الموضوع: ميكروباص تويوتا

المشاركة الأصلية كتبت بواسطة MaZaGAngeE

طبعا الأفضل يكون جاز لأنه ارخص و اكتر انتشارا من البنزين و لكن صيانته او عمرته مكلفة اكتر

باقي النقط مفدرش افيدك فيها .... منتظر معاك ردود الاعضاء الاكثر خبرة

طب ويا ترى ليه صيانة الجاز اغلى ؟!
مش كل المكونات واحد تقريبا !

المشاركة الأصلية كتبت بواسطة mr_vampire

باشا فكر في انك ترخصها اوتوبيس رحلات وتشغلها مصر اسكندرية عالصحراوي .دورين او تلاتة فاليوم وكدة شكرا اوووووووووووي. شغل نضيف ومتهنش العربية وعائد ممتاز لانها بتتعامل زي قطر درجة تانية وبيركبو فيها دي في دي وتكييف فبتوصل 17 جنيه للفرد.


لو حابب معلومات. في رمسيس جنب مطعم ( علي بركة الله بتاع السجق والكبدة ) هتلاقي جراح العربيات اللي شغالة بالنظام ده روح واسال واقرر.


ولو الموضوع عجبك متنساش تجيبلي 10 كبدة وزيهم سجق وتعالي قولي شكرا يافامبير. ( طبعا مفيش بنا شكر بس اي حجة عشان اخد منك الشيلة ده عشان الحرج السياسي بس ).

يا سيدي هجبلك 20 كبدة وزيهم سجق ورحلة مجانية مدفوعة مقدما كمان :lol:
انا كنت بفكر اشغلها اسكندرية دور واحد في اليوم رايح جاي وخلاص على كدة !
اعتقدت ان قسطها في حدود 4000 جنيه وبالتالي مش عايز اهلكها ولا اهينها عايز احافظ عليها !

المشاركة الأصلية كتبت بواسطة modo88

طبعا التويوتا لان قطع غياراها موجوده ومش غاليه زي الباقي
وميكانيكية الجاز كلهم حافظينها وفاههمينها كويس عكس الماركات التانيه
ونصيحه شغلها محافظات بلاش جوه القاهره ل 1. مفيش مخالفات كتير هاتيجي عليك
2.طريق سريع الموتور هايبقا مرتاح عن جوه البلد وخلي بالك الموتور بيتصلح غالي جدا وحراق اوووي مش زي البنزين نهائي
3. الاجره عاليه شويتين عن جوه البلد
ولو عايز خط كويس القاهره المنصوره بيبقا فيه عجز شوية في العربيات وساعات الناس بتستني عربيه تيجي
بالنسبه لنظام التقسيط معنديش فكره :d

التويوتا افضل يعني !
لما كلمت والدي على النيسان قلي بلاش مش عارف ليه !

المشاركة الأصلية كتبت بواسطة mahamede

بص يا أستاذنا ,, مع احترامى لكل الناس اللى شاركت فى الموضوع والى قلك هات كذا واللى قلك هات كذا وكذا واللى قلك ترخصه كذا ,, قبل الكلام ده كله لازم تبقى بتبص للموضوع من كذا جانب ,, يعنى سيادتك هتدفع فلوس ,, فمينفعش ترميها ع الارض ,, طب هتقولى ازاى ,,, ع رأى المثل ادى العيش لخبازه ,, والشغلانة دى مش سهلة يعنى لو أنتا اشتغلت عليه ,, سيادتك كراجل محترم أو موضف أو أى كان مهنة حضرتك مش هتعرف تتعامل مع بتوع الميكروباص لأند دول بيبقوا ليهم معاملة خاصة يعنى هتلاقى اللى بيقل أدبه وهتلاقى اللى بيقولك انتا بتحمل عليا وحوارات وموال تانى خالص ,, طب لو قلت هجيب سواق يشتغل عليه ,,, هقولك يبقى كل سنة وانتا طيب فى فلوسك وده لعدة أسباب ومنها أول حاجة أنه هيخنسر جامد فى الأجرة وهياكل فى الفلوس غير ان سواقتهم بسم الله ما شاء الله يعنى هيطلعلك عين ام العربية وكل شوية هيقولك دى عايزة مش عارف ايه وايه وايه ,, وهيخليك تكره حياتك ,, غير انه ممكن يخبطهالك لقدر الله ويقولك مليش دعوة ,, وممكن سواق يجيلك يوم وعشرة لأ ,, يعنى العملية متعبة ,,, انا حبيت اوضحلك الموضوع شوية قبل ما الفاس تقع فى الراس ,,, أرجو ان تتقبل كلامى ,,, تحياتى ,,,,

كلامك منطقي الحقيقة
طب اقترح عليا مشروع تاني اقدر اعمله ويكون تقريبا قريب من موضوع الميكروباص في الربح !

المشاركة الأصلية كتبت بواسطة mohamedbook

علي لسان واحد اعرفة كويس بيقول ان الميكروباص النيسان مشاكلة كتير

طب معلش تقدر تسألهولنا ليه مشاكله كتيرة او بصورة اوضح ايه هي المشاكل الكتيرة ونتيجة ايه؟!

المشاركة الأصلية كتبت بواسطة egytamer

الاحسن تخليك في حاجة بتفهم فيها لان السواقين هينصبو عليك كتير جدا ومش هتعرف تاخد معاهم حق من باطل زي مبيقولو.

كلامك برده منطقي بس اعتقد اني ممكن اجيب سواق كويس بيراعي ربنا يعني !

المشاركة الأصلية كتبت بواسطة shaddadfalcon1

جوز اختي عنده تويوتا وكان مركب عليه واحد ومكنتش بيعمل حاجه غير انه يتابع معاه طول اليوم والسواقين بيحرقو الموتور حرق لدرجة انه عمل عمرتين كل 200 الف كيلو - مش متخيل ازاي مع موتور ديزل

العربيه امبيرها 180 ومع ذلك معظم مشيهم 140 شوف انت بقي لما تبقي العربيه محمله وماشيه بالسرعه دي وشغل حرق كله الموتور بيحصله ايه

موضوع التعامل برده مع الفئه دي محتاج خبرات خاصه ده غير انك متضمنش انه ميخنصرش من الأجره يعني الأجره بتبقي 17 جنيه تلاقيه يجي يوم ومفيش عربيات يقوم محمل ب 25 جنيه يعني فرق 8 جنيه في الراكب يعني مش اقل من 120 جنيه في الدور وطبعا يضربهم في جيبه

بصراحه الموضوع مربح جدا وانا فكرت فيه كذا مره بس بتراجع بسبب المشاكل والقرف اللي ممكن اشوفه وساعات بفكر اجيبه بدل الشقه وهو يبقي يجيب الشقه بس لازم زي ماالكل قال حد مضمون

جوز اختي السواق خبطهاله مرتين كل مره مش اقل من 10 الاف تصليح وطبعا السواق مدفعش مليم
يكفي اني اقولك ان السمكري عشان يستعدل باب الشنطه اللي ورا خد 3000 جنيه وده يعتبر علي قده
الصنايعيه بيعاملوهم كانهم راكبين مرسيدس عشان عارفين ان العربيه بتجيب فلوس

احلي حاجه لو تعرف تشغلها في شركه بس مش كل الشركات بتدي فلوس كويسه
بتروجيت كانت عارضه علي جوز اختي 4500 في الشهر وطبعا بالنسبه للي ممكن العربيه تعمله قليل جدا فرفض

مهو ال 200000 كم دول هيعملهم في 5 او 6 شهور تقريبا لو شغال كويس الميكروباص فمش مسافة قليلة برده ! بس هي على تويوتا قليلة جدا طبعا !
مممممممممممممممم
طب متسألنا جوز اختك عن تجربته دي وانقلنا التجربة بتاعته !؟