الموضوع: تجربتي

بفضل الله والاخوة في منتدانا الكريم قمت بتغيير مياه التبريد وبعد ما عملت كده تاني يوم بفحص السيارة النوبيرا بتاعتي لقيت تسريب للميه الخضرا اللي حطيتها نازل من تحت الموتور ووجدت طبة هي اللي بتسرب المهم روحت لميكانيكي في اكتوبر وطبعا علشان انا في رمضان مش عايز اقول انه حرامي وغير الطبه بواحدة جديدة قولتلوا بالمرة يكشف عن الطبب الامامية الباقية والحمد لله لقينا اتنين منهم كمان عليهم بوادر تسريب وراح مغيرهم كمان ولهف مني 55 جنيه مصنعية تغيير الثلاث طبب الامامية دول ورجعت بالسيارة البيت وقبل الفطار قولت انزل ابص علي العربية لقيت فيه تسريب تاني بس من الطبب الخلفية قمت اتصلت بالميكانيكي بتاعي في رمسيس قاللي زود ميه وهاتها الصبح وبصراحة عمل اللازم وزيادة بعد ما فك حاجات كتير اوي وخد مني 80 جنيه بس و المهم لما جه يسلمني العربية قاللي انه لاحظ ان لما العربية سخنت لقي مروحة واحدة بس هي اللي دارت مع ان المفروض ان المروحتين يدوروا مع بعض علي سرعة منخفضة قولتلوا العربية من وقت ما اشتريتها وهي كده وبلاحظ ان مروحة واحدة هي اللي بتدور في البداية لما تسخن العربية فمش عارف كلامي انا اللي صح ولا كلام الميكانيكي وكمان ياريت الاخوة هنا يساعدوني في حاجة وهي اني لما كنت بقفل العربية بالريموت بلاقي النور ينور مرة ولما بفتح العربية بلاقي النور ينور مرتين دلوقتي في القفل مش بتنور خالص وفي الفتح مضبوطة يبقي ايه الحل وشكرا مقدما للجميع