عرض للطباعة
للبيع بلاك بيري كيرف 8052 ملمستوش يادوب فتحت العلبة ولا ركبت البطارية ولا الشريحة مفتحتوش، زيرو
من فودافون بضمان سنة تبدأ اليوم، 3 شهور خدمة بلاك بيري مجاناَ مع خط فودافون برقم مميز 015
سبب البيع، بعد ما اشتريته بساعتين جالي تليفون إن الشغل عندنا هيجيبوا بلاك بيري كيرف 9300 بسعر مخفض!
سعر البيع: 999 جنيه
طريقة البيع، هقابل اللي عايز يشتريه إن شاء الله واتنازله عن الخط والتليفون في أي فرع فودافون.
ملحوظة: هو غير متوافر حالياَ في فودافون كما هو مكتوب علي الموقع الخاص بهم انا واحد صاحبي جابهولي، وسعره بره 1200 جنيه.
عندى استفسار ... بره موضوع الشرا يا محمود ... هوا بيجبرك على انك تشترك معاه فى خدمات البلاك بيرى .. بعد ال 3 شهور ... ولا مش شرط لانى شوفت العرض وشوفت الموبيل وعجبنى ... وناوى اشترى واحد بس شويه كدة ان شاء الله
إتفضل يا فندم أي إستفسارات تحت أمرك
بص هو مفيهاش إجبار يعني الموضوع بعد كدة بيبقي إختياري وإنت بتختار الباقة اللي تناسبك سواء شهرية أو يومية أو متشتركش خالص بس هو الموضوع مش لله وللوطن هو فيه سياسة جر رجل كبيرة لأن البلاك بيري والبي بي إم إدمان ولو إتعودت عليها صعب تسيبها، زي فيس بوك كدة، وهو بيديك مع الموبايل "خط" هدية، خط مفتوح، وده جر رجل تاني لأن عمر ما حد بيعرف يسيطر علي خط مفتوح، فا انا كنت ناوي بعد ما التلات شهور يخلصوا هروح أقلب الخط علي نظام الكارت وأتعامل مع خدمة البلاك بيري بالنظام اليومي لما أحتاجها، بس علي حد علمي إن العرض ده بيخلص وإتشال فعلاَ من الموقع وبقي مكتوب في لستة الموبايلات إن موبايلات العرض غير متاحة.
اه تمام .... شكرا يا محموداقتباس:
المشاركة الأصلية كتبت بواسطة motorizer
معالي الباشا انت متأكد من موديل الجهاز
يعنى هو 8052 و 8520
محمود يقصد ال 8520 مفيش 8025اقتباس:
المشاركة الأصلية كتبت بواسطة ahmedaglan
طيب الخط اللى فية نظامة فاتورة ولا كارت
نظامه خط يا أستاذ حازم
معلش يا جماعة الموبايل بقي غير متاح للبيع أحد أصدقائي هياخده
باشا صحبك اخدو خلاص ؟؟
نعم الحمد لله تم البيعاقتباس:
المشاركة الأصلية كتبت بواسطة hotride
الحمد لله و انا برده جبته بالعافيه و انتظار يومين من فودافون بنفس سعر :)
ش النوع ده 2g?