انا هاتجنن من اللى حصلى النهاردة

**ahmed_007** · 23-08-2011 04:16 AM

السلام عليكم و رحمة الله و بركاته
انا النهاردة حصلى حاجة غريبة جدا انا كنت رايح كارفور المعادى و كان فى حادثة على الدائرى و زجاج كتير مكسر على الارض المهم روحت و لما خرجت لاحظت ان العربية مايلة شوية ببص على الكاوتش لاقيته مريح شوية قمت رايح على بتاع الكاوتش و قولتله اكشفلى عليها و كان الضغط بتاعها 30 الراجل قاس بالمقاس لاقاه 17 قولتله طيب إلحمه فك الكاوتش و بيكشف عليه لاقى في الفردة 13 خرم و كلهم زجاج قام لحمهم بخوابير امريكى لونها برتقالى انا قولتله لا انا عايز اللحام الداخلى الالمانى قالى و الله ان ده احسن منه و انا خايف جدا من الخوابير دى و هى مش زى الخابور العادى دى تحس انها مطاطية و عليها زى غراء و لونها برتقالى و زعلان جدا لان الفردة دى الاصلية بتاعة العربية و من يوم ماشتريت العربية اول مرة تتخرم و اتكلفت 130 جنيه فيا ترى تنصحونى بايه اشيل الخوابير دى و الحمهم بالحام الداخلى ولا اغير فردة الكاوتش لان انا خايف جدا منها

**osama.m** · 23-08-2011 04:29 AM

الاحسن ان الفردة تتغير
بس للاسف انت وقعت تحت ايد نصاب .. حكاية ال 13 خرم دي نصباية معروفة .. بيحط مية و صابون و يقولك شوف يا باشا دا خرم و دا خرم .. وساعات بيخرم هو العجلة و هو بيفكها
قدر الله وما شاء فعل بس ابقى خد بالك بعد كدا

**TheUnknown** · 23-08-2011 04:52 AM

المشاركة الأصلية كتبت بواسطة osama.m

الاحسن ان الفردة تتغير
بس للاسف انت وقعت تحت ايد نصاب .. حكاية ال 13 خرم دي نصباية معروفة .. بيحط مية و صابون و يقولك شوف يا باشا دا خرم و دا خرم .. وساعات بيخرم هو العجلة و هو بيفكها
قدر الله وما شاء فعل بس ابقى خد بالك بعد كدا

انا كنت رحت لبتاع كاوتش و انا ماشى فى السكة(اول مرة اتعامل معاه),رفع العربية و اعد يقول لى لف العجلة يمين يمين يا باشا,ايوة كدا,بعدين بيكون هوا اللى بيخرم العجل,لأيت 13 خرم بردو,و دبسنى فى 50جنيه
رجعت للى بتعامل معاه قال على الحكاية دى.