الموضوع: الحقووو؟؟ركبت ال byd النهارده... واتفاجأت!!!!!!!!!!!!!!!!!!!!!!!!!!!!!!!!!! !!!!

السلام عليكم ورحمة الله وبركاته.

النهارده صادفنى الحظ وركبت سياره تاكسى انا وقريبى وانا كنت راكب ورا .....قبل ما ابدا الكلام تعريف بسيط بكرره انا اسف........محسوبكوم ركييييييييييييب بحب اجرب اى عربيه مركبتهاش قبل كده سواء من ناس اعرفهم او ايجار او ايجار اصدقائى او او اللى اخرو ومعظم العربيات اللى بتشوفوها فى الشوارع صاحبكو معلم عليها ومقيم ادائها كويس اصل انا خبره هههههه....

المهم ندخل فى الموضوع واللى محبتش احطو فى القسم الخاص بيه نظرا لانى مش صاحب العربيه وثانيا لانى هقول كلام اصحاب العربيه اكيد عرفينه....وثالثا ودا الاهم اتفاجاءت وعايز الفت انتباهكو..
المهم العربيه اللى ركبناها كانت لسه زيرو بكياسها ودا اللى فرحنى لانى بعشق تقييم العربيات وخصوصا لو كانت زيرو...مبدائيا انا بكره اى حاجه اسمها صينى حتى ولو كانت من تويوتا لاكن العربيه دى الصراحه غيرت ولو قليل من وجه نظرى ولكل قاعده شواذ...ندخل فى الجد اسف على الاطاله..


1..القعده ورا كانت مناسبه واخد راحتى اى نعم مش مريحه اوى بس لزيزه والكنبه بعيده عن السواق واللى جنبو وهما كمان مرتاحين.

2.الطبلوه بفرش الابواب بالكنصول بشاشه العدادات بالكراسى كانى راكب تويوتا 2006-2007 مع الفرق فى لون اضاءه العدادات.

3.. العزل كويس ولو انو مش جيد بس يقضى الحال وصوت العفشه مسموع داخل المماسوره بس ليا تعليق على النقطه دى فى الفقره اللى جايه..

4...نظام التعليق ناشف نظريا من وجه نظر ناس كتير دا عيب لانك بتحس باى حصوة فى الارض وكدا والى اخرة" من وجه نظرى ميزة اول مره اشوفها فى عربيه صينى لانها مدياها ثبات جيد وليس مطلق ومحسسك ان العربيه ماسكه نفسها جدا فى الطرق الوعره والمستقيمه وفى الملفات.

5...نبدا باداء الموتور.. هو بالمناسبه موتور كورولا 1600 على حسب معلوماتى والعفشه لانسر برضو على حد علمى والله اعلم......فعلا اول مره اركب عربيه صينى واحس ان الموتور اللى فيها مش بتاعها وفايق كدا وعايز يجرى واى لمسه بنزين تحس ان العربيه اتخطفت لورا ...بالظبط كانك راكب فيرنا وقرصت بيها مره واحده واللى ركبو فيرنا هيفهمو قصدى كويس...لان اداء العربيه بالظبط زى الفيرنا مع اختلاف الاوزان طبعا... والمفاجاه بقى لما دخل يمون فى البنزينه لاقيتو بيحط غاز رحت باصص لصاحبى وقولتلو كل الجرى دا وطلعت كمان غاز امال لو شغل البنزين هيعمل ايه.

6....الفرامل ودى النقطه الوحيده فعلا اللى خالتنى اكتب الموضوع دا لانها بهرتنى فعلا..لان ادائها ميقلش عن اى عربيه يابانى زيرو ولا ينتمى للصينى المعهود اللى نعرفو...........لان حصل موقف السواق عمله ولولا الفرامل مكنتش العربيه وقفت بفضل طبعا الدسكات الخلفيه اللى هيا نازله بيها.......لمسه فرامل فعلا كفيله انها تقلبلك معدتك..وتوقفك فى 2 متر فعلا ..



خلاصه الكلام انا عمرى ما كنت هتكلم على عربيه صينى بالطريقه دى نظرا لان انا راجل رجلى دايما فى يبانى والمانى وكورى واوروبى بشكل عام......بس فعلا لما ركبت العربيه جالى تشوك رهيب بعد ماكنت ببصلها على انها عربيه سمك لبن تمر هندى..........بدائت احترم فعلا مصنعيها اللى فضلو انهم يقدمو سلعه للسوق تفيد المستهلك فى المقام الاول اكتر متفيد ارباح الشركه المصنعه..... انا مش بشكر فيها اوى ولا بقول هى احسن من عربيات يابانى فى السوق المصرى ولا هى هلاميه زياده عن اللزوم بس على الاقل هى عمله طفره فى عالم الصناعات الصينيه الموجه للسوق المصرى وارتفع اللى حد المرتبه الاولى من وجه نظرى بين قريناتها من نفس بلد المنشا ...فى النهايه اتمنى انى مكونش طولت عليكو والسلام عليكم....

المشاركة الأصلية كتبت بواسطة ziabassem

+ 11111111111111




70 مانيوال
80 أتوماتيك (الفتيس الأوتو اللي فيها هو اللي نازل في الصني .. وياباني الصنع)


على فكرة الموتور هو متسوبيشي تك .. وهو نفسه الموتور اللي في اللانسر بومة (كود 4g18) .. العفشة هي اللي كرولا .. وفعلاً أداء الموتور كويس .. والعفشة بالرغم من نشوفيته النسبية إلا أنها ماسكة نفسها وبتثبت العربية على الطريق .

متشكر لتصحيحك لمعلوماتى الحكايه عكست معايا .......وشكرا للاضافه بتاعه الفتيس وبكدا تبقى عربيه نسبيا مفهاش عيوب وتستحق ثقه الشعب المصرى..