انا كمان مش عارف تفسير او مش لاقى ازاى احلل الموضوع عشان اعرف اية السبب واية من اللى غيرتة حل المشكلة .
ياريت الاستاد محمد ممدوح يرد على استفسارى فى المشاركة بتاعتى
عرض للطباعة
طبعا أتمنى تلاقي حل لمشكلتك
بس مش 180 كتير ....... إذا كان 140 كتير
يا جماعة الطرق مش متصممة علشان السرعات دي و لا العربيات كمان .
ربنا يهدينا جميعا
غالبا دة يا جماعة بيبقى ضعف فى قدرة المكنة... يعنى المكنة مش بتطلع كل الاحصنة اللى المفروض تطلعها اما نتيجة تهريب فى الكبس من الشنابر او الصبابات و اما لمشكلة اثناء عملية التليين
طبعا كل دة بعيدا عن اخطاء القيادة لان فيه ناس بتبقى ماشية 80 او 90 على الخامس و تكبس الدواسة و متوقعة ان العربية حتوصل الى 190
MMamdouh
طيب بعيدا عن قدرة المكنة
وانا معاك ان المكنة لو قدرتها مش قد كدة او فيها حاجة زى مازكرت نتيجة تهريب كبس او مشكلة اثناء التليين.
انما لما تبقى المكنة عادية مظبوطة وتبتدى تظهر معاك المشكلة اللى احنا بنتكلم فيها ولما غيرت قطعتين غيار المكنة واحدة منهم على حسب ما معظم الاراء اللى اجمعتها ان السبب طقم دبرياج والتانية صدفتنى مشكلة ضعف الطلمبة وقطعت وتشتغل وتقطع بمزاجها غيرتها.
العربية رجعت زى ماكانت وبتقدر تطلع قدرتها اللى المفروض تلاقيها منها . يبقى كدة بعدت عن موضوع قدرة المكنة انها مش قادرة تطلع كل ما عندها نتيجة فقد جزء من عدد الاحصنة بسبب تهريب فى كبس المكنة واللى كان مأثر حاجة عاملة زى اعاقة للمكنة مش مخلياها تطلع اللى عندها ...
اللى هيا كانت عملالى مشكلتى ومشكلة ناس دلوقتى تبقى ماشى مثلا 140 وتدى الغيار الخامس عشان تكمل تلاقى العربية بتكن مش بتكمل زى ما مفروض تكمل .
طيب ماتيجى نخدوها خطوة خطوة كدة نطمن على المكنة وبعد كدة نبص على طقم الدبرياش تمام ولا اية نشوف حالة الرشاشات حالة الحساسات نراجع على العربية يعنى ونتأكد اوى من الحاجة اللى فيها شبهه للمشكلة.
نبتدى كلة يحاول يعمل اختبار كبس للمكنة بتاعتة ويشوف النتيجة واللى المكنة عندة مفصرة يبقى فهم المكنة محتاجة كدامثلا طقم شنبر بدل مايصرف مصاريف على الفاضى عمال يغير فى حاحات تانية ومش هيا اللى هتخللة المشكلة ..........
اللى هيعدى مرحلة الكبس وكبسة تمام يبتدى يبص على طفم الدبرياج شغال ولا ابتدى يدخل فى مرحلة التهييس وهيحتاج يتغير بعد فترة او يغيرة بمزاجة طبعا وعلى حسب ظروفة........
معندكش مشكلة فى الكبس ولا الدبرياج يبقى هتبتدى تبص على دورة البنزين والكهربا والهوا فلاترك ورشاشاتك بوجيهاتك ووووووو .
اللى مش عاجبة كلامى او مش مقتنع بية عادى انا والله كل الموضوع بالنسبالى عايز اساعد الناس اللى عندها المشكلة واحدة واحدة لحد مانحلها ان شاء الله لأن احساس ان عربيتك فيها حاجة دة بيقفل من العربية وانا جربت الاحساس دة .
( بس انا فية حاجة هتجننى عربية اكسنت 99 والمكنة خفيفة وش وبتاكل زيت ويتجيب ال180 وصاحبها بيقفل امبير على الدولى بتاع العجمى وخط الساحل عادى مش مفروض المكنة خفيفة يبقى المكنة مش هتفدر تطلع قدرتها وتوصل للسرعة دى ) على فكرة لسة جاى فى بالى الموضوع دة حالا افتكرتة كتبتة اية تحليلكم ورأيكم للحوار دة مكنة خفيفة وبتجيب سرعات وبتقفل امبير عشان انا لو مكنتش ركبت العربية دى مع صاحبها وشوفت بعينى مش هصدق .
بس اولا واخيرا السرعة خطر جدا على الاقل اى موقف قدامك على الطريق لاقدر الله لو ماشى 120 هتقدر تلم نفسك ومعاك وقت تتصرف انما 180 او 190 هتلم نفسك فى قد اية وهتلحق تتصرف وتفادى نسبة الخطر اكبر اكيد اكيد ........ انا مش من هواة الجرى واقفل امبير وامشى 180 انا بس احب تكون العربية مظبوطة انا اخرى على دائرى مثلا 120 وادى الخامس واريح الكلام ولو وصلت هما ال140 بالنسبة ليا حلووين اوى على اى طريق سفر كمان . ( امشى براحة توصل بسرعة ) دة اللى اتعلمتة من حادثة ربنا ما يكتبها على حد بسبب السرعة مع خطء الاخرين وملحقناش نلم نفسنا يادوب فادينا العربية اساس المشكلة لقينا عامود نور فاديناة بس كان جنبة كوم تراب العربية اترفعت من جنبها اليمين راحت قالبة ومكملة سحف على السقف فى التراب واحنا جواها لحد ماوقفت .... فا الواحد لو متعلمش من الكلام دة يبقى معلش مش بنى ادم .
عشان كدة فتحت معاكم الحكاية دى عشان كل واحد يفكر انة بقى امكن سواق وتبقى سواقتة كلها جرى فى جرى يتعظ من اللى حصل معانا انا واصحابى ,
واسف على الاطالة .
انا فكرت فيها من كل النواحي
اللي يخلي العربية تجيب علي الرابع 140
موتور حالته كويسه مفيهوش أي حاجة
دبرياج سليم
طلمبة بنزين كويسة جدا
انا شايف ان عندك مشكلة في مجموعة الخامس في الفتيس
.
طيب علي أر بي إم أقل شوية ... 4000 مثلا ...
الخامس علي الأر بي إم الأقل بيزود السرعة معاك ولا بيقللها بردو ؟؟!
.
.لو بيقللها بردو غالبا هتبقي مشكلة فتيس ...
لو مش بيقللها يبقي الله أعلم ...
رجااااااااااااااااالة اخيرا عرفت المشكلة
المشكلة هى ف مجموعة الخامس و اللى حصل ان الفتيس متصلح ف الخامس قبل كدة و زى م انتو عارفين انو عبارة عن ترسين واحد كبير و التانى اصغر ف اللى صلحو حمااااار و ركب الترس التانى كبير ف بقى الترسين قد بعض ف السرعة بتاعت العربية قلت و بالتالى بتثبت ع 140 بس الفكرة بقى لو حبيت اصلحو يتكلف كام؟؟؟ وهل يرجع زى الاول ولا؟؟؟