طيب ايه مميزات n8 وهل هو احسن من سامسونج جالاكسي اس 2
طيب ايه مميزات n8 وهل هو احسن من سامسونج جالاكسي اس 2
ولا ليهوم اى ميزة لو اتقارنوة بى الايفون 4
لا طبعا .... لا لا طبعا
لا طبعا للصبح ولبليل ...... مينفعش يتحط اصلا قدام الجلاكسي اس 1 ...... تقارنه بالجلاكسي 2
بص من الاخر السيمبيان راحت عليه خلاااااص ... حتي لو عمله تليفون 5000 جنيه
انا مسكت ال E7 ... والله حسيت بالغباء وانا ماسكه ايه ده .... مش ديه المعاملة يعني
انا مهما شرحتلك مش هاتتخيل الفرق بين السيمبيان والاندرويد
الS2 ... ده طفرة في عالم السمارت الفون .
امسك اهم حاجة في التليفون .. البروسسيسور
الn8 ... 680mb!!!!! .......... ,وال S2 .. 1.2 G dual core
يعني اصلا مفيش ادني مقارنة
وده لينك المقارنة
Nokia N8 vs. Samsung I9100 Galaxy S II - GSMArena.com
لو تقدر تجيب الجلاكسي 2 .... توكل علي الله
يعتبر اعلي حاجة دلوقتي
بص انا هوضلحك حاجه بسيطة اولا مع والدى nokia N8 كل الل هقولهولك انه فعلا مفيهوش العيوب ده وفية مميزات حلوة اوى فى الهاردوير بس اللى احنا بنتكلم فية السوفت وير يعنى السيمبيان بتاع النوكيا يعنى مش عايز ارغى فى موضوع النوكيا لانة بعيد اوى عن الاندرويد او الاى او اس
لسه لحد دلوقتى نوكيا مش قادرة تطور المتجر اقصد ovi store وده اللى بنزل منة الابليكاشن يعنى البرامج و الجيمز و الشغل ده
والموبيل فعلا بعيد يعنى على سبيل المثال فى الجميز بطئ نوعا ما و بيعمل لاج كتير
و لما تيجى تفتحى نوكيا مابس مثلا هتلاقيها بطيئة اوى و مش فى نفس الكفاءة بتاعت الاندرويد او الاى او اس
هى الشئ الكويس اللى قدر يحققه الموبيل ده هى الكاميرا بس برضوا مازالت كاميرا الموبيل بعيده جدا فى حاجات كتير وده بتشوفة لما يجى تقارنها باى كاميرا ديجيتال يعنى اقصد انى مش هشترى الموبيل عشان الكاميرا
وبرضوا من مشاكل الموبيل ده ان البطاريه مش بتتشال يعنى مثلا لو الموبيل هنج معاك مش هتعرف تعمل ايه ساعتها يعنى مرة الموبيل عاملها معايا وهنج فعلا ولما اغلقة ميرضاش فضلت كده بتاع كتيير وفى الاخر الموبيل رستر بس بعد عذاب
انا مش بقول انه موبيل زبالة بالعكس موبيل شيك جدا و حلو بس لسة بدرى على النوكيا انها تلحق بالاندرويد او الاى او اس
تقبل رأيى ^_^
براحة علينا يا معلم هى كانت شركات امنا يعنى احنا مجرد بنوضح المشاكل والعيوب والمميزات وفى الاول و الاخر الموضوع نقاش مش عصبية وتعصب لموبيل على حساب الاخر هههههههه
اى موبيل ينفع تقارنو بأى موبيل ده فى حالة توافر نفس الهارد وير وده اللى احنا بنعملة بين الاى فون فور واى موبيل اخر فية نفس الهارد وير
تقبل رأيى بدون تعصب ^_^
لو تسمحلى اقول تعليق بسيط مش لازم الجلاكسى اس 2 لانة هيبقى غالى شوية على بعض الناس وانا مش بقول السامسونج وحس هههههههه لحسن انا بقيت اتفهم غلط اليومين دول
طبعا اللى يقدر يجيب الموبيل ده يجيبة من غير تردد لانة فعلا حتى الان احسن موبيل فى العالم فى فئتة حتى احسن من الاتش تى سى سينسيشان بس السينسيشان اشيك بكتير و احلى فى موضوع السينس يو اى لانه فعلا احلى بكتير اوى من التاتشويز بتاع سامسونج
لو حضرتك مش هتقدر تدفع تمن الجالكسى يبقى موجود اختيارات كتير منهم
الجالكسى اس وان
الديزاير اتش دى بس ده موديل اكتوبر اللى فات ومع ذلك موبيل تحفة
وممكن كمان الانكريدبل اس احسن برضوا فى الشاشة
و ممكن كمان النيكسيس اس
ممكن كمان الديزاير بس هو احسن بكتير من الاتش دى فى الشاشة
بس كل ده هتخسر فيه حاجة مهمة فى التكنولوجيا اللى جاية بس مش هتحس بيها فى الموبيل وهى الديوال كور وده موجودة فى الجالكسى اس 2 بس هما اقل فى السعر وموبيلات جميلة طبعا
تقبل رأيى ^_^
ان شاء الله هجيب سامسونج اس 2 وع ضمانتكم بقى
هات جالاكسى اس 2 افضل كتير من الاتنين
لأ غلطان........و غلطان كتير كمان
البلو توث بتشتغل برضه و لسه أمبارح واحد باعتلى فايل 125 ميجا بالبلوتوث :)
أنا محبتش أخد الكلام تانى واخدة واحدة من الأقتباس و أرد عليه........بس شوف أنت عاوز تسأل عن أيه و أنا أقولك.
و لو على الأفلام بتشتغل عادى برضه.......يمكن الحاجة الوحيدة اللى مش شغالة 100% عليه هى الفلاش بلاير و ده برضه مش بيشتغل على أنترنت أكسبلورر 64 بيت.......و مع ذلك فى متصفحات نزلت للأيفون بتشغله......أعتقد منهم puffin :)))))
و الفلاش قوى مش ضعيف....و برضه مش قوى أوى.
و فيه خاصية HDR للصور لو أنت مهتم بالتصوير قوى كده :))
ياسيدى انا مش بحب التصوير اوى ولا حاجه بس الموضوع ان ميضرش ان الكاميرا تبقى 8 زى بقيت الموبيلات الطبيعيه وبعدين ال hdr دة موجود فى اى اندرويد يعنى مش حاجه صعبه
موضوع البلوتوث بيشتغل دة محصلش معايا تماما...ياريت تعرف ازاى شغله وقلى (يارب ميكونش فى شغل توكيل او صيانه او او)
ال flv ال rmvb مش بيشتغلو ودى اكتر امتدادات موجوده سواء youtube او افلام بتنزل عادى لان كل الافلام تقريبا rmvb
ومتزعلش يا سيدى الايفو فى كل حاجه بس بصراحه التليفونات الاندرويد لايتها احسن واجمل
طبعاً اتفق معاك في موضوع السوفت وير المتخلف
بالنسبة للجيمز انا عندي حوالي 30 لعبة عمري ما شفت لعبة بتهنج نهائياً
وكمان نوكيا مابس سريع جداً وهو برنامج مفيش برنامج تاني يفكر انه يقدر ينافسه في مجاله بشهادة الكل دا غير الابديت الجديد بتاع beta labs
بالنسبة للبطارية فهي مبتتشالش زي الايفون!! دا غير انها بتتفك بمسمارين نجمه رغم ان مفيش اي داعي لفكها
ولما موبايل والدك يهنج مش محتاج تستناه يعمل ريستارت!! اديله ضغطه مستمرة على زرار الباور هيعمل ريستارت
اختيار موفق
انا هقول رأي لأنى معايا الجهازين
ايفون 4 والاندوريد لكنه مش الجلاكس سونى ايركسون أكسبريا x10
مميزات الايفون اللى لاحظتها
شكل جذاب ومميز
الالعاب والابلكيشن ليهم طابع خاص خصوصا فى الرزليوشن بس
أما بقي الاندرويد اللى فى الاكسبريا
فيه اى حاجة تخطرلك على بالك
شاشة أكبر
نظام اسهل
بيدعم كل حاجة وخصوصا الصيغ والامتدادات
كاميرا 8 ميجا بكسل وطبعا مفيش اى كلام على كاميرات سونى اريكسون
بس فى الاخر كل واحد وليه مزاج معين وديه مسألة أراء لازم نحترمها
الناس بتحب الايفون عشان
جهاز غالى وثمين- معروف -ليه شعبية
حتى لو ميعرفوش اي حاجة عنه بس المهم انه ب 4500 ج ومن أبل
وفى الاول والاخر كلهم موبيلات
ورمضان كريم
يا باشا أنا مش زعلان خالص
بس يفترض أن احنا فى منتدى ( أينعم منتدى سيارات مش موبايلات ) بس المفروض أن أحنا بنستفيد من خبرات بعض.
و بما أنى معايا ايفون من أول جيل له فعارف أن معظم الكلام اللى مكتوب غلط علشان كده قولت أصحح المعلومة.
عموماً أنا عمرى ما جربت أشغل أفلام على موبايل.....و لا أيفون و لا غيره لأنها مش أهتمامى...غير طبعاً الفيديوهات اللى أنا ببقى مصورها..
بس الأيفون تقدر تضيف الفيديوهات اللى عندك عن طريق الأيتيونز و هو بيحولها لصيغة يعرف الأيفون يشغلها و بيضيفها عليه.......زى الموسيقى كده......بضيف mp3 و هو بيحولها لصيغة أسمها AAC على ما أذكر و بيشغلها بعد كده على الأيفون عادى.
البلوتوث مش من أهتماماتى قوى برضه بس فيه برامج بتنزل ليه بتشغله full functionality
الملف اللى صاحبى بعتهولى كان ملف سيت أب لبرنامج و بعتهولى عن طريق حاجة أسمها installous
أما عن الأندرويد أنا مجربتش تليفونات اندرويد علشان أحكم عليها و علشان كده مجبتش سيرة الأندرويد فى كلامى إذا كان أحسن أو أوحش.
طيب لو حد يعرف البرنامج اللي يخليني ابعت بلوتوث من الايفون ٤ واشغل فلاش ياريت يقولي وانا عامل جيلبريك و٤،٣،٣ الفيرجين مفتوح رسمي
شاكر جدا لحضرتك طيب الفلاش اشغله ازاي
ياجماعه لولا اختلاف الاذواق لبارت السلع والناس اللي بترجح الايفون اكيد هما مقتنعين بيه تماما ومنهم اللي جرب الايفون وجرب الاندريود واختار الايفون عن اقتناع ومنهم اللي مجربش وعلشان كده متحيز للايفون وعلي العموم سواء الايفون او اجهزه الاندرويد الي انا من اشد المعجبين بالاندرويد الاتنين هيقابلك فيهم مشاكل بتتحل بالابلكيشن ولو عندك خلفيه بالتعامل مع الاجهزه دي هتتلاشي مشاكل كتير بتقابل البعض وبيعتقدوا ان الامر توقع عند المشكله دي زي مشكله البلوتوث في الايفون اللي الاعضاء بيتكلموا عليها وفي مواقع طبعا متخصصه في الاجهزه دي وبرامجها والعابها وفي طرق لكسر الحمايه بتاعت الجهاز وتنزيل البرامج انا عندي سامسوج جالاكسي فيت اندرويد ولما جيت انزل الالعاب عليه لقيتها مش بتشتغل علشان الروزليشن بتاعها كبير ومش مصممه للجهاز طبعا اي حد هيفكر انها خلاص علي كده لا طبعا لاني لما دورت علي حل للمشكله لقيت في ناس مبرمجين بتعدل علي الروزليشن بتاع الالعاب وبتحملها وتسطبها علي جهازك بطريقه معينه وفي الاخر بتشغل زي الفل يعني كل مشكله وليها حل وخصوصا في موضوع السوفت وير
واسف ياجماعه علي الاطاله