الموضوع: الجامعات العربية فين على خريطة العالم ؟

المشاركة الأصلية كتبت بواسطة mars3v

الجامعات الاولى فى مصر (اسكندريه، قاهره، عين شمس) مناهجها ممتازه و معقده جدا بالنسبه للى بيدرس بره، بس اللى مودينا فى داهيه هو كسل الطلبه و فسادهم و استسلام الدكاتره للوضع المتدنى و القبول به.
الطلبه بره متميزين عننا فى حجات و احنا متميزين فى حجات تانيه خالص، و للاسف الحجات اللى هما متميزين فيها هى العوال الاساسيه للتقدم.

انا اؤيدك تماما في هذا
عن تجربتي في جامعتين مصريتين و جامعتين امريكيتين
في كل بلد تخرجت من واحدة وعملت في واحده
الطلبه في مصر عايزين الحرق
عايزين يروشوا و يتمنظروا و بس اما الدراسه تولع
في امريكا يذاكروا حتى منتصف الليل في كلية الطب و في مصر يروحوا الكليه عشان يقعدوا في الكافيتريا
المشكلة الاخطر ان اللى عايزين يتعلموا و عندهم مخ مش لاقيين لهم مكان
واللى عايزين الحريه و النشاط السياسي مش لاقيين مكان

المشكله الاساسيه ان النظام ينظر الى الجامعه كمصدر خطر يحدق به و يجب التعامل مع مصدر الخطر بكل قسوه
الامن ثم الامن ثم الامن عشان الاستقرار زي ما انتوا فاهمين
وتولع الدراسه على اللى بيدرسوا على اللى بيدرسوها
طول ما انت رايح الكليه عشان تتمنظر و تشرب شاي وقهوه تبقى تمام
تصنيف ايه ووجع قلب ايه ياعم بس
و سلملى على السيد مساعد وزير الداخليه مدير امن قصدى رئيس الجامعة
و ادي مثال تاني ياعم http://nilemotors.net/Nile/showthread.php?t=23990

يا جماعة موضوع كسل الطلبة دة له اسباب كثير منها :

1- عدم الاعتماد على النفس ، الطالب أخد على الدروس الخصوصية وإن كل حاجة بقت ملازم وحفظ ومراجعات ، فانتقاله للجامعة بهذا الشكل له أثر سلبى .

2- الإختلاط ، جو الاختلاط بين البنات والولاد جديد عند البعض .

3- المواصلات ، الشاب من دول متعود على المدرسة اللى جنب البيت والسنتر اللى على بعد شارعين من منزله ، فلما تجيله كلية فى الأقاليم ولا بعيدة شوية بيتعب ! وحقه طبعا لأن المواصلات زبالة فعلا ً .

4- نظام مرحلة الجامعة يختلف اختلاف جذرى عن المراحل السابقة ، تجد هناك فجوة كبيرة بين مراحل التعليم المصرى ، كفاية إن لغاية دلوقتى الاساتذة بتوع ثانوى بيضربوا العيال بالعصيان وافتح اييييييييدك يالااااااه .. طاااااخ

الموضوع كبير مش حكاية كسل طلاب ، المناهج فعلا ً صعبة ورذلة ورخمة وقديـــــمة ودة بشهادة اساتذة كبار ، ونظام التعليم فيه ثغرات لا حصر لها ...

والمشكلة مش فى الفلوس ! ، عندك دول الخليج ماهم فى الضياع برضه ...

يا جماعة لما العالم العربى لا يشغل ترتيب يبقى دة اسمه ايه ؟!