الموضوع: حشو عصب و طربوش بورسلين

المشاركة الأصلية كتبت بواسطة human12

بعد ان خوخ الضرس و اصبح مفرغ نجح السوس اخيرا فى الهجوم على العصب و اصبح ينتابنى الم فظيع لا يفلح معه الا مسكنات قويه

فعزمت غير راغب ان اذهب الى طبيب الاسنان الذى يصيبنى دوما الهلع مذ كنت صغيرا

الطبيب الفاضل بيقولى الموضوع يخش فى 800 جنيه مصرى
300 حشو عصب
و 500 طربوش بورسلين

يا ريت اللى عنده خبره او طبيب اسنان يفيدنا

واضح ان الموضوع بالنسبه ليك عامل مشكله من ناحيه التكاليف لكن اسمحلي اقول ليك ان الاسعار دي المتوسط بتاع العيادات
كون الدكتور عنده جهاز apex locator ده شيء رائع
حشو العصب من العلاجات المعقده و اوقات بيحتاج لمتخصص علي حسب امور بيحددها الدكتور نفسه اللي بيقوم بيه و احب اقولك ان في اخصائيين علاج جذور عندهم اجهزه بأكتر من 300 الف جنيه علشان علاج الجذور و حتي دول مش بيشتغلو الا الحالات المعقده اللي بقولك عليها و بالنسبه للاجر اللي بيتقاضوه في الحالات دي مش عايز اعكنن عليك
انت بس اتكل علي الله و ابدء في علاج الجذور و بعد علاج الجذور بحوالي اسبوع روح ركب الطربوش و متهملش و تقول خلاص كده لأن الضرس بينكسر بعد فتره طالت او قصرت لو متركبش عليه طربوش و يبقي ضاع عليك الفلوس و الوقت و المجهود و فوق كل ده الضرس نفسه

المشاركة الأصلية كتبت بواسطة Ashraf_Ibrahim

اسعار اطباء الاسنان مش ثابتة بتختلف حسب المكان رغم ان المواد قد تكون واحدة
يعني ممكن الحشو ابو 300 دا تلاقيه في مكان تاني زي عندنا مثلا ب 100
والطربوش ابو 500 دا تلاقيه في مكان تاني ب 200 مثلا
المكان بس هو اللي بيفرق في السعر

حضرتك مش بس المكان صدقني انا عارف كويس جدا و عن تجارب ليا او لزمايلي و علشان اقرب ليك الفكره هل العربيه ال 128 هي هي نفس اداء المرسيدس؟
اكيد لأ
و شوف باقي الرد علي الاعضاء علشان الصوره تكمل عندك

المشاركة الأصلية كتبت بواسطة mahora

اللى انا متأكد من وجود تفاوت فيه هو الطربوش لانه بيختلف من معمل للتانى و حسب جودة الطربوش..... لو انت مطمن للدكتور و عارف ان شغله كويس و عنده ضمير يبقى اتكل على الله و متفكرش كتير و تقارن لانك هتاخد شغل كويس مقابل اللى هتدفعه لان الليلة دى عايزة دكتور بيفهم و يعملها كويس و الا الطربوش ممكن ميريحكش او الدكتور ميعملوش كويس فيعمل مشاكل من نوعية انه يشيل بواقى اكل تحتيه و غيرها من المشاكل المزعجة.... انا جربت اليلة دى عند كذا دكتور و دى الخلاصة

ده كلام سليم و مش بس المعمل اللي بيفرق في الشغل في امور تانيه تقنيه و امور خاصه بالخامات و المعدات اللي بنشتغل بيها و بتتحكم في الجوده النهائيه للتركيبات الثابته

و بالنسبه لتجربتك الموضوع ده عند كذا دكتور اتمني بس ان العيادات دي كانت نضيفه و الدكاتره فيها بيهتمو بالتعقيم و منع انتقال العدوي

المشاركة الأصلية كتبت بواسطة casperinoo

هو مش كتيير ...ده المتوسط او يمكن قليل لو شغله نضيف
في المستوصفات الخيريه ب 200 جنيه حشو العصب الضروس الخلفيه
والبورسلين اقل حاجه 250 جنيه
فالاسعار ديه طبيعيه

انا معاك المستوصفات ارخص حاجه بالنسبه للسعر بس في معظم الاحيان اللي احتكيت بيها في مستوصفات ده بيكون علي حساب المريض من ناحيه الخامات و المعمل و طبعا الاهتمام بجوده الخامات و المعدات و فوق كل ده الاهتمام بالتعقيم و عدم انتقال العدوي و تأكد ان في مستوي معين لأي حاجه تحت المستوي ده سعريا الخدمه بتكون مش بالجوده المطلوبه و علي حساب حاجات تانيه انا عن نفسي قاطعت الشغل في المستوصفات لما لقيت ان الواحد هيشيل ذنوب ناس

================================================== ==

و نصيحه للاعضاء مش لازم نجري ورا الارخص في الاسنان و بالذات في بلد الرقابه الصحيه فيها منعدمه و في نفس الوقت مش لازم اغلي حاجه تكون احسن حاجه خير الامور الوسط