هي تقريبا في 6 اكتوبر هل هي كويسه ؟ والا سعار ايه؟
عرض للطباعة
هي تقريبا في 6 اكتوبر هل هي كويسه ؟ والا سعار ايه؟
ممتازه بس الاسعار فوق في المناطق الحلوه
أكتوبر و الشيخ زايد كويسين، و زايد أقرب من أكتوبر لو إنت جاي من ناحية ميدان لبنان، في أسعار كتير لو نص تشطيب يمكن من 1700 جنيه لذي مانتا عاوز.....أنا اليومين دول بفكر جدياً اشتري في حدايق الاهرام بغرض تأجيرها إن شاء الله عشان الأسعار هناك أرخص كتير -ممكن من 1000 جنيه تلاقي حاجة هناك و أريبة من شارع الهرم
والطرق السريعة و الله الموفق للجميع. على فكرة لو حد عنده علم بمتوسطات الاجار إيه هناك مع حجم الشقق و اه الحاجات إلي بتخلي الشقق مرغوبة أكتر للتأجير يا رت يقوللي.
بص يا باشا الاسعار من ليوم بتتغير بطريقة مهوله :M_yes[1]:
اللي اقدر افيدك فيه انك لو عايز تسكن الناحيه دي .....يبقى تعالى الشيخ زايد
اكتوبر و حدائق الاهرام اتملوا عك وتكاتك و ميكروباصات و عمارات عشوائيه كتير
في حين ان الشيخ زايد اغلى .......
الموضوع محتاج منك تيجي يوم وتلفلف و تروح البنك يمكن تلاقي
و انا هنا في زايد و فاضي اليومين دول لو عايزني اقبلك الف معاك
متابع
يابختكم عندكم اختيارات كتيير في القاهره علي عكس الأسكندريه اللي كل فين وفين تلاقي عماره واللي يعمل كومبوند في وسط مكان معفن يعملك المتر يبتدي من 4000 جنيه ولو في عشش ومناطق عشوائيه تلاقي المتر 2000
http://www.nilemotors.net/Nile/182145-a.html
السلام عليكم
اعتقد انك لو فتحت الموضوع ده هايفيدك جدا فى البحث عن شقق فى الشيخ زايد
سيبك من العنوان الموضوع نفسه متفرع لكتير من مناطق زايد
اما مختصر الكلام
1-لو معاك عربيه يبقى المشروع بتاع بدر الدين مناسب (( الشقبه بحوالى 85000 و باقي اقساط ))
2-من غير عربيه يبقى الحي ال13 مناسب ليك (( معظم الاحياء التانيه "العادية "تقريبا مافيهاش شقق بس لازم تدور لو عاوز فيها )) متوسط 100000 الشقة و الباقى اقساط بسيطة
3-لو مستواك المادي يعدي 300000 فى الشقه يبقى الدنيا سهله معاك جدا لان فى ركود فى قطاع العقارات فى الاحياء من 7 الى 10
4- لو معاك 450000 يبقى كومباوند ودول سهل تلاقى ان شاء الله
قول انت تقدر تدفع كام و ان شاء الله اعرف اساعدك
يعني يا استاز rocana الاحياء من الاعلي فالادني والسعار بالتقريب اصل انا محتار اروح الخامس واجتهد في الفلوس شويه والا اروح الشيخ زايد :: اسف لتعبكوا معايا