الموضوع: تجربتى المصوره مع كار كير الجراج

ازيكم ياجدعان انا هكتب لكم التجربه بالتفصيل الممل والصور قبل وبعد هحطها مع بعض علشان محدش يتوه

علشان مظلمش الناس انا لسه مبتدىء سواقه ودى اول عربيه وكمان قديمه(مازدا 323 موديل 83) وده اول كاركير اعمله علشان تعذرونى لو فيه حاجات قلتها وطلع انهم صح فيها وانا غلطان

هكتبلكم التقرير على هيئه نقاط :

-سبب التفكير فى عمل الكار كير ان العربيه معفنه والموتور متنيل وناوى انجدها على نضافه

-مدخل الجراج غبى جدا بصراحه وضيق على قد العربيه بالظبط(تحس انك داخل امتحان قياده)

-المكان كويس والاستراحه كويسه بس حر طبعا والمراوح مظبطه الجو شويه

-فيه احسن من كده بكتير ممكن يطلع منهم بس الشباب اللى بينضفوا تراعى ربنا او انت اللى تشغلهم وساعتها هتطلع العربيه تمام التمام

-الاجهزه شغاله ولسه نضيفه (بقوتها) بس المشكله فى الشباب اللى شغالين بيسقط منهم حاجات ولازم تكون واقف على دماغهم

-الناس اشتغلت فى العربيه بعد الفطار وده معاد مانصحش بيه لان فيه حاجات مابنتش الا لما صحيت الصبح وانت رايح لازم تكون فايق لانك هتقعد هناك كتير وانا اصلا كنت رايح لهم فاصل ومنمتش قبلها فمكنتش مركز فى اى حاجه واعتمدت على الاعلان

-متشيكش على الحاجه عشوائيا وتكبر دماغك يعنى الكاوتش تشوف ال4 فرد مش فردتين وخلاص ودى غلطه وقعت فيها فى الفرش والجنوط

-انا اخترت اكبر عرض علشان العربيه كانت متنيله وشكلها متغسلتش من اول ماطلعت من المصنع

- من اكبر عيوب المغسله ان مفيهاش بياره او رافعه يعنى العربيه زفت من تحت

نمسك بقى اللى حصل للعربيه:

-خدمه تنضيف وتلميع الجنط
ياخدوا فيها 5 من 10 وكان سهل جدا يجيبوا 10 من 10 بس للاسف الاهتمام بالظاهر واهمال الباطن وبغبائى مشيكتش الا على فرده واحده ودى اللى اشتغلوا فيها بذمه هي وواحده تانيه والفردتين التانيين زفت

قبل


بعد





ده بقى اللى اكتشفته النهارده مع ان الجنط سهل قوى فى تنضيفه وملوش علاقه بموديل العربيه




ال 3 شرط المتخربشين دول عاملهم بضوافرى (حاجه تفلق) وبطن الجنط من جوه زى الزفت




الموتور
بصراحه ظبطوه والعربيه فاقت جدا وعملت معانا الدنيئه لما سلوك البوجيهات رطبت فضلت ساعه الاربع حالفه ماهى دايره وطلعت 3 *&&^*
اللى يتاخد عليهم عزل الكهربا خصوص فى العربيات القديمه لانها مابتصدق تشم ميه (مكونات غسيل الموتور معرفش بصراحه)
يستاهلوا على الموتور 9 من 10

قبل

[IMG][/IMG]



بعد



السقف والقوايم والبقع
متصدقش كلام الاعلان اللى بيقول ازاله البقع الصعبه لان فيه بقع فضلت فى السقف وكان فيه بقعه بيضا فى الشنطه من بره وفضلت زى ماهيا
بصراحه السقف والقوايم فرقوا بس مش للدرجه اللى كنت متوقعها
يستاهلو 7,5 من 10

قبل








بعد






الفرش والتابلوه
مقبول بس مش عارف هو التابلوه بتاعى مبيلمعش ولاالماده اللى لمعوا بيها اى كلام
وبالنسبه للفرش اتصدمت صدمه كبيره النهارده لما شيلت الموكيت ووصلت للصاج (كميه رمل بالهبل)بس ظاهريا الشغل مقبول مش ممتاز او جيد جدا وعيبهم الكبير التفنيش وهتلاحظوها فى اركان التابلوه وفيه حتت موصلتش ليها ايد اصلا وفضلت وسخه زى ماهي (بكره الحزام وعند دواسه البنزين والاكر)

يستاهلوا 6 من 10

قبل
[IMG][/IMG]



بعد






تحس انها نضفت بقماشه مبلوله


حاجات مشفتهاش الا النهارده للاسف



مفيش ايد وصلت هنا اصلا


ولا هنا


الشغل من بره كويس بس متلمعتش ببوليش (معرفش ان كان البولش ده فى الكار كير ولا لا)

وعلشان مظلمش حد كان فيه عربيه شغاله معايا بى ام دبانه نضيفه ماشاء الله عليها والعربيه طلعت بتبرق (انا استغربت اصلا هي كانت داخله ليه ) وصاحبها كان راضى عنهم ولما دردشت معاه اداهم 80% وانا بصراحه اديهم فيها 90%
لكن بالنسبه لعربيتى بالكتير 70% علشان الاستفزاز اللى شفته النهارده الصبح فى الجنط والفرش بالذات
خدوا 200 جنيه واشتريت الاستيكر ب 30
الخلاصه
لو عربيتك حديثه ومش محتاجه شغل كبير زى بتاعتى هيسدوا معاك جامد جدا وعربيتك هتطلع جديده تانى
اما لو عربيتك قديمه مش هتتبسط من شغلهم زيي وهتحس ان 200 جنيه كتير على الشغل اللى اتعمل والفنش اللى اى كلام بصراحه ممكن تحسوا انى حمقى شويه وبدقق قوى بس دماغى كده وانا بحكم من منطق عربيات زمايلى لما بتطلع من الكار كير بتكون عامله ازاى وده اللى محسيتوش اوى عندى الا فى الموتور والسقف والقوايم

ممكن يكون هناك احسن خامات بس الصنايعيه يضيعوا الشغل كله وممكن خامات اى كلام بس تنطق على العربيه حسب الصنايعى واللى واقف على دماغه وانا فشلت للاسف فى الموضوع ده

على فكره نسيت احاسبهم على كبايه الشاى لو حد رايح هناك ياريت يحاسبلى عليها ويعمل فيا ثواب
سلام