bravo
عرض للطباعة
bravo
البرافو طبعااا
البرافو : انتشار - قطع غيار اكتر من الفيلوستر - خامات وتقفيل اكيد احسن - استهلاك بنزين اقل - سعر اعادة البيع اعلى من الفيلوستر لانها منتشرة اكتر - توكيل سىء والاعضاء بيقولوا ان اسعارة غالية
الفيلوستر : شكل جديد - اعتمادك كلة هايبقى على التوكيل
البرافو شيك جدا من بره ومن جوه و موتورها جبار وخصوصا لو هتجبها ال 150 حصان فيها اوبشنز كتيره جدا بس مانيوال
veloster طبعا كفايه انك تبقى مختلف و بعدين معلش التقفيل و الجوده
شوف ال veloster من جوه و وانت نفسك هتحكم على التقفيل العربيه فيها اوبشنز بالعبيط
عيبها من ورا راسك هتخبط في السقف بس
بس شكل من وجه نظري تكسب و مواتير هيونداي مقولكش اديك شايف الفيرنا :):):)
اتوكل على الله و هات فيلوستر عشان ابقى اسوقها منك :):)
مفيش برافو 150 حصان خلاص كل اللى موجود 120 حصان لحد p6 الفوليستر عربية فيها اوبشنز كتير وشكلها اكثر من رائع ولسه جديد فاكيد هش هتغير الشكل قريب زى البرافو اللى نازله من 2007 حاجة تانية البرافو التوكيل بيغير حاجات قبل معادها زى فلتر الهواء اللى كل 10الف كم وتيل الفرامل اللى كل 20 الف كم بحجة انها تربو وان الاجواء فى مصر حارة وتراب فلازم يغيروا الحاجات دى قبل ميعادها
والاكثر من كده البرافو فتيسها دوال لوجيك يعنى حتحس فى المطالع وكمان وانت بتركن انك راكب عربية مانوال بالظبط
انا كنت زمان متخيل ان مفيش عربية هاتش باك شكلها هيكون زى البرافو لكن لما نزلت الفوليستر انا مشفتش عربية بالشكل ده من جوه ومن بره بس انا بتكلم على الهاى لاين لانه فارق كتير عن الفئة اللى 145 الف
الفوليستر :
جنط 18 , ستارت انجشن , سقف بانوراما , esp , زينون , كراسى جلد بالكامل , باركينج سنسور , كاسيت تاتش بشاشة كبيرة ,الفتيس تيبترونيك الحاجات دى مش موجوده فى البرافو ده غير الحاجات اللى موجوده فى البرافو زى البلوتوث و مالتى فنكشن و مثبت سرعة و التكيف التاتش
البرافو :
بلو اند مى , 2 ابرياج زيادة عن الفوليستر , موتور اقوى , ثبات افضل , شنطة اكبر
نفسى اعلق من بداية الوضوع ان مافيش برافو 150 حصان دلوقتى فى مصر :D ,و كمان ال120 p6 ديه مفيهاش ولا فتحة سقف وستارت انجشن :) الى صاحب الوضوع طالبهم يكونو موجودين فى العربية
من الاخر لو عايز الاوبشن الاكتر و عاجبك شكل الفيلوستر توكل على الله و هاتها....
بالنسبة ليا بقى ولاتسوى 100 فيلوستر معايا قدام البرافو :D معلشى وجهة نظرى ان برافو طبعا افضل من الفيلوستر و من ضمن اسبابى بغض النظر عن التقفيل و الشياكة و الموتور و و و الى بتتميز بيهم البرافو..شكل الفيلوستر بالنسبة لي "وحش" من وجهة نظرى,ولما شوفتها جنب البرافو اقتنعت اكتر بكده. انا عارف ان فيه ناس كتير هتزهل من كلامى وان ازاى الفيلوستر شكلها وحش....بس اعمل ايه بقى فى ذوقى :]
شكرا و كل سنة و حضراتكم بخير :)