-
حشو عصب و طربوش بورسلين
بعد ان خوخ الضرس و اصبح مفرغ نجح السوس اخيرا فى الهجوم على العصب و اصبح ينتابنى الم فظيع لا يفلح معه الا مسكنات قويه
فعزمت غير راغب ان اذهب الى طبيب الاسنان الذى يصيبنى دوما الهلع مذ كنت صغيرا
الطبيب الفاضل بيقولى الموضوع يخش فى 800 جنيه مصرى
300 حشو عصب
و 500 طربوش بورسلين
يا ريت اللى عنده خبره او طبيب اسنان يفيدنا
-
اسعار اطباء الاسنان مش ثابتة بتختلف حسب المكان رغم ان المواد قد تكون واحدة
يعني ممكن الحشو ابو 300 دا تلاقيه في مكان تاني زي عندنا مثلا ب 100
والطربوش ابو 500 دا تلاقيه في مكان تاني ب 200 مثلا
المكان بس هو اللي بيفرق في السعر
-
-
ايه اللخبطه ديه
الاسعار بعيد خالص عن اللى سمعته امبارح
كده الموضوع مفتوح اجتهاد و مش هيبان ليه صاحب
طيب ايه الحل؟؟
الفرق مش قليل
يعنى لما يبقى حشو العصب ب 150 و الطربوش البورسلين اخره 300
يبقى الضرسين ب 900
بس على حسبه اللى رحتله هيخشوا فى 1500
الفرق كبير
-
اللى انا متأكد من وجود تفاوت فيه هو الطربوش لانه بيختلف من معمل للتانى و حسب جودة الطربوش..... لو انت مطمن للدكتور و عارف ان شغله كويس و عنده ضمير يبقى اتكل على الله و متفكرش كتير و تقارن لانك هتاخد شغل كويس مقابل اللى هتدفعه لان الليلة دى عايزة دكتور بيفهم و يعملها كويس و الا الطربوش ممكن ميريحكش او الدكتور ميعملوش كويس فيعمل مشاكل من نوعية انه يشيل بواقى اكل تحتيه و غيرها من المشاكل المزعجة.... انا جربت اليلة دى عند كذا دكتور و دى الخلاصة
-
هو الدكتور صغير فى السن
انا هستخير ربنا و اشوف هعمل ايه لان الوجع رهيب
-
يفضل يكون دكتور مخضرم و متجرب عشان الموضوع مش سهل و لو متعملش كويس ممكن ميريحكش
-
هو مش كتيير ...ده المتوسط او يمكن قليل لو شغله نضيف
في المستوصفات الخيريه ب 200 جنيه حشو العصب الضروس الخلفيه
والبورسلين اقل حاجه 250 جنيه
فالاسعار ديه طبيعيه
-
انا كلمته قالى انه خريج 2005 و ماجيستير تركيبات و عضو جمعيه مش عارف ايه فى نيويورك و معاه جهاز يقيس الطول الفعلى مش عارف ايه للعصب من غير اشعه عشان الاشعه مش عارف ايه
و التولز اللى بيستخدمها و المواد اللى بيستخدمها و كده
هو قالى حقك تسأل بس انا بقدر زى
handy craft
انا بقول اتكل على الله
-
روح لدكتور تانى موثوق فية وشوف هيقولك أية ....
فى دكتور ممتاز فى ميدان الجيزة ....
أسمة د/كميل جرجس ....
Content Relevant URLs by
vBSEO 3.6.0 PL2