إستشارة بخصوص شراء اوبل كورسا

**alien30** · 22-08-2011 02:59 AM

صباح الخير يا رجاله

الحمدلله ربنا فرجها ونويت اشتري اوبل كورسا موديل 94 - 98 (هاتشباك) انشاء الله

انا محتاج كام استشاره من العالم الخبيره في الاوبل عموما والكورسا هاتشباك خصوصا

انا انشاء الله حاخد معايا ميكانيكي كويس ومعرفة وانزل سوق السيارات في مدينة نصر

انا محتاج اعرف ايه اللي ابص علية واخلي الميكانيكي يفحصه في العربيه؟

واحدد الحاله الكويسة من الحاله الوحشه ازاي؟

وفي سؤال محيرني انا شخصياً.... انا سمعت ان موتور الكورسا دي بيبقي 1000cc او 1200cc..... هل الموتور ده يستحمل التكييف لو العربية مكيفه؟.....يعني التكييف مش حيضعف الموتور والعربية؟

انا بصراحه خايف وقلقان من موضوع الشراء دة وخايف البس عربيه تخليني اكره نفسي

انا مستني مساعدتكم يا رجاله ربنا يباركلكم

**Scuderia.M** · 22-08-2011 08:25 PM

ال1000 cc أو ال1200 cc بيستحمل التكييف عادي, كنت بحمل العربيه خمسة ومشغل التكييف عادي...

في موضوع هنا عن الفرق بين الcorsa 1000 والcorsa 1200
http://www.nilemotors.net/Nile/53088-1200cc-1000cc.html

بس أنا انصحك تجيب ال1200 عشان ال1000 صيانته مقرفة مع إنه أحسن كتير من ال1000.

واستنى برده رأي بقيت الرجالة

**SimplyM** · 22-08-2011 08:35 PM

يا باشا ربنا يكرمك بعربيه كويسه ..

انا معايا العربيه ديه 1995 و مش عايز اقلك دورت قد ايه عشان متحبطش ... انت بس طول نفسك

لو عايز العربيه تكونن بور و تكييف فابريكا و مش مهم سهوله الصيانه هات موديل 1998 الى 2000 هتبانلك بسرعه كده لما تلاقى الاكصدام بلون العربيه و تلاقى الموتور عليه غطاء بلاستيك كده زى العربيات الجديده العربيه ديه 1000 سىسى موتور اكوتك و فيه مشاكل فى الحساسات مكلفه شويه

لو عايز العربيه مفيهاش مشاكل ميكانيكا بس مش بور و التكييف اما غير موجود او مش فبريكا هات من 1994 الى 1997 ... العربيه اكصدامها لون واحد رمادى و الموتور شبه المواتير القديمه و مش مكتوب عليه اى حاجه

حسب خبرتى القليله العربيه شاسيه و موتور ... لو الاثنين دول تمام الباقى يتظبط ... و الصح انك تبص بعينك و تاخدها توكيل زى مقار او منصور رابعه يكشف عليها (العربيتين فيهم كمبيوتر اعطال بيتكشف عليه بس عند مقار بس)

كشف سريع على الموتور:

- صوت الموتور منتظم و مبيعلاش و بيوطى
- الزيت لونه غامق و مش فاتح زى الطحينه
- الدخان طالع من الشكمان ملوش لون
- ممكن تفك خرطوم الهوا الداخل على الموتور و تبص على الدخان برضه

كشف الشاسيه بقى عايز سمكرى او حد بتاع ضبط زوايا ...

اتاكد ان العربيه مش رشه دواخل

اتاكد ان السرعات كلها بتيجى من غير اصوات من الفتيس

لمبه الشك متنورش

ربنا معاك

**Scuderia.M** · 22-08-2011 08:46 PM

المشاركة الأصلية كتبت بواسطة scuderia.m

بس أنا انصحك تجيب ال1200 عشان ال1000 صيانته مقرفة مع إنه أحسن كتير من ال1000.

:m_yes[1]:

تعديل معلش ال1000 طبعا أحسن كتيير من ال1200 مش العكس, أنا كتبت غلط بس زي ماقلتلك صيانته مقرفة شوية, ال1200 صيانته سهلة

**snoop** · 22-08-2011 10:23 PM

انا نزلت سوق الجمعة لاقيت رينج الكورسا من 29 الى 33 الف 1200 سى سى فتحة سقف وتكييف
بس معنديش خلفية عن اسعار قطع الغيار ايه نظامها

**alien30** · 22-08-2011 10:34 PM

الله عليكم
انتم جبتم من الاخر ومعلومات اخر حلاوه وانشاء الله المعلومات دي تفرق معايا في شراء العربيه.... ربنا يصبرني في اللف والدوران لحد ما الاقي عربيه حالتها كويسه انشاء الله

انا متشكر جدا لكل اللي افادني بمعلوماته وخبرته.... بجد ربنا يباركلكوا

**tananybasha** · 23-08-2011 12:25 AM

طيب ما تسيبوا حاجة نقولها
يعنى نقول ايه دلوقتى
بالتوفيق ان شاء الله

**alien30** · 23-08-2011 01:29 PM

طيب ممكن لو في صور لعربيتك يا استاذ عمر؟

**ASKAFRAWY** · 23-08-2011 01:34 PM

المشاركة الأصلية كتبت بواسطة hanykd

السلام عليكم
فى واحدة موديل 99 متسقط لها موتور 1400 سى سى تكييف وباور وسنتر وفرش جلد وكاسيت سى دى
كاوتش جديد جوديير لسه راكب ماعملش 500كم
لسه راشة بره نضافة فى الإسكندرية
فيها رخصة لغاية مايو 2013

أخوك فى الله أبو عمر

مطلوب قيها كام يا هانى باشا
وعاملة كام الف
ولون العربية ايه

الموضوع: إستشارة بخصوص شراء اوبل كورسا

LinkBack

أدوات الموضوع

عرض

-

-

-

-

المواضيع المتشابهه

سؤال بخصوص لمبه الصالون وشاشه التاريخ اوبل كورسا

مطلوب شراء سكودا فابيا او بولو او اوبل كورسا

استشارة بخصوص اوبل كورسا

مطلوب شراء سيارة اوبل كورسا 99

إستشارة في كورسا سيدان

الكلمات الدلالية لهذا الموضوع

المفضلات

المفضلات

ضوابط المشاركة