السلام عليكم
جمب بيتنا فيه ساحه فاضيه معموله جراج للعربيات فيها حوالى 500 عربيه
فيه عربيه اسكودا مركونه عادى جدا ومتغطيه وذى الفل فجائه بئه لقينا العربيه بتولع
وحريقه جامده جدا طلعت من العربيه محدش عارف منين وليه اصلا النار مسكت فى العربيه بشكل مخيف الناس حاولو يطفو العربيه بالميه والرمل وكل الوسائل المتاحه مفيش امل الاطارات بتاعه العربيه بقت بتتطاير فى الهوا
راحوا كسروا زجاج كل العربيات اللى راكنه جمبها عشان يحركوهم بعيد يمكن عشر عربيات
المهم بئه بعد تقريبا اكثر من ساعه ونص وصلت المطافى كانت العربيه دى مفضلش حتى فيها صاج ربنا يكفينا الشر جميعا
وانطفت النار اللى حوليها
بتوع المطافى قالوا ان سبب الحريق ماس كهربائى فى شنطه العربيه خلها تولع
السؤال بئه
هل ينفع انه يحصل ماس والعربيه مطفيه من يومين ومتحركتش
طيب لو كان صحيح ايه الاسباب اللى بتخلى الماس ده يحصل وازاى نتجنب حدوثه ...!