الي يخبطه اوتوبيس نقل عام يعمل ايه؟؟؟

**egyptiandiver** · 13-11-2012 02:22 AM

يعمل ميتم! قصدي محضر

**Dr.Rayyan** · 13-11-2012 02:46 AM

المشاركة الأصلية كتبت بواسطة احمد نور الدين

يا باشا انت راجل مهندس امشي صح واعمل اللي عليك ومتقولش هاخد حقي ولا لأ خد بالاسباب واعملها وبعدين كلو علي ربنا

نصيحتي لحضرتك

متصلحش العربيه ولا تعمل حاجه في الخبطه

هاتروح القسم تعمل محضر باللي حصل ولازم تفضل جنب الامين او الظابط لغاية لما المحضر ياخد رقم جنحه او مخالفه ويديك الرقم

ويستحسن تروح القسم بدري وتقولهم انا عايز اروح النيابة

لما تروح النيابة اطلب من وكيل النيابة انك تعمل معاينه للعربيه

تاخد قرار المعاينه وجري علي مهندس المرور يعملك تقرير فني

يستحسن وبشده ان لو عندك شهود تاخدهم معاك النيابة يشهدوا

تمشي مع المحضر لغاية ماهييجي جواب من هيئة النقل العام باسم السواق

حدد في المحضر تاريخ وساعة ومكان الحادثه علشان تعرف السواق اللي خبطك ومتظلمش حد

خالص تحياتي

ناس طيبيين اوى يا خال

**احمد نور الدين** · 13-11-2012 03:05 AM

المشاركة الأصلية كتبت بواسطة dr.rayyan

ناس طيبيين اوى يا خال

ممكن اسال حضرتك ايه الاحسن اقعد واحط ايدي علي خدي ولا اتبلطج علي الناس وممكن ادخل انا في مشكلة اكبر بكتيير

ولا اعمل اللي عليا وادور علي حقي لو وصلت لحقي خير وبركة ولو العكس ابقي علي الاقل عملت اللي عليه وحقي في رقبة اللي ضيعه وبعدين استعوض ربنا ازاي وانا اصلا محاولتش اخد حقي ده مش عوض ده ضعف وكسل من وجهة نظري

**احمد فهمى** · 13-11-2012 03:09 AM

مولوتوف

**khaled_legend** · 13-11-2012 10:09 AM

في اي بلد محترمه : هتقدم تقرير في اقرب قسم و شركه التأمين هتصلحلك العربيه.
في مصر : تحمد ربنا و تبوس ايدك وش و ضهر انك لسه عايش بدون اي عاهات و تودي عربيتك للسمكري.

**mo3tazanas** · 13-11-2012 11:47 PM

انا ها اجبلك الخلاصة نتيجة الخبرة لان انا اتخبط كتير قبل كدة اتوبيس نقل عام -ميكروباص -ملاكى
الخلاصة لو ما اخذتش حقك ساعتها اى ساعة الحدثة مش هاتعرف تاخد حقك تانى
باى وسيلة كانت تاخد ثمن الحاجة اللى باظت -تاخد حقك من بالضرب لما تشفى غليلك -تكسرلو العربية .....اى طريقة كانت
عدا ذالك موت ياحمار تبلغ الشرطة تبلغ رئيس الجمهورية ولا حد ها يسال فيك