الجامعات العربية فين على خريطة العالم ؟

**AhmedGen2** · 11-05-2008 02:17 AM

السلام عليكم ورحمة الله وبركاته

Top 400

حد كدة يدور معايا لحسن مش لاقى ولا جامعة عربية فى الترتيب :o ، التعليم دة من أهم المعايير التى يقاس بها تقدم الدولة ، واحنا ما شاء الله ربنا يحرسنا فى الضياع :( ، انا مرة سمعت واحد من علماء مصر النوويين بيتكلم عن سوء أوضاع التعليم فى كليات العلوم ، وإن المناهج التى تدرس اتبخرت تماما من على الساحة العلمية ! ، الناس برة اخترعوا موبايل تاتو واحنا لسه بندرس قوانين نيوتن :( .

مراحل التعليم دى مهمة جدا من الابتدائى للإعدادى للثانوى وأخيرا ً التعليم الجامعى ، ولابد من تغيير جذرى لنظام التعليم فى مصر وإلا هنفضل كدة فى الضياع لأجل غير مسمى !

**sss** · 11-05-2008 02:29 AM

لأ متتعبش نفسك و تدور و لا حتى في top1000 لان التعليم ده اخر اهتمامتنا احنا فاضيين للتعليم و الكلام من ده احنا ورانا حاجات اهم بكتيييييييييير

**Chicco** · 11-05-2008 04:06 AM

بصراحه ما دورتش لاني متاكد إن الجامعات العربية مش على الخريطة أصلا :(

**ams** · 11-05-2008 04:26 AM

جامعات ايه بس ؟؟!!
ده احنا عندنا ماكينات فى الكلية مكتوب عليها "المدرسة الصناعية الحديثة" بتاعة محمد على

**M_HaFeZ** · 11-05-2008 09:46 AM

انت اكيد بتهزر مش كده ؟؟؟
جامعات عربيه فى احسن 400 جامعه فى العالم ؟؟؟
طيب اقولك انا فى جامعه انجليزيه كنت بافكر فى الدراسه بها
ورغم انها من الجامعات المعروفه وان لم تكن فى الصف الاول فى انجلترا الا ان لها عدد كبير جدا من الدارسين بها
رغم كل ذلك لم تكن فى احسن 100 جامعه على مستوى اوروبا !!!

جامعات عرييه !! الوحيده اللى ممكن تلاقيهم معترف بيهم وحط تحت معترف بيهم دى 10000 خط هى الجامعه الامريكيه فى بعض المجالات

الجامعات فى الخارج اعدادهم رهيبه مش زى مصر فى القاهره جامعه عين شمس فقط
على اعتبار ان جامعه حلوان فى حلوان وجامعه القاهره فى الجيزه وتعيشى يامصر

**Powert** · 11-05-2008 11:25 AM

الجامعات العربيات مكتوبة بحبر السري علشان الحسد يارجالة :D:D:D

**محمد المشد** · 11-05-2008 12:02 PM

صباح الخير 000 دا احنا بقى لنا اكثر من عشرة سنوات لاتوجد لدينا جامعة واحدة ضمن الخمسمائة جامعة الاولى بالعالم واسرائيل خفى الله اسمها من الوجود لها اكثر من اربعة جامعات 000 من اجل هذا تقدر تعرف لية احنا وصلنا لهذا الحال