كنت عاوز اعرف احسن واحد بتاع تكيفات ومش يكون غالى لان عندى العربية اوبل 98 وتكيفها مش حلو
خالص الصبح ببقى مشغله على اربعه ومش عامل حاجه لكن بليل بيبقى ثلج بشغله على 2 بيبقى
كويس اوى مش عارف ده ايه حله
عرض للطباعة
كنت عاوز اعرف احسن واحد بتاع تكيفات ومش يكون غالى لان عندى العربية اوبل 98 وتكيفها مش حلو
خالص الصبح ببقى مشغله على اربعه ومش عامل حاجه لكن بليل بيبقى ثلج بشغله على 2 بيبقى
كويس اوى مش عارف ده ايه حله
فى واحد اسمة الصعيدى ورا توكيل رابعة
دة اكتر واحد بتاع تكييفات حسيتة بيفهم وكان شغال فى التوكيل
العيب اللى عندك اكسبنشن او بلف ضغوط
مش هيخرج عن كده
هيبان على العداد
انت اخر مرة اتأكدت من الشحنة امتى
أنا عندي نفس الحكاية بس واحد قلي مروحة التكيف عيزة تتغير
هو الاكسبنشن او بلف ضغوط فين بظبططط
الأكسبنشن راكب فى صدر العربية و داخل على التلاجة
بلف الضغوط يبقى راكب فى الكباس نفسه
اسعارهم متفاوته بطريقة غريبه قوى
يعنى الأكسبنشن تسمع من 200 لغاية 650
ايه الفرق مش عارف
بلف الضغوط
من 120 ل 200 جنيه
و برضوا صعب قوى انك تلاقى الفرق
لأ اصدي الي علي الردتير بتاع التكيف
تعمل كام دة دلوقتي
انا مش معايا اوبل
بس فيه واحد بتعامل معه وجربته في كذا بي ام و ميجان و ياباني وكوري ماحدش اشتكى منه و بيعرف يطلع العيوب بسرعه
هو شغال في بنزينة كالتكس إلي في اخر عباس العقاد مع مصطفى النحاس
وإسمه حسيين
0170880593
ده معناه ان شحنة الفريون قليلة ياباشا. زود الشحنة وشوف اذا كان فيه حاجة بتسرب الفريون ولا لأ.
السلام عليكم
انا عندى نفس المشكله التكييف الصبح بيطلع هوا سخن ولازم اجرى بالعربيه علشان يبدأ يطلع هوا ساقع وبالليل تلاجه !!!!!! ده من ايه انا معايا هوندا والراجل اللى عملت عنده التكييف قالى ده بسبب السربنتينه علشان صغيره فبتاخد وقت علشان تبرد ,,,,, صح الكلام ده ؟؟
وبعد اذن حضرتك الاكسبنشن فالف لو فيه مشكله يخلى التكييف يسقع باليل والصبح لأ ؟
نفسي بجد اعرف سبب الموضوع دة اية ياريت حد خبرة يقلنا مع توقعى ان دي امكانيات تكييف (حجم السربنتبنة تحدد قوة التكييف) يعني حلو لو بعيد عن الشمس و الله اعلم
فى واحد فى ارض اللواء اسمه احمد وده ممتاز واسعاره كويسه انت لو رحتلوا قولوا انك من نايل موتورز وده رقم التليفون 0125566609
عاطف فى العمرانية
\والله انا شايفه كويس\
هو عاطف غالى شويه بس كويس
نا عندي نفس مشكلة الهوندا
لو وقفت في زحمة الاقي التكييف بيطلع هو سخن لو مشيت لاقيه برد العربية و بليل بهديه عشان بتلج
ايه ده بقي ؟
في ورشة فيها صنايعية كويسين و مش مبالغين في المصنعية أنا مش فكر إسم الورشة بس هي خلف مسرح البلون في العجوزة و مشهورة.
دي اول مشاركة ليا في قسم اوبل
بسم الله الرحمن الرحيم
الأجابة
اعتقد السربنتينة ليها علاقة بالموضوع دة وحجم وسرعة المروحة بتاعتها
ثانيا: انا مش عارف الأكبنشن فالف ليه علاقة ولا لأ لأن وظيفته من اسمه انه صمام للغاز وبيحافظ علي مرور الغاز بشكل منتظم
ثالثا انا برشح محمد عبدالقوي ودة دكتور في التكييفات في فيصل
والله المستعان
،
،
محمد سعيد فى المعادى كويس وما شاء الله بيشتغل فى كل العربيات تكييف فقط وشفت عنده اوبل كتييير
يا جماعه فيه واحد اسمه فى شارع بيروت مشهور اوى وجامد اوى
شارع بيروت ده فى مصر الجديده
ربنا يخليك دة نورك انت
حضرتك عارف كنتاكي الي في محطة حسن محمد
ادخل الشارع الي علي ناصيته كنتاكي او الشارع الي بعده مش هتفرق كتير
في نهاية الشارع هتلاقي شارع قاطع بالعرض (بيوازي شارع فيصل) هتدخل يمين
لما تدخل يمين هتلاقي شجرتين عاملين شكل 7 في نص الشارع وبعدهم كشك عيش لونه بني
بعد الشجرتين بشارع علي الشمال هتدخل الشارع التاني هتلاقي ورشة الدكتور محمد عبدالقوي علي اليمين
جربه ومش هتندم ابدا
والله المستعان
،
،
تسلم
و اسعاره عامله ايه
انا عارف كنتاكى اللى قدام سور كلية التربية
اللى فى العمارة البنى و جنبه بتوع السيراميك