى حالة ان معايا رقم البلية واجيب زيها من التوكيل بتاح البلى لكن لو هشترى من محل قطع الغيار الوضح مختلف