يا اخوانا محتاج رايكم ضرورى فى الريو 1400 عربية كويسة و لا ايه ياريت اللى يدخل تكون معاه العربية و هل قطع غيارها متوفرة خارج التوكيل و تنصحونى بالمانيوال ولا الاوتوماتيك شكرا
عرض للطباعة
يا اخوانا محتاج رايكم ضرورى فى الريو 1400 عربية كويسة و لا ايه ياريت اللى يدخل تكون معاه العربية و هل قطع غيارها متوفرة خارج التوكيل و تنصحونى بالمانيوال ولا الاوتوماتيك شكرا
السلام عليكم
أنا معايا الريو 1600 سي سي موديل 2011
العربية من وجهة نظري المتواضعة كويسة وأنصحك تجيب ال 1600
ال 1400 قدرة 97 حصان
ال 1600 110 حصان
لكن اكيد ال 1400 موفرة اكثر في البنزين
انا شايف انها افضل عربية اوتوماتيك في الفئة بتاعتها وعلى قد فلوسها : تكييف باور سنتر 4 زجاج كهرباء مرايات كهرباء فوج لايت سي دي ام بي 3 وحجمها مدمج وسهل الركن في شوارعنا الجميلة الواسعةةةةةةةةةةةةةةةةةة :M_yes[1]:
قطع الغيار مش عارف لاني لسه عامل بيها 3600 كيلومتر فقط بس اكيد هتكون موجودة لان نفس الشكل ده موجود من قبل كده
ملحوظة: انا كان معايا قبل كده لانوس جايبها من الزيرو وشايف ان وسعها زي اللانوس تقريبا
عيوب:
1- مقاس الكاوتش رفيع فبالتالي باخاف من المشي على سرعات (اقصى سرعة جبتها 120 كيلومتر)
2- صوت الموتور عالي شوية
3- الراديو سي دي (التوكيل بيجيب العربية فاضية من الراديو سي دي الاصلي عشان يوفر وبعدين يركب جهاز كينوود تعبان ضمانه سنة)
4- مش عارف ميزة واللا عبيب: مش منتشرة كتير ولكن بدأت في الانتشار دلوقتي
تحياتي ووفقك الله الى الخير
الف شكر على الرد ولكن 1600 مش موجودة غير فى التوكيل و ب94 الف وانا شايف انه كتير عليها خصوصا انها مش منتشرة انتشار الاكسنت و فى غموض كبير حول العربية دى مع انى بحترم كل عربيات كيا بس مش عارف ليه مش واخده حقها
أعتقد ان موتورها وفتيسها cvvt نفس الاكسنت مش الار بي
هي اول سنة تنزل اوتوماتيك 1600 سي سي لكن بدأت شوية تنتشر لان موديل 2012 شكل مختلف تماما واعتقد ان هيكون اغلى كتيرررررررررررر
بص اقولك على فكرة.. انزل شارع دمشق وشوف قطع غيارها موجودة واللا لأ ال 1400 هي هي 1600 الفرق بس في الموتور والفتيس فتيس ال 1400 الاوتوماتيك مش cvvt
وبالتوفيق