لمبات الشبورة عندي اتحرقت

**solghof** · 23-08-2011 03:24 PM

السلام عليكم
من فضلكم عندي شوية اسئلة
لمبات الشبورة عندي اتحرقت
وطبعا غيرتها اكتر من مرة بس كل اللمبات اللي جبتها تعبانة
وانتوا عارفين الجين 2 معتمدة اعتماد اساسي علي نور الشبورة في النور الواطي
فمش عارف اعمل ايه
هيا اللمبات الاصلية بتاعتها كام وات ؟ واسمها ايه بالظبط ؟ واجيبها منين ؟
انا غيرتها 4 مرات وكل مرة تعبانه اكتر من الاول ولا كأنها نور سهاري مش شبورة
مش بشوف حاجة خالص غير لما افتح العالي

وبالمناسبة لو عاوز اركب نور زينون في الشبورة برة التوكيل
هايكلفني كام ؟ واجيبه مينن ؟ ومين تنصحوني يركبهولي بدون مالعب في الضفيرة ولا اي حاجة في العربية
العربية لسة موديل السنة دي فمش عاوز ابوظها

وتنصحوني اركبها في الشبورة ولا في الكشاف الاصلي بتاع العربية
انتوا ايه رأيكم

وجهاز الديفيدي اللي فيه GPS اللي بيشتغل مع المالتي فنكشن بتاع العربية
الاقيه فين وبكام ومين يركبهولي لحسن رحت لواحد في شارع دمشق علشان اعمل وصله aux
كان هايقصلي سلك الكاسيت وهيبوظ الدنيا وفي الاخر معرفش يعمل حاجة

معلش دوشتكم بأسئلتي الكتير
وكل سنة وانتم طيبين

**Mohamed.Kader** · 24-08-2011 01:40 PM

السلام عليكم

والله أنا ممكن أرد على حضرتك في نقطة من النقاط اللي بتسأل عليها

لمبات الفوج عندنا H3/12V-55 Watt في أنواع موديلات محترمه في فيليبس عليها شدة إضاءة تفوق الأصلي بس للاسف مش موجودة بقالها فترة اخر ميعاد عرفتو أنها ممكن تتوجد بعد العيد وسعرها في حدود 100:120 جنيه لللمبتين