حكايتى مع زيت فالفولين valvoline و خدمة تغيير الزيت delivery
السلام عليكم و رحمة الله
كنت قبل كدة حطيط موضوع عن زيت valvoline و كنت بسأل البروتوناوية عليه بس فى النهاية قررت اجربه و اقولكم على التجربة.
الاول قررت انى اجرب خدمتهم لتوصيل و تغيير الزيت فى اى مكان انا موجود فيه و هذا ما حدث :
الزمان : الاحد 21-8-2011
المكان : مكان العمل فى منطقة الدقى
التوقيت : الساعة 3 عصرا و الحقيقة وصلو الساعة 2.30
طريقة تغيير الزيت : الشفط و ليس عن طريق الطبة و دى اول مرة افكر اجربها.
الثمن : 270 جنيها و الزيت بيقعد حسب كلام المهندس 15000 كم و هما بيوفروا خدمة تحليل الزيت عند 10000 كم للتأكد من مدى صلحيته عن طريق اخذ عينة منه فى جهاز معين
فريق العمل : مهندس من الشركة و فنى
وقت التغيير : 20 الى 30 دقيقة و بحرفية و نظافة
البقشيش : و لا سحتوت حيث ان نظامهم يمنع اى بقشيش
الاداء : اكثر من رائع و تفصيلا
1- صوت الموتور هادى جدا جدا جدا لدرجة انى ما سدقتش الموتور
2- التسارع : حاسس انى كنت بستخدم قبل كدة زيت تموين
و لكى نكون موضوعيين بعد حوالى 5000 كم هابقى انقل تجربتى كامله
الزيت المستخدم قبل ذلك : 1 - توتال و كان كويس
2- كان شل الترا و كان مقارب من توتال
3- فيسكو 5000 و كان سيئ حيث انه بعد 4000 كم فقد اللزوجة و اصبح كاعسل البوادى الاسود
يا رب اكون نقلت تجربة واضحه
و اخيرا ربنا يوفقنا جميعا فى هذا الشهر الذى يصعب علينا جميعا فراقه
و السلام ختام