إلى كل من قال إن موتور الشارك ضعيف - إدخل هنا و هتغير رأيك بالبراهين
اليومين إلي فاتو استفزني كلام كتير اتقل إن موتور الشرك ضعيف عشان هو 1500 وبتاع، طبعا ده بناء على كلام رجالة على القهاوي و مش بناء على أساس كلام علمي
فى الاول احب اوضع كام مفهوم علمى فى القدرة:
فى حاجة اسماها القدرة الاجمالية : (Gross Horsepower) : دي هي قدرة الماتور وهو لوحده عالترابيزة برة كدة من غير مايكون واصل بأي حاجة
وفى حاجة اسمها القدرة الصافية: (Net Horsepower): ودى هي قدرة الماتوربعد مايكون واصل الكرنك وال فيتيس من الآخر بعدمايكون فيه شوية فقد في القدرة عشان الأجزاء الميكانيكية. هذا الفاقد دايما بيكون في حدود 10 - 15% من القدرة الاجمالية (Gross Horsepower)
يعنى فى الاغلب هتلاقى (Net Horsepower) اقل من (Gross Horsepower) ب 10- 15%
فى حاجة تانية اسمها (DIN) ودى بتقى اقل من (NET HP) بحاجة بسيطة
طيب ايه علاقة الموضوع دة بالشارك, هقولك دلوقتى, فى بعض مصنعى السيارات بيكتبو القدرة الصافية وفى بعضوهم بيكتب القدرة الاجمالية فى بطاقة مواصفات العربية, وعشان كدة يا اخواتى لازم لما ناخد بالنا واحنا بنقرا مواصفات العربية. عشان مطولش عليكم انا بحثت بدقة موضوع القدرة بتاعة العربيات اللى فى نفس فئة الشارك من ناحية سعة الموتور واليكم الاتى:
Lancer EX 1500cc (Shark): NET 109 HP@6000 RPM
Lancer GLX1600cc(Puma): NET 105 HP@6000 RPM
Mazda3: Net 105 HP@ 6000 RPM
Corolla 1600cc (until 2010 version): NET 105 HP@6000 RPM
corolla 1600cc (2011 version): NET 120 HP@6000 RPM
subaru Impreza 1500cc: DIN 107 = NET 105 HP @ 6000 RPM
Renault Fluence 1600cc: DIN 110 = NET 108 HP@ 6000 RPM
Nissan Sunny 1600cc: Gross 118 HP = NET 104 HP @6000 RPM
Nissan Tiida/quashai 1600cc: 110 ps = NET 108 HP @6000 RPM
Skoda Octavia 1600cc: 102 PS = Net 100 HP @5600 RPM
Opel new Astra 1600cc: 116 PS = NET 113 HP@6000 RPM
Honda civic 1600cc: NET 128 HP@6600 RPM
المفاجاة التانية لكل من بيقول ان موتور اللانسر 1600 الخليجى اقوى من الشارك عشان بيطلع 122 حصان
للاسف ميتسوبيشى ولسبب ما قررت تغير كتالوج اللانسر 1600 لدول الخليج فقط وذكرت فيه القدرة الاجمالية ب 122 حصان بدل من 105 كقدرة صافية,شكلهم عملو كدة على سبيل الدعاية, بس فى الاخر الاجمالى 122 حصان بيصفى على 105 حصان NET HP. لو مش مصدقنى قارنو (ENGINE CODE) فى الخليجى والمصرى هتلاقيهم واحد
بمراجعة المعلومالت الل فوق نستنتج ان موتور الشارك رغم انه 1500 بس بيطلع قدرة اكبر من مواتير كتير 1600 فى نفس الفئة مع استهلاك بنزين اقل,وده بسبب تكنولوجيا MIVEC الخرافية,
فى الاخر احب اوضح ان مش غلطة ميتسوبيشى انهم عملو محرك 1500 بيولد قدرة اكبر من مواتير تانيه 1600 ,بس غلطتهم انهم كتبو القدرة NET مش GROSS (-:
لو جينا نحسب قدرة موتور الشارك الاجمالية هتلاقيه فى حدود 127 GROSS HP مع فرض ان نسبة الفاقد فى الحركة هو نفس النسبة فى موتور ال1600 بتاع البومة(تقريبا 13% فاقد)
والسلام ختام
اخوكم احمد
