عايز اجيب نظارة شمس وخايف يضحك عليا

**greenday** · 22-08-2011 02:03 PM

انا ناويت باذن الله اعمل الليزك وعشان كده هاحتاج نظارة شمس ضرورى ولانى عمرى فى حياتى مالبستش نظارة شمس فخبرتى فى الأسعار والأنواع صفر انا كل اللى عايزه فى النظارة ان عدساتها تبقى بتحمى من الشمس فعلا ومن الأشعة الفوق بنفسجية والشمبر بتاع النظارة نفسه مايقشرش مع الزمن مع العلم انى ما يفرقش معايا حوار ماركة عالمية او لا المهم انها تقضى الغرض وشكلها يبقى معقول وانا حدودى من 500 -700 جنيه فهل حد ممكن يساعدنى ويرشحلى نظارة فى الرينج ده ويقولى ماركتها واجيبها منين بدل ما الف على المحلات والاقى الاسعار نار او اقع فى بياع يباعيلى نظارة اى كلام وانا من الأساس مبفهمش نهائى فى حوار النظارات ده فياريت حد من الأخوة يساعدنى افادكم الله

**greenday** · 22-08-2011 05:22 PM

هو الموضوع صعب للدرجادى ولا ايه

**pioneerahmed** · 22-08-2011 05:34 PM

مفيش فى مصر نظارات اوريجينال
كلو مضروب
النضيف اوى بيبقى هاى كوبى

يا اما تخلى حد يجيبلك نضارة من برة

**Angel_wolf** · 22-08-2011 06:37 PM

مفيش فى مصر نظارات اوريجينال
كلو مضروب
النضيف اوى بيبقى هاى كوبى

يا اما تخلى حد يجيبلك نضارة من برة

للاسف الكلام دة صح حتى مغربى والناس الى ذية نفس الكلام
بابسط دليل
النظارة اول السيزون بتعمل الف جنية نفس النظارة فى الاخر بتبقى ب 400 جنية سبحان الله ازاى معرفش وتلاقيه بره فى نفس الوقت اغلى هل مغربى انصح من الخواجة ولا ايه مش عارف

على سبيل الميثال نظارة زى الوى فرير
كانت على الموقع البولاريزد منها عامل 100 دولار زود عليهم 40% جمرك و كمان 10% ضريبة مبيعات يعنى تقف بـ 150 دولار اضربهم فى 6 هيقى 900 جنية من غير مكسب ولا مصاريف شحن ولا سرقة المحلات بتاعتنا دة لو ريبان والى عرفتوا بعد كدا ان الريبان مش الماركة الفتاكة زى ما احنا فاهمين فى مصر

شوف بقى البرسول الى اقل نظارة على النت شوفتها عاملة 170 دولار زود عليهم خمسين فى الميه واضرب فى 6 تقدر تعرف تمنها كام
والمونت بلانك بتعد ال200 دولار بكتير ودة اقل حاجة فى الماركة دى

فى ملخص الكلام انك تشوف حد بيجب فرست كوبى محترم او تجيب من برة انا عن نفسى بتعامل مع محل محترم اوى اوى ووالدى بيتعامل معاهم من 30 سنه والميزة عندهم ان حتى الكوبى الى بيشغلوا فيه فوق الممتاز انا عن نفسة جايب واحدة شمس من هناك بس قالبها نظر بقالها سنتين معايا والله مافيش حرف واحد اتمسح من عليها زى كائنها جيه امبارح هو اغلى شوية من بتوع باب اللوق بس بجد الفرست كوبى عندة حاجة محرمتة اوى اكتر من بتوع باب اللوق بكتير بالذات لانك هتلبسها مش هتغير العداسات فجودة العداسات مهمة جداً ليك لو جضرتك عايز العنوان والرقم ممكن ابعتهولك على الخاص علشان الاعلانات

**greenday** · 22-08-2011 07:29 PM

المشاركة الأصلية كتبت بواسطة angel_wolf

للاسف الكلام دة صح حتى مغربى والناس الى ذية نفس الكلام
بابسط دليل
النظارة اول السيزون بتعمل الف جنية نفس النظارة فى الاخر بتبقى ب 400 جنية سبحان الله ازاى معرفش وتلاقيه بره فى نفس الوقت اغلى هل مغربى انصح من الخواجة ولا ايه مش عارف

على سبيل الميثال نظارة زى الوى فرير
كانت على الموقع البولاريزد منها عامل 100 دولار زود عليهم 40% جمرك و كمان 10% ضريبة مبيعات يعنى تقف بـ 150 دولار اضربهم فى 6 هيقى 900 جنية من غير مكسب ولا مصاريف شحن ولا سرقة المحلات بتاعتنا دة لو ريبان والى عرفتوا بعد كدا ان الريبان مش الماركة الفتاكة زى ما احنا فاهمين فى مصر

شوف بقى البرسول الى اقل نظارة على النت شوفتها عاملة 170 دولار زود عليهم خمسين فى الميه واضرب فى 6 تقدر تعرف تمنها كام
والمونت بلانك بتعد ال200 دولار بكتير ودة اقل حاجة فى الماركة دى

فى ملخص الكلام انك تشوف حد بيجب فرست كوبى محترم او تجيب من برة انا عن نفسى بتعامل مع محل محترم اوى اوى ووالدى بيتعامل معاهم من 30 سنه والميزة عندهم ان حتى الكوبى الى بيشغلوا فيه فوق الممتاز انا عن نفسة جايب واحدة شمس من هناك بس قالبها نظر بقالها سنتين معايا والله مافيش حرف واحد اتمسح من عليها زى كائنها جيه امبارح هو اغلى شوية من بتوع باب اللوق بس بجد الفرست كوبى عندة حاجة محرمتة اوى اكتر من بتوع باب اللوق بكتير بالذات لانك هتلبسها مش هتغير العداسات فجودة العداسات مهمة جداً ليك لو جضرتك عايز العنوان والرقم ممكن ابعتهولك على الخاص علشان الاعلانات

ياريت تبعتلى العنوان وترشحلى انى موديل فى رايك وجزاك الله كل خير

**abokoko** · 22-08-2011 08:05 PM

اسعارها فى حدود كام الفرست كوبى
وخصوصا اللى شنبرها عضم او فايبر وعريضه
زى بتاعه عمر الشريف فى افلام الابيض واسود

**MOUSTAFA_SAAD** · 22-08-2011 08:33 PM

شوف محل c&co او شركة البركه الاتنين واحد محترمين جدا وعندهم كل الاسعار وتخفيضات هايله
انا شارى من عندهم نضاره ب 300 جنيه ماركة salvatore

**dolly13** · 22-08-2011 08:55 PM

حضرتك ممكن تشوف اى فرع من فروع جولى دول محترمين بجد مش زى مغربى وطبعا بركة برده محترمين جدا
انا اشتريت من جولى نظارة ارمانى كانت ب 1100 لكن عنده اسعار كتير اقل من كدة واغلى كمان على حسب اللى انت عايزه لكن هم ناس ثقة بجد انا اشتريت من فرعهم اللى فى جولف سيتى مول اللى فى العبور وربنا يوفقك

**ahmad--ezzat** · 22-08-2011 09:06 PM

انا اعرف واد كويس اوى بيبع نضارات هاى كوبى تحفه
ساكن فى حدايق القبه
انا شارى منه نضاره هاى كوبى جمده جدا ب 280
لو عايز نمرته قلى

**greenday** · 22-08-2011 09:47 PM

المشاركة الأصلية كتبت بواسطة ahmed_nubira

انا اعرف واد كويس اوى بيبع نضارات هاى كوبى تحفه
ساكن فى حدايق القبه
انا شارى منه نضاره هاى كوبى جمده جدا ب 280
لو عايز نمرته قلى

بس العدسات بتاعت النضارات دى اخبارها ايه يعنى بتحمى الواحد فعلا من الشمس والأشعة ولا منظر علشان لو منظر ممكن الواحد يجراله حاجة بعد عملية الليزك لو كويسة فعلا ياريت حضرتك تبعتلى موبايله

الموضوع: عايز اجيب نظارة شمس وخايف يضحك عليا

LinkBack

أدوات الموضوع

عرض

-

-

-

-

-

-

المواضيع المتشابهه

عايز اجيب نظارة شمس تكون اصلى وتستحمل

انا عايز اجيب لوجي وخايف

عايز اجيب نظارة شمس

ربنا يحفظكوا انا عملت حادثه ومش عرف اترف ازاي ومش عايز يضحك عليا

يا جماعة عايز اجيب سيفيك 92 وخايف

الكلمات الدلالية لهذا الموضوع

المفضلات

المفضلات

ضوابط المشاركة