الموضوع: تجربتى المصوره مع كار كير الجراج

المشاركة الأصلية كتبت بواسطة abouleila

انا شايف ان نسبة 70 % مرضيه جدا لحالة عربيتك والمفروض مكنتش تتوقع اكتر من كده بالنسبة للسعر يعتبر فعلا غالى ولكن على اللى اتعمل فى عربيتك .

بالنسبة للاخطاء اللى كانت موجوده واكتشفتها بعد كده فأعزرنى ده غلطك انت بنسبة كبيرة اى مكان مهما كان مفيش فى حاجه اسمها ثقه مطلقا ...انت دافع فلوس ومن حقك تاخد بيها خدمة تكون بنسبة كبيرة راضى عنها .

كلامك عن كريم فيه هجوم على شخص بيحاول يساعد وبصراحة من مواقف كتير عملها للمنتدى يستحق الشكر لانه لمجرد انه يفكر يساعد ده فى حد ذاته يشكر عليه وسبق لكريم انه نزل تنويه انه غير مسؤل عن متابعه اى اعلان ينزل فى المنتدى والمسؤلية بتكون على الاعضاء

حضرتك قلت ( الخلاصه متستعجلوش لو فيه عرض للمنتدى من اى شركه الا لما عضو يجربه)
وده فعلا المفيد من تجربتك اللى بتيفد بيها الاعضاء ...ولكن تاكد تماما ان اى اعلان او عرض بينزل المنتدى بيكون بحرص شديد بعد مراجعة من كريم لانه فى الاول والاخر
لا ينظر الى المقابل المادى بقدر ما ينظر الى خدمة محترمة تليق بالمنتدى ( وعن تجربة )

واخيرا حضرتك عرضت وجهه نظرك وزى ما قلت فى بداية كلامك الحكم للاعضاء فى النهاية .

ياباشا راجع ردودى كلامى كله منصب على الاهمال خصوصا اللى حصل فى الجنوط-ولله الحمد الجنط عايق وسهل التنضيف جدا- والرمل والتراب اللى لسه موجودين والتابلوه اللى مش باين فيه اى لمعان رغم ان حالته جيده جدا والحاجات دى ملهاش اى علاقه بموديل العربيه او حالتها دى لها علاقه بالصنايعيه والاداره اللى مش عارفه تشغلهم

وكلنا بنحترم كريم فى الصح وعارفين انه بيضور لنا على الافضل لكن لو جاب لنا عرض مش ولابد يبقى لازم نوضح الحقيقه ونقول على الغلط غلط وهو بنفسه اداهم 80% وباقى الزملا اللى راحوا برضه ادوهم 80% فى عربيات جديده

اما لومك ليا فى لانى مارجعتش عليهم فانا رديت قبل كده على النقطه دى ومش مطلوب منى اصلا انى اقف اعلى دماغهم
ويعنى ايه مفيش حاجه اسمها ثقه مطلقه؟ لما ماثقش فى المنتدى وحاجه من طرف ا-كريم امال هثق فى مين ومعنى كلام حضرتك اننا نتعامل مع عروض المنتدى بكل شك ونعتبرها مش كويسه 100% ودى حاجه مش فى صالح سمعه المنتدى اصلا
لان عروض المنتدى معروف انها بتجيب من الاخر زى جينز كار مثلا اللى الكل شكر فيه ولو فيه مشاكل بتتحل على طول

الكلام كله يتلخص فى ان مستوى الخدمه لايتناسب مطلقا مع اللى بيندفع
ياجدعان انا مطلبتش ان العربيه ترجع زى ماطلعت من المصنع انا عايزها تلمع ومتكونش متربه وسقفها يرجع ابيض اظن ده مش مستحيل بالنسبه للى كان فى الاعلان !!!
وشكرا لرد حضرتك

المشاركة الأصلية كتبت بواسطة sharpvision

شكرا استاذ mazagngi2010 و طبعا التقرير والتجربه دى هتوضع فى الاعتبار لو حبيت اجرب اى كار كير مش ده بس يعنى

العفو ياباشا وده المطلوب


QUOTE=romar;3873763368]أنا مستغرب جداً من الناس اللي بتقول إن التنضيف اللي اتعمل في العربية ده كويس أوي على حالتها. يعني إيه الكلام دة؟ يا ترى حد فيكم شاف قائمة أسعار الجراج و لقى فيها سعر للعربيات الجديدة و سعر تاني للعربيات القديمة، أو سعر للعربيات اللي داخلة أصلاً نضيفة و سعر تاني للعربيات المتوسخة؟ طيب هل الراجل ده اتقال له قبل الشغل إنه لازم يعرف إن العربية مش حتنضف أوي. لو كان كدة كان يبقى ماشي. و بما إن دة لم يحدث، يبقى الراجل ده حقه إن عربيته تطلع زي أي عربية تانية.

يا جماعة أرجوكم عايزين نبقى منصفين أكتر من كدة.[/QUOTE]

المشاركة الأصلية كتبت بواسطة romar

معلش حاجة تانية زانقاني و حاموت وأقولها.... ماينفعش حد يقول للزبون إنت غلطان عشان إنت ماشيكتش على عربيتك قبل ماتمشي. وظيفة مراقبة الجودة هي جزء من صميم عمل الجراج، والزبون مش موظف في الجراج عشان يعمل الشغلانة دي بالنيابة عنهم. لو مراقبة الجودة مش جزء من تمن الخدمة، يبقى لازم الجراج يقول كدة بشكل واضح، عشان الناس تقدر تقيم الخدمة بشكل أدق

شكرا ياباشا وحضرتك لخصت وجبت من الاخر

المشاركة الأصلية كتبت بواسطة HeMa_LanCeR

هو ده الكلام الصح
والله العظيم انا بغسل عربيتي احسن من كده بمراحل ب 15 جنيه و 5 جنيه اكراميه للولد اللي شغال
وبتطلع احسن من كده كماااااااااااااان
وبالنسبه لموضوع اني اشيك علي العربيه
انا الحمد لله مبلاقيش غلط علشان اقول عليه اصلا :)

ممكن تبعتلى على الخاص حضرتك بتغسلها فين؟علشان عندى فرح قريب