السلام عليكم انا كان عندى استفسار عن النترا 2008 المانيوال تعمل كام دلوقتى وهل العربية كويسة ولا
وهل فراملها اى بى اس ولا فرامل عادية ولو عادية اية تاثيرة يعنى ؟ اسف على الاطالة بس انا جديد فى العربيات وعايز اعرف وشكرا
عرض للطباعة
السلام عليكم انا كان عندى استفسار عن النترا 2008 المانيوال تعمل كام دلوقتى وهل العربية كويسة ولا
وهل فراملها اى بى اس ولا فرامل عادية ولو عادية اية تاثيرة يعنى ؟ اسف على الاطالة بس انا جديد فى العربيات وعايز اعرف وشكرا
ان شاء الله هتبقي في حدود 80000 جنيه و معتقدش ان المانيوال هيكون فيه اي عوامل امان
يعنى اية مش فية اي عوامل امان ؟؟؟
انا سمعت ان فيها ايرباج عادى وفرامل اى بى اس الكلام دة صح ولا لا ؟؟؟
المانيوال في العربيات دي غالبا مبيبقاش فيها عوامل امان يعني بص علي الافانتي المانيوال تقريبا مفيهاش عوامل امان
لا راجع الاسعار علي كونتاكت كارز و بعدين صاحب الموضوع بيتكلم عن المانيوال
الاسعار علي كونتاكت كارز مش امر مسلم بيه ..كل واحد بيحط السعر اللي علي مزاجه...يعني حضرتك شوفت بعينك ان العربيات دي اتباعت بنفس الاسعار اللي اصحابها كاتبينها؟؟؟؟
الانترنت حاجه والواقع حاجه تانيه خالص علشان انا واحد صاحبي شاري 2008 بره وجوه كامله اوتو تكييف تاتش ب 81000 ..ارجو ان تتقبل رأيي
ما هو كونتاكت كارز هو جزء من السوق و كان في فعلا عربيات بسبعينات و في ازيد من التمانينات فقولت يبقي المتوسط 80000 جنيه و خصوصا ان كلهم موديل 2008 و ادي صاحب حضرتك شاريها ب 81000 جنيه يعني انا كلامي صح
طب بالنسبة للناس الى بتحب المانيوال يعملوا اية فى موضوع الامان دة ؟؟؟؟
ما هي دي المعضله لان الفتيس العاده راحت عليه للاسف
المنوال مفهاش abs ولا اول فئه اوتو فيها الهاى لاين بس على ما اعتقد والفرامل بتاعتها كهربا هى والباور يعنى الفيوز لو ضرب مش هتلاقى فرامل تحت رجليك ......
يعني الباور و الفرامل كهربه مش زيت ؟ يا ستار يا رب انا كنت فاكر الباور بس و طب الدبرياج ايه ؟ كهربه برضه ؟
المانيوال ما فيهاش ايرباج او فرامل ايه بى اس و سعرها لو فابريكة بره و جوه لا يتعدى 70 الف جنيه حسب الكيلوات و لو رشه حزام ففى حدود 62 الف جنيه خلى بالك ان سوق المستعمل حاليا ضعيف فممكن تكون الاسعار نزلت عن كده و الاسعار على كونتكت كار غير دقيقة وعند الشراء فى كلام تانى
لوعند حضرتك عربيات بالاسعار دى انا اشترى من حضرتك حالا وكاش
بس تكون حالتها نضيفة وكيلومتر اقل من 50 الف كيلو
62 الف ماتجيبش لحضرتك النترا الشكل القديم 2006
70 ممكن تجيب لحضرتك 2007 - 2008 عامله فوق الـ 100 الف كيلو
2008 النضيفه اوتو فى رينج الـ 80 فعلا والمانيوال اقل منها شويه
على فكره الكلام دا مش طخ وخلاص
انا بقالى شهرين بدور على عربيه والاسعار مانزلتش ولا حاجه الاسعار رفعت مع بداية رمضان وقلة المعروض
ولتكملة التوضيح برضه انا لسه جايب النترا 2007 مانيوال 40 الف كيلو فبريكه من يومين ومافيهاش abs ولا ايرباج
للتوضيح فقط وشكرا للجميع
معاكم حق الاسعار فعلا عاليه اليومين دول وانا برده كنت بادور علي النترا وكان معايا 70000 ويدوب يركبوني الشكل القديم 2006 اوتو او 2007 مانيوال بس ده ما يمنعش ان الاسعار علي كونتاكت رافعه شويه عن الواقع..والله اعلم