انا عندي استفسار ملح كنت هعمل عليه موضوع
بس بما ان الموضوع دا كله خبرات .. افيدونا افادكم الله
انا بفكر اجيب حاجة من 3
موبيل - تاب - لاب
المهم الموضوع في رينج ال 5000
الفكرة ان انا عايز اجيب موبيل فقلت اجيب احسن حاجة وقت مهنزل .. واللي غالبا هتبقى الجلاكسي اس بلس .. ولو في حاجة افضل ياريت تقولولي .. خاصة واني بحب Htc عشان شاشته رهيبه
وبفكر اكثر اجيب تاب .. خاصة واني معجب بالموتورولا زووم .. وانا محتاج حاجة اقرأ فيها كتب حتى لو pdf
وانا عارف انه في الموبيل واللاب .. بس التاب مريح في المسكة وشاشته اكبر وسهل في الحمل والتنقل
وبفكر اجيب لاب .. اللاب هيكون فيه مميزات التاب .. بس كبير ومش مريح في القرايه وانا فعلا هحتاج حاجة اقرأ عليها كتير .. دا غير انه اصعب في الحمل .. وانا كدا كدا استخدامي للكمبيوتر .. عبارة عن النت او بشوف برامج ثقافية او دينية
دا غير اني عندي لاب ..
فانا بصراحة معجب بالموتورولا زووم .. بس انا معرفش كويس ايه مميزات التاب ؟
وجهة نظري المتواضعة .. ممكن استغنى عن اللاب عشان التاب هيوفرلي النت والقرايه
وممكن استغنى عن الموبيل لإن التاب لو موتورولا هيبقى اندرويد مع شاشة 10 بوصة
كلامي صح والا ايه ؟!
وعندي استفسار كمان .. هو الموتورولا زووم بيتركب فيه سيم كارد دي عشان النت بس والا ممكن اشغله تليفون بسماعة بلتوث ؟!