افيدونى اكرمكم الله

**hamada_elzayat** · 22-08-2011 02:36 PM

انا ان شاء الله حشترى اول عربيه ليا و معايا لغايه 30000 وعايز اركب عربيه اوتوماتيك عارف ان طلبى صعب وعايز عربيه تكون كويسه متزهقنيش وتكرهنى فى العربيات
سؤالى ايه رأيكم فى الشاريد الاوتوماتيك مو 90 او 92 وسعرها كام وكويسه ولا لأ يا ريت اللى عنده فكره كويسه عنها يقول واللى برضه عنده انطباعات سيئه يقولها
انا فى اسكندريه وهل قطع غيارها وصيانتها متوفره
اسف جداااا للاطاله بس حيراااان جداااا

**hamada_elzayat** · 22-08-2011 06:01 PM

اى رد يا جماعه

**power** · 22-08-2011 06:09 PM

بلاش موضوع الاتوماتيك ده علشان اتوماتيك بالسعر ده حيبقي بهدله

**hamada_elzayat** · 22-08-2011 08:21 PM

شكرا باور على ردك

طب لو زودت المبلغ لغايه 40000 بس مفيش معايا مليم اكتر من كده وبصراحه مكنتش عايز اصرف فلوسى كلها
ممكن اجيب ايه بالمبلغ ده اوتوماتيك كويس

**modo88** · 22-08-2011 10:16 PM

اكسنت موديل 98 او 99 اوتوماتيك وهاتريحك جدا ولو لا قدر الله حصل للفتيس حاجه هاتجيبه ب 600 جنيه مش قضيه يعني غير قطع غيارها الباقيه رخيصه ومتوفره

**M.Alaa92** · 22-08-2011 10:43 PM

بص يا حمادة باشا
اولا خلينا متفقين ان المستهلك الغشيم بيتعامل مع العربية بغشومية و ممكن م بيهتمش بالصيانة و بم ان الغشيم ( الطيب اللى مالوش علاقة بالسيارات) بيعتمد ع كلام الصنايعية ف تلاقية ممكن و غالبا يهل الصيانة ( مبدأ مدام هى ماشية يبقى لما تعطل ابقى اصلحها) و الكلام بينطبق ع السيارات عامة و الفتيس خااصة ( انا عارف دلوقتى انك بتقول اية العلاقة بين اللى مكتوب و الرد اللى اناا كاتبو ) العلاقة ان المستهلك الغشيم يغفل ان زيت الفتيس لازم يتغير ( اعتقادو ان زيت الفابريكا بيقعد لحد ما العربي تموت) ف مبيغيروش و بلتالى بيؤدى لعطل الفتيس
و بم ان الصناعة للفتيس الكورى ضعيفة نسبيا لحد 2005 بعد كدة الموضوع اتظبط.

و بم ان ال 40 الف يجيبولك كورى اوتو (اكسنت -لانوس - نوبيرا 1 ( ممكن تبقى كويسة) و انت عاوز عربية اوتو حالا يبقى تدور و تكشف ف التوكيل اضمن حاجة حيريحك بعد كدة ده اول حل

تانى حل ممكن تجيب لانوس اوتو نضيفة بس الفتيس تعبان يبقى تعمل حسابك ف تغيره ب 1200 تقريبا

الحل التالت تجيب عربية يابانى بس موديل قديم اوتو

الحل الرابع لو انت مستعجل و عاوز عربية حالا جيبلك عربية مانيوال و تبعها و تزود عليها و تجيب اوتو
الحل الخامس تاجل الحوار دلوقتى لحد اما توصل 50-55 الف و حيكون عندك سيفيك و كريستالة و صنى و ممكن مكوة .

**MOK3336** · 22-08-2011 10:55 PM

المشاركة الأصلية كتبت بواسطة modo88

اكسنت موديل 98 او 99 اوتوماتيك وهاتريحك جدا ولو لا قدر الله حصل للفتيس حاجه هاتجيبه ب 600 جنيه مش قضيه يعني غير قطع غيارها الباقيه رخيصه ومتوفره

مع واحد صحبي و عربية جميلة جدا بس لما بركبها بحس انى قاعد علي الارض

قصدى انها وطية ( ارتفاع و ليس مقام

)

**wallace** · 22-08-2011 11:31 PM

30 الف في اوتو صعبة شوية ,لكن لو مانول عندك إختيارات كتير كويسة زي ابيزا 94 أو فولكس بولو 96-98 وإكسل 94-98

ربنا يوفقك وتلاقي إلي أنت عايزة

**hamada_elzayat** · 23-08-2011 12:58 AM

ربنا يكرمكم جميعا على الردود دى انا عارف ان فيه اختيارات كتير لو مانوال لكن برضه محدش رد على سؤالى عن الشاريد
هيا وحشه للدرجادى مع انى بشوف حالات كويسه جدا والعربيه قايمه بس بتكون مانيوال مش اوتوماتيك
طب ممكن اغير فيتيس الشاريد المانوال لاتوماتيك ولا مينفعش ولو ينفع تكلف كام ؟
معلش اسألتى كتير بس الغريب اعمى وما صدقت لقيت حد بيفيد حد لله وشكرااااااا

**M.Alaa92** · 23-08-2011 12:08 PM

الاوتو ف 1300 بيموت العربية ع الاخر
ما بالك بال 1000؟؟؟ عشان كدة معظم العربيات ال 1000 cc بتبقى مانيوال منها الابيزا
و من راى جيبلك عربية اوتو من الاول احسنلك