مساعدة من ساكنى مصر الجديدة ومدينة نصر
السلام عليكم ورحمة الله وبركاته
لا حول ولا قوة الا بالله بما ان معظم السوبر ماركت الكبيرة والمطاعم والنوادى بتبيع لحوم فاسدة ومنيلة الله لا يكسبهم وميرحمهمش من اللى عملوه فينا.
كنت محتاج منكم مساعدة لاننى اعتبرساكن جديد فى مدينة نصر ومصر الجديدة وكنت بجيب حاجتى من ناس معروفين بس اماكنهم بعيدة حبتين فياريت لو تساعدونى فى اختيار :
جزار مضمون : اتعاملت مع الضو فى مدينة نصر ولحمته كويسة
سوبر ماركت : معظم الوقت سبينس
الخضار والفاكهة : بجيبهم من الحى التامن من السوق
الدواجن : من سوق التامن
الالبان : من محل فى العباسية ومشوار بصراحة ومفيش ركنة غير بعد دوخة
الجبن : من سوبر ماركت فى تريومف
العيش والمخبوزات : من جسر السويس
ياريت بقى يا جماعة اللى عنده ترشيحات افضل ينصحنى بيها وجزاكم الله خيرا.