نظفت الرشاشات بجهاز الالتراسونيك - هيونداي اكسنت 1500 انجكشن

**essam_shaaban** · 23-08-2011 11:09 AM

انا معايا هيونداي اكسنت 1500 والحمد لله عربية جميلة ومريحاني ... بس كان بقالها حوالي شهر بتاكل بنزين و بدأت ترجرج كده ع السلانسية والrpm كان بيتمرجح و ينزل لتحت جامد مع السلانسيه او التكييف

غيرت السرفيس اللازم من فلاتر وزيوت وبوجيهات بس مظبتطش

رحت حطيتها ع الاسكانر مطلعتش حاجة بس الحريق كان نئ وكانت بتاكل بنزين بشكل رهيب يعني 17 لتر/100 كيلو

بعد قراءات متعددة ع الانترنت قولت اكيد ده عيب رشاشات خاصة ان الاسكانر طلع ان مفيش عيب في الحساسات

ورحت لورشة اسمها المركز الدولي التكنولوجي - العزبة البحرية بحلوان بصراحة ناس محترمين جدا مهندس و2 فنيين

فكوا الرشاشات ولاقوا رشاش عندي سوسته بايظة ، اشتريت واحد استيراد و عملوا تنظيف استمر حوالي ساعة و نص للرشاشات و نظفوا الحساسات و المانفولد و حرقوا علي البوجيهات القديمة وركبت طقم بوجيه ngk ياباني شمعة واحدة جديد ب 50 جنيه.

النتيجة الله اكبر .... فرق جامد جدا في السحب و السلانسيه وحساب البنزين رجع احسن من الاول وصل لحوالي 250 كيلو / الصفيحة بالتكييف وده رقم اعتقد كويس بالنسبة لعربية 1500

-التكلفة: حوالي 120 جنيه تنظيف + كمبيوتر
-الزمن: حوالي ساعتين ونص
المكان: امام نادي حلوان العام - العزبة البحرية

انا قولت انقل لكم تجربتي للافادة و الله الموفق و المستعان