تعاقدي مع معلن معروف بسمعة جيدة هو ما احرص عليه دائما في المنتدى
وهو ما وصل اليه المنتدى بفضل الله من مصداقية الى الان
ولكني غير مسئول عن كل معلن واسلوب تعامله مع العميل
ازاي تتطالبني اني اتحري عن واحد لسه فاتح ماكملش شهرين ؟؟
وحتى لو فاتح بقاله سنتين
تفتكر لو سمعته وحشة مش كانت سمعت كويس في سوق السيارت اللي كل حاجة فيه بقت معروفه؟؟
مصداقيتي عند الاعضاء معروفة بفضل الله ومش محتاج مزايدة عليها
لاني ماقبلتش في حياتي اي ظلم لاي عضو
وبتدخل شخصيا مشاكل ليس لي ذنب فيها
وده مش معرض اني اتكلم عنه دلوقتي ولا بعدين
وكفاية قوي كم المكالمات التليفونية اللي بتتجاوز ال 3 ساعات يوميا بسبب اعضاء نايل موتورز
التقارير اللي بيعملها الاعضاء بتكون مرجعية ليا على المدي الطويل اني اجدد او لا
لكن واحد يستلم عربيته فيها رمل وهي رايحة كار كير ويرجع يلوم عليا ده كلام مش منطقي
انا عندي في المنتدى بين 10 الى 15 معلن
لو رجعت ورا 5 منهم فقط ومحاولة ارضائهم للعمل
بمعني اني اكون مراقب جودة ليهم
فانا عايز اكون متفرغ تماما من شغلي ومتابعة المنتدى وحياتي الشخصية كمان عشان اكفيهم
زيارة المعلن انا عملتها وانا مش ملزم بيها
تقديري لتعاملهم كتبته وانا برضه مش ملزم بيها
اكتر من كدة ماقدر اقدم اي حاجة تانية
وكل الاعضاء عارفين كويس قوي اني نزلت تنويه اني بشخصي وصفتي غير مسئول اطلاقا عن التعامل بين الاعضاء وبين المعلنين
وان المعلن زيه زي اي مكان في مصر بيعلن في مكان جيد ومسموع
عايز يحافظ على عملائه من عدمه دي حاجة ترجعله هو مش ترجعلي انا
تحياتي
المفضلات